رحلتى إلى البريمة ~

[حسام المصرى]

من أسبوعين .. طلعت تدريب فى شركة بترول مصرية .. إسمها جابكو .. الموقع بتاعها موجود فى رأس شقير على خليج السويس .. البحر الأحمر ..

وطبعا نزلنا هناك تدريب فى كذا قطاع .. قطاع حفر وقطاع انتاج وقطاع انتاج وقطاع معالجة وقطاع حقول .. والواحد استفاد جدا ..

نزلنا على بريمة .. لشركة امريكية اسمها trans ocean وكان مدير البريمة امريكى قعدنا نتكلم معاه كتير أوى وبجد شخص محترم جدا ورائع .. استفدنا منه ..


أدى البريمة .. طبعا الصورة صغيرة .. بس الحقيقة شئ تانى ..



وادى بعض صورى .. هناك بس حذفت الوجه .. يعنى لأنى كنت مسمر منا لشمس جامد والخوذه بتاعة السيفتى بهدلت شعرى وكان حالتى حالة .. ^^ .. كمان الأفارول مكنتش مظبطه كويس من الشغل بقى والهم .. ^^

المطار ..



.. ده المكان اللى الطيارة بتنزل عليه .. طبعا كنت أول مرة أركب طيارة هليوكبوتر وكنت خايف .. ولبست البتاعة بتاعة النجاة عشان لو الطيارة وقعت فى الميا والطيارة كان فيها قارب نجاه ترميه يفتح لوحده ..
معلومة الطيارة بتشيل 12 فرد .. ولازم ناخد الأوزان طبعا قبل الطيران .. وكان منظر الطيران فوق البحر شئ يهبل بجد .. أنا كنت فى عالم تانى .. الموبايل ممنوع كان .. فمنفعش أصورلكم البحر .. وصوت الهليكوبتر عالى أوى .. فكنا حطين سددات أذن ..



ده برج الحفر ..



باخد صورة جمب أحد الرجول اللى مثبته البريمة فى أرض البحر .. ارتفاعها هائل ..



ده اسمه بوت .. بتعمله شركة ميرداايف البحرية .. ده مهمته أنه بينقل المعدات من البر للحفار وسعات بينقل أشخاص كمان .. فيه ونش من البريمة بيعلق الحجات اللى عايزها من عليه وبيطلع ..



ده بقى ال life boat او قارب النجاة بتاع البريمة .. بيشيل 45 فرد .. فيه 2 على البريمة .. وقت الغخلاء كله بيركبه وبينزل البحر .. وطبعا فيه إمكانية أنه لو اتقلب بيعدل نفسه تلقائيا ..



باين الونش فى الصورة والرجل ..


ده بتصور بليل .. طبعا الأفارول منور ليه بقى .. عليه مادة لما الضوء بيسقط عليها بتعمل وميض جامد .. عشان لو مثلا لدنيا ليل والمهندس عايز يشوف العمال يبانوا أو لو حد وقع فىا لبحر بليل يشوفوه .. أنا كنت خايف فى الاول وكنت حاسس انى هطير فى البحر لان الرياح كانت جامدة ..



شايفين طبعا .. لو كنت اتزحلقت بس من فوق كنت وقعت ..



ده بقى كنت لابس بتاع النجاه .. لأنى كنت نازل مع المهندس نشوف حاجة فى ال well head فى دور قريب خالص من البحر .. والمنصة ملهاش أسوار .. فلو وقعنا ده السيفتى بتاعنا ..



دى بقى البريمة بليل ..



دى الغرفة اللى كنت قاعد فيها فى البر ..



ده المطعم بتاع البر .. هو كبير اوى بيشيل 3000 واحد ..



شوية مواسير على البريمة ..



الملعب اللى على البر .. وكان فيه ملاعب سكواش هههههه .. وجيم وكافتريات والجو بليل أساسا رائع ..



الملعب بليل ..



كنت طالع من الجامع بصور البحر ..



زمايلى .. منهم مهندسين بترول زيى وناس ميكانيكا وناس كهربا وناس اتصالات .. شباب زى العسل والله .. وحشونى ..



هنا على السلم .. وأنا طالع ال rig floor <<



وإن شاء الله يوم 18/9 مسافر تدريب كمان لشركة مصرية بس هننزل على بريمة ألمانية تبع شكرة rwe >> بس يارب ميطلبوش تصاريح كتير أوى ..

كان فيه صور كتير أوى ليا ولصحابى تضحك بس يعنى مينفعش أحطها لأنى كنت هتعب فى إخفاء الوشوش ..

سلامو عليكو ..

[دمع المطر]

يعطيك العافية صور روعة
و مغامرة اروع كما يبدو

[حسام المصرى]

من أحلى المغامرات والله ..
بر وبحرا وجوا .. ^^

[حنين وطن]

جُهد رآئع تُشكر عليه ..

صور رآئعة وكأننا شاركناك رحلتك

يعطيك ألف عــآفيه ..أجمل تقييم ..

إستمر بجهودك وتميزك مُوفق

[CoOl GiRl..~]

يعطيك العّ ــآفيهـ

[.. ريتّـــا ..]

ما شاء الله
يبدو إنو الرحلة كانت مثمرة
بالتوفيق يا رب
والحمد لله ع سلامتك :)

[§عاشقة غزة§]

واااااااااو
صور روعة
اكيد الرحلة كانت ممتعة
لانه احنا استمتعنا من خلال الصور
يعطيك العافية

[حسام المصرى]

المشاركة الأصلية كتبت بواسطة حنين وطن جُهد رآئع تُشكر عليه ..

صور رآئعة وكأننا شاركناك رحلتك

يعطيك ألف عــآفيه ..أجمل تقييم ..

إستمر بجهودك وتميزك مُوفق

ردك رفع معنوياتى ..
هو كان ترديب لمدة 8 أيام واخدت عليه مرتب رمزى كمان .. وما شاء الله كان فيه مهندسين فىا لبريمة بياخدوا 200 دولار فى اليوم .. ربنا يكرمنى يارب .. أنا كتير استمتعت

المشاركة الأصلية كتبت بواسطة coo0ool girl

يعطيك العّ ــآفيهـ

نورتى كوووووووول

[حسام المصرى]

المشاركة الأصلية كتبت بواسطة .. ريتّـــا ..

ما شاء الله
يبدو إنو الرحلة كانت مثمرة
بالتوفيق يا رب
والحمد لله ع سلامتك :)

كتير التدريب كان مثمر .. الواحد حس أنه مهندس فعلا .. واستفدت كتير ..

الله يسلمك ريتا

[.. ريتّـــا ..]

ههههه أُوعك p:


:)