للنقـآش || الإنتخبـآت والتصويت في بلد غير إسلامي ~

[إسراء الفلسطينية]

السلام عليكم ورحمة الله وبركــآته ..

يعيش بعض منّـآ في بلاد ليست إسلآمية ..

في بلاد تدعى أنها " ديمقرآطية " .. ~

.



.

أعيش في بلد غربي .. يقترب موعد إنتخاباتهم البرلمانية

ولكن .. تقف هُنـآك تساؤلات عن " صحة " الإنتخاب ،

كوننا مسلميـــن نعيش في بلد تحكم بالكفر..

فهل يعني أننا لو إنتخبنا حزب من هذه الأحزاب المرشحة أننا ندعم إنتشار كفرهم ؟

أو أننا يمكننا أن ننقظ المسلمين ولو بنسبة قليلة من ظلم و عنصرية هؤلاء الذين يكرهوننآ !

اُريد الإستماع إلى آرآئكم .. علّها تُغير رأيي :)

[PaLeSt!Ne SouL]

http://www.islamqa.com/ar/ref/111898

^^

[شهيد]

اممم رح احكي رأيي الشخصي ، يللي مبني ع تصوري

ما بعرف رأيي الشرع في هيك قصص :)

::

انا بعتقد موضوعك مشاركتك في حياتك سواء السياسية الاجتماعية العلمية الفكرية

في المجتمعات الغربية .. من اسس انتشار الدين الاسلامي ،

لانو انتي هيك بتسهمي في بناء مجتمع وتولية الافضل ، ومن بعده وبعده اعمار الدولة

واعمار الارض بعده ، يللي رسالة الاسلام في الاصل هي رسالة انسانية

وتهدف انو يعم الخير لجميع الناس بغض النظر عن دينه او اعتقاداتهم او او ..

::

زي ما بقصة سيدنا يوسف .. لما طلبوا منو يفسر الهم الاحلام

مع انه تم حبسه ظلماً وزوراً ، والشائعات يللي طلعت عليه

وكيد امراة العزيز اله ،

لكن لما اجو يطلبوا منو تفسير الاحلام لانو من وراها قضية انسانية

يللي هي كانت الجوع والقحط

ابدى الايجابية وفسر الاحلام لالهم

حتى انو ما طلب انو يخرج من السجن عشان يفسرها

او ما قال بديش افسرها

او ما جعل تفسيره للاحلام بناء على شيء من العزيز

او ما طلب ايمانهم لحتى يفسرها لالهم

بالعكس كان رده يتناغم مع مبادئ الاسلام يللي هي محبة الخير لكل الناس

مش تعملي زي واحد من الصعيد

مش طالع ومش مفسر هههههههههههههههههههههه

::



وطبعاً لو انا كنت ببلد متلك وعايش مكرم معزز ، ماخد بدي اقول جزء من حقي

وما بجد الغلظة في تعاملهم .. او شيء من هالقبيل

فواجب اني اساهم في بناء المجتمع وأعطي صوتي لأصلح ،،

[شهيد]

المشاركة الأصلية كتبت بواسطة palest!ne soul http://www.islamqa.com/ar/ref/111898

^^

بدي اقولك شيء اسماء .. ملاحظ عليك ههههههههههه

انو اممم بحس عندك نوع من حرفية اتباع كلام العلماء

انا برأيي هالشيء جميل جداً ورائع ، ولازم كل شخص يكون عنو

خلفية لحتى يسير امور حياته ،

بس دايماً العلماء او غالباً بيحكوا بشكل عام او بدخلو للقضايا

بشكل موسع ، كلامهم بيكون بناء على نظرة اوسع منا ..

::

لكن برأيي في هيك قصص زي الانتخابات .. الاصل الواحد يمعن عقله

حتى لو الشيخ قال ما تروحوا او روحوا .. كلامك ع راسي

بس وين شايف الصح بمشي عليه ،،

لهيك انا قولت رايي بغض النظر عن شو بيحكوا العلماء ،،

::

اساسا احنا بغزة .. كان الحكم والسلطة يللي موجودة لا تقوم على شريعة الله

ولا على دينه ، يعني بمعنى اخر اشبه بالبلاد الغريبة

او حتى البلاد الغريبة افضل منها :))

لانو هناك في قانون يحكم .. بس عنا ببلادنا العربية شلة بتحكم .. ما علينا

في عنا بغزة ، وقت ما صارت انتخابات .. الكل كان يدعو ليشارك

لحتى يتم اختيار الاصلح للامة والشعب ..

وطبعا مين ما كان الفائز .. لليوم الدستور والحكم الموجود حكم وضعي ،

نادر ما يتخذ من القران والسنة حكم في القضايا اللي بتواجه الموجودين عنا :))

[إسراء الفلسطينية]

المشاركة الأصلية كتبت بواسطة PaLeSt!Ne SouL http://www.islamqa.com/ar/ref/111898

^^

من الصفحة نفسها :

. يجوز للمسلم الذي يتمتع بحقوق المواطنة في بلد غير مسلم المشاركة في الانتخابات النيابية ونحوها لغلبة ما تعود به مشاركته من المصالح الراجحة مثل تقديم الصورة الصحيحة عن الإسلام، والدفاع عن قضايا المسلمين في بلده، وتحصيل مكتسبات الأقليات الدينية والدنيوية، وتعزيز دورهم في مواقع التأثير، والتعاون مع أهل الاعتدال والإنصاف لتحقيق التعاون القائم على الحق والعدل، وذلك وفق الضوابط الآتية:
أولاً: أن يقصد المشارك من المسلمين بمشاركته الإسهام في تحصيل مصالح المسلمين، ودرء المفاسد والأضرار عنهم.
ثانياً: أن يغلب على ظن المشاركين من المسلمين أن مشاركتهم تفضي إلى آثار إيجابية، تعود بالفائدة على المسلمين في هذه البلاد؛ من تعزيز مركزهم، وإيصال مطالبهم إلى أصحاب القرار، ومديري دفة الحكم، والحفاظ على مصالحهم الدينية والدنيوية.
ثالثاً: ألا يترتب على مشاركة المسلم في هذه الانتخابات ما يؤدي إلى تفريطه في دينه.

