●|[ حَـوَّآءْ فِـيْ ضِـيَـفَـتِـنَـآ ]|●

[Maram .. ~]

متـآبعــة

[Pink Rose]

لـبـآسـكـ ~

1- مآ هو لونكـِ آلمفضل في لبآسكـ ؟

ما في لون معين .. بحب اجرب كل الالوان ..
بالشتا .. بحب الالوان الغامقة , وبالصيف الالوان الفاتحه :)

2- هل هُنآكـ شرِكة ( مآركة ) معينة تحبين آلشرآء من بضآئعهآ ؟

لا ما في ماركة معينة ..
المهم تعجبني القطعة اللي بدي اشتريها ..

3- هل تكررين آللبآس في أكثر من منآسبة ؟

مممم .. لأ ..
بس متل ما قالوا الصبايا ازا كانو الناس غير , ممكن اكررها ازا اضطريت :)

4- " الحقيبة اليدوية " هل تشكل أهمية لأنآقتكـِ ؟

ممم .. اكيد حسب اللبسة شو هي بدها شنتة تلبقلها ..
شنط اللبس الرسمي غير عن شنط اللبس السبور ..



مـسـآحـيـقـكـِ آلـتـجـمـيـلـيـة ~

1- هل أنتِ من هوآة وضع مسآحيق آلتجميل ( آلمكيآج ) دائماً ؟
أم تكتفين به في آلمنآسبآت آلكبيرة ؟

هلأ بالايام العادية .. بحط كحله ومسكاره وGloss ..
وبحط اوقات خط ايلاينر خفيف تحت عيني حسب لون اللبسهـ :)
ومكياج الحفلات والمناسبات ما بيفرق كتير ممكن احط eyeshadow زيادة بس ..

2- مآ هو نوع شركة مسآحيقكـِ ( مآركة مكيآجكـِ ) ؟

ما في نوع معين كمان .. كل شي ماركة شكل ..
ممكن اكتر شي Gabrini , Maybelline

3- هل تحبين وضع آلمسآحيق بنفسكـِ أم تفضلين أن يضعهآ غيركـِ لكـِ ؟ ولمآذآ ؟

انا بس .. لانه ما بحب اعجئ حالي ..
ومتعودة على شي معين وما رح اخاطر خصوصا ازا طالعة مشوار ..
بس اوقات اختي بتيجي وبتعملنا حقل تجارب بهيك قصص P:



عـنـآيـتـكـِ بـبـشـرتـكـِ ~

1- مآ هي نوعية آلصآبون آلذي تغسلين به بشرتكـِ ووجهكـِ ؟

Dove

2- هل تستخدمين ( آلواقي من أشعة آلشمس ) حين تخرجين لمكآن يعرضكـِ لهآ ؟

يس .. مع انه عالفاضي وجهي اخر فترة صار لونين من الشمس !
وهلأ رجع 90% متل ما كان الحمد لله ..

3- لو رأيتِ ( حب شبآب ) في بشرتكـِ ، هل تسآرعين إلى آلطبيبة للعلآج ؟

ما عندي حب شباب الحمد لله ..
بس ازا كان خفيف رح احاول اعالجه بكريمات
ازا كان كتير رح ارجاع الدكتور اكيد ..

4- هل سبق وأن نظفتِ بشرتكـِ بآلبُخآر ؟

لا ما جربت ..



عـنـآيـتـكـِ بـشـعـركـ ~

1- كم مرة تغسلين شعركـِ أسبوعياً ؟

مرتين تقريبا ..

2- كيف حآلكـِ مع زيوت الشعر / خلطات الشعر ؟

مممم .. بحط كريم لتصفيف وتغذية الشعر بس ..

3- مآ هو آلشآمبو آلذي تغسلين به شعركـِ ؟

Pert Plus و Head & Shoulders

4- هل تستخدمين ( أصبآغ آلشعر ) ؟ ومآ هي ألوآن أصبآغكـِ آلمنآسبة ؟

لا ما عمري جربت .. حابة لون شعري متل ما هو ..
يمكن بالمستقبل اجرب اما هلأ لأ :)



عـنـآيـتـكـِ بـجـسـمـكـِ ~

1- هل أنتِ حريصة على رشآقتكـِ ؟

نعم :$

2- هل تحرصين على آلغذآء آلصحي آلمتوآزن ؟

ممم بالوقت الحالي بحاول احرص ..
بس مش دايما بتزبط معي :P

3- هل تتجنبين عوآمل آلسُّمنة ؟ وآلمأكولآت آلسريعة ؟

مممم .. بشكل عام انا باكل اللي بدي ياه
بس بالليل بحاول ما اكل وازا اكلت باكل شي خفيف بس ..



آلـإكـسـسـوآرآت ~

1- هل تحبين لبس آلإكسسوآرآت ؟

يس ..

2- أتفضلين لبس آلمجوهرآت آلثمينة أم آلإكسسوآرآت آلبسيطة ؟

بحب الاكسسوار ناعم وبسيط ..



عـطـوركـِ ~

1- هل تشكل آلعطور أهمية كبيرة لكـِ كجزء من أنآقتكـِ ؟

مممم .. نعم

2- ماهو عطركِ المفضل ؟

ما في نوع معين .. ما بحب العطور التقيلة
بحب الروائح اللي بتعطي شعور بالنشاط والانتعاش
عندي body splash إسموو Pucelle , هاد المفضل عندي :)

[.. ريتّـــا ..]

سيدة الرقّة والنعومة
نوّرتي ^_*
ما شاء الله عنكْ الله يحفظك :)

[clara]

يسعدلي آلنآعم يآ نآس ، بلبقلو

إجآبآت حلوة بدل عَ أنوثة وَ أنآقة وَ جمآل

يعطيكـِ ألف عآفية يآ ربآ ^^

[Maram .. ~]

فديتك بينك :)

نورتي

[clara]

بمآ إنو فترة آستضآفة ربآ خلصت .،

خلينآ نختآر إم كنفوش [ إيمآن ]

في آنتظآرهآ ..

وبليز غيرو آلعنوآن وضيفو بينكـ روز للقآئمة

[Pink Rose]

حبيباتي شكرا كتير

إنتو الزوووء كله ..

ويسلمو عالاستضافة كمان مرة :)

[clara]

في إنتظآر أمون ^^

[عاشقة فلسطين..]

بأنتظآآآرِك أمون =))

[إيمـان]

جيت جيت :p