!~¤§¦ محاكمة منتدانــــا ¦§¤~!‏ شموخ انسان ~

[Dr.Yaso]

اجيتك

شو اكتر شي عاجبك بالمنتدى؟

اكتر شي مش عاجبك؟ (بصراحة وبدون دبلوماسية)

لو بيجيكي مريض عندو ايدز او إلتهاب الكبد الوبائي
بتعالجيه ولا بتخافي؟؟ على فرض انك مش ماخدة التطعيم

لو خربتي سن مريض وهوي كان متأمل فيكي خير .. بتمشيها وبتفهميه انك عملتي شي منيح ما هوي مش فاهم؟؟ ولا بتعترفي؟ مع العلم انو حيبهدلك لو عرف انك خربتيه


سنعود بعد قليل

آخر سؤال واهم سؤال بالوئت الحالي:

شو اسم خطك؟ لأنو كنت حاطيتو زمان و غيرتو وهلأ ما متزكرة انو واحد

[.. ريتّـــا ..]

اجيتك
ياهلا


شو اكتر شي عاجبك بالمنتدى؟
الناس اللي فيه وعلاقتهم ببعض

اكتر شي مش عاجبك؟ (بصراحة وبدون دبلوماسية)
اممم أسلوب البعض ، أو بمعنى أصح .. البعض يستخدم كلمات يمكن تكون عادية ومتداولة بلغة الشارع
لكنها غريبة عليّ وما بحب حدا يقولياها
ما تسألوا شو هيي الكلمات منعاً للإحراج :)

لو بيجيكي مريض عندو ايدز او إلتهاب الكبد الوبائي
بتعالجيه ولا بتخافي؟؟ على فرض انك مش ماخدة التطعيم
مريض الإيدز مظنش .. لإني بتقزّز بسرعة وبستفرغ ع طول - وأكيد ما بدي المريض يحس إني قرفانة أو متحسّسة منه - ، وكلنا بنعرف كيف فم مريض الإيدز
أما مريض الكبد الوبائي ممكن أعالجه بعد ما أتطّعّم ، مع إني مش عارفة شو هالمرض أو يمكن إلو إسم تاني مش بالعربي لهيك ما عرفته ، لإنه معظم الأمراض اللي مرت عليّ مش بالعربي ولا حتى الإنجليزي :)
هوّي ع العموم هاي مش قرارات ، هاد تفكير أوّلي .. لإني حالياً بخاف أعطي حتى إبرة تخدير هههه

لو خربتي سن مريض وهوي كان متأمل فيكي خير .. بتمشيها وبتفهميه انك عملتي شي منيح ما هوي مش فاهم؟؟ ولا بتعترفي؟ مع العلم انو حيبهدلك لو عرف انك خربتيه
إن شاالله ما رح أجازف بشي بلى ما أكون متأكدة من النتيجة
لو صار شي مفاجيء رح أعتذرله وأصحح الخطأ بمساعدة طبيب أشطر مني ،
والعلاج من أول لحظة فات فيها لعندي ع حسابي حيكون :)

سنعود بعد قليل

آخر سؤال واهم سؤال بالوئت الحالي:
شو اسم خطك؟ لأنو كنت حاطيتو زمان و غيرتو وهلأ ما متزكرة انو واحد

الخط اللي بكتب فيه مش موجود بالستايل الجديد
أنا رجعت الستايل القديم ، وإسم الخط Traditional Arabic

[Dr.Yaso]

مش عارفة شو هالمرض أو يمكن إلو إسم تاني مش بالعربي لهيك ما عرفته ، لإنه معظم الأمراض اللي مرت عليّ مش بالعربي ولا حتى الإنجليزي :)

It's Hepatitis

يلا يثلمو والله يوفئك يا رب :)

ومشان الخط وانا بؤول والله هادا اسمو و دورت عليه بالورد

و بؤول ليكون إلو اسم تاني هون

يلا يسمنو

[جريح منك يا زمن]

طيب يا ريتا بشكرك على إستجابتك لأسئلة الأعضاء


فيه كم من سؤال لحضرتك يا ريتا بما أنه احنا بشهر رمضان


هلاء بدك تحكى شو الفطور اليوم عندكم بالبيت وأول ما يأذن المغرب هل انتى بتنزلى اكل ولا بتشربي ماء احكيلنا كيف دبلوماسيتك وأستراتجية ريتا بالاكل عند أذان المغرب لنتعرف على ريتا أكثر



ولو حكيت الك أختاري مشرفة وصديقة من المنتدى فمين راح تختاري من المنتدى لعزومة عندك بالبيت



ولو حكيت الك شو أفضل طبخة او اكلة عندك برمضان وبتحبى تكون هاى الاكلة متواجدة بشكل مهم على المائدة الرمضانية


وبعدين يا ريتا بدى اعطيكى مجموعة كلمات أحكى للأعضاء شو بتعنى الك هاى الكلمات

الشهداء


أطفال غزة

طائر جميل بحبه كثير طائر الفينيق

البحر



الدموع



الأم



الأب



خطيبك



صديقتك



مدرستك



جامعتك



جدتك




سيدك



السماء



الليل


الغروب




الغدر والحارة او الحى يلى بتسكنى فيه او المخيم


وسؤال أخير لو بدك تعملى وتجهزي سفرة رمضانية خفيفة للأعضاء


شو راح تحضرى النا وهاى مائدة بدنا نعتبرها كمائدة حصرية من ريتا كهدية رمضانية للأعضاء





...وتحياتى

[.. ريتّـــا ..]

It's Hepatitis

عنا إسمو leverbetennelse





راجعة لأسئلتك جريح منك يا زمن بس أرجع من هالمشوار :)

[دمع المطر]

ريتا انا عندي سؤال واحد ...
المنتدى شو بيعنيلك من حياتك ؟؟
بعرف السؤال فلسفلة
فرجينا فلسفتك

[.. ريتّـــا ..]

جريح منك يا زمن:

طيب يا ريتا بشكرك على إستجابتك لأسئلة الأعضاء
فيه كم من سؤال لحضرتك يا ريتا بما أنه احنا بشهر رمضان
اتفضّل خيي

هلاء بدك تحكى شو الفطور اليوم عندكم بالبيت وأول ما يأذن المغرب هل انتى بتنزلى اكل ولا بتشربي ماء احكيلنا كيف دبلوماسيتك وأستراتجية ريتا بالاكل عند أذان المغرب لنتعرف على ريتا أكثر
اليوم بالزات عاملين صفرة كبيرة لإنو البابا وصل من السعودية قبل نص ساعة
عاملين سمك ، وجمبري بالرز ، وجمبري بالبصل ، وