|♥| جَـلسـة الـع‘ـيـد ~

[أبومجاهد]

موضوع مميزة كتير مرام

بدك تفاصيل هههههههه ماشي يما اقري لشوف :ppp

السلامو عليكو ,,

بدي احكيلكو عن يومي مع انو لسة ما بدأ ,,,

اول شي رحت ع الحلاق بعد ما صليت الفجر

حلقت وخلصت ,, وبعدها طلعت اخد دش ع السريع

ولحقت صلاة العيد في العراء

صلينا وروحت ,,, سلمت ع الماما والبابا وبوستهم :$:$

وبعدها عملو لفطور طبعا فسيييييييييخ

انا ما بحبو بس خلص من النفس باكل شوية

وبعدها صارو ييجو القرايب علينا ونازل اصب قهوة وامد حلو

وقبل شوية اجو خواتي اتصفطو

قال شو بدهم عيديات :S

هو الي راتب لحتى اقبضهم ,,

بس خلص فش مجال مش حيفكو الا لما يتعيدو

عيدتهم و خلصت

والمشكلة انو طول ما انا رايح جاي ع السوبر ماركت

ولصغار الي بعرفوني من الجيرانه يطلعو فيي ,,

زي الي بحكولي وين العيدية هههههههه

بس انا كنت عامل حساب وفاكك شواكل ,,, وانزلت اوزع عليهم

بس بجد العيد هادا احسن من الي قبل

يعني في حركة وفي اجواء عيد ,,,

بس المشكلة الحين انهم حلقولي

انا كل سنة بصير معي هيك ,,,

سيارتنا ما بتكفي ,,, اخواتي التلاتة وابوي و عمي يعني خمسة :@:@

وبلال ع التوتة يضل قاعد في الدار ما يطلع يعيد علشان يستقبل لضيوف

بس تقلقووووش انا كل سنة بعمل لفة مع اولاد خالاتي

تاني يوم او تالت يوم بلم كل اولاد خالاتي الشباب ,, وبناخد سيارة

وبنلف ع خالاتي كلهم من الشمال لدير البلح ,, وبنختمها بعشوة ع البحرررررر

يعني احسن من لفة اخواتي ,,,

وكوول عام وانتو بخير ,,,

: )