حلو كتير هل كلام ..

لانو منطقي ، مش متل تفكير بعض الناس المسلمين هون!

طبعاً انا لما أصوّت حصوّت للحزب يلي بيوقف بصف المسلمين

ويلي بساعدوا لحتى ياخدوا المسلمين حقوقهم ويلي بصدوا الضرر ومفاسد الآخرين عنهم !

نحنا هون صحيح ماخدين حقوق كثيرة ..

بس بنفس الوقت منواجه عنصرية وتشديد على المسلمين خصوصا بعد " أحداث سبتمبر "

في بعض الاحزاب الدنماركية معروفة بعنصريتهم اتجاه الإسلام والمسلمين

وحزب من هل أحزاب ، بحوذ على عدد كبير من الاصوات والو " مكانته " بالبرلمان !

عدد المسسلمين بالدنمارك كبير نوعا ما ..

ولو كل منّا صوّت للحزب يلي بيوقف معنا وبسهّل علينا امور العيش هوون .. فليش لحتى ما نصوّت ؟

.

.

حكيت كتير بعرف

نورتي أسوم حبيبتي

الرابط أفادني .. أكيد الحكم الشعري أهم من الاراء كلها :)

[Dr.Yaso]

اسراء انا بعتئد انو الموضوع ما إلو علائة بالدين

دينا يسر مش عسر،، والاشيا الي مش معتمدة بشكل مباشر ع الدين

ما علينا حرج لو عملناها،، انتي بتصوتي وبتعطي رأيك

بس اكيد ازا رشحتي حزب وفاز بالانتخابات مش حتكوني انتي المسئولة عن تصرفاتهن

لأنو في كتير غيرك بكونو صوتو معك

واكيد لما تيجي تعطي صوتك لحزب معين فإنتي رح تعملي بدينك

ورح تختاري الافضل والانسب بين الموجودين،، مش الأفضل بالمطلق

وهادا هوي أضعف الايمان يعني ما طالع بئيدك تغيري البلد كلها لبلد اسلامي

بس فيكي تختاري الافضل الي عندو مبادئ احسن اسلامية حتى لو ما اعترفو بالدين هني

والافضل هادا هوي الي دايما دينا بينصحنا فيه،،

فإنتي هيك بطريقة أو بأخرى عم بتنفزي تعاليم دينك والبائي عليهن

والله اعلم =)

[PaLeSt!Ne SouL]

شهيد بالدين ما بيضل النا راي جنب كلام العلماء

لو كان الموضوع مقطوع فيه كنت نقلته اصلا لجنائن الايمان

لكن طالما متروك للشخص نفسه يقرر حسب كلام العلماء

فـ أنا موافقة ع كلامك و قرأته قبل ما تعلق عليا :)

و تقريبا ما بيخالف المذكور بالفتوى

/

اصلا كل قصة الانتخابات مشبوهة

و لولا خوف انه يعم الفساد او انه حزب ما بيمت للإسلام بصلة

هو اللي يسيطر

و الا كنت اكست عليه كله

[sofy]

؛


أنـآ بعتقد أنو إذآ هـ الْشَخصْ عـآيش حيـآته , بـ هـ البلد ,
مكرمته , معززته , معطيته حقوق متل أهل البلد ,
وإذآ حضل إنتخـآبـآت , وشفت ِ هـ الشخص المتتخب كُفْء
وممكن أهل بلده يستفيدوآ منو , يصوتوآ للـأنسب
غير ذلك ..
اختياره لأي شخص فاسد بكون بساعد على نشر الفساد
يعني مجرد رآي شخصي ,
يعني إذآ الشغلة فيهـآ مصلحة لصلـآح المجتمع ,
بس ما بعرف شو الشرع بحكي
والله أعلم

[PaLeSt!Ne SouL]

في بعض الاحزاب الدنماركية معروفة بعنصريتهم اتجاه الإسلام والمسلمين

وحزب من هل أحزاب ، بحوذ على عدد كبير من الاصوات والو " مكانته " بالبرلمان !

عدد المسسلمين بالدنمارك كبير نوعا ما ..

و هذه وجهة نظري حتى لو انتخابات عنا

بس لحتى يوصل الأفضل للحكم

بس لو صوتي ما بيأثر انه الحزب هيك هيك فايز صدقي ما بروح

[Dr.Yaso]

المشاركة الأصلية كتبت بواسطة palest!ne soul
اصلا كل قصة الانتخابات مشبوهة

مشبوهة من اي ناحية؟

ازا من ناحية انو بينلعب فيها فما بعتئد الغرب عندهن هيك شي

ازا ازدك من ناحية دينية فإنتي غلطانة

لأنو دينا الاسلامي بحبذ مبدأ الشورى

قال الله تعالى: {وَشَاوِرْهُمْ فِي الأَمْرِ}.. وقال تعالى: {وَأَمْرُهُمْ شُورَى بَيْنَهُمْ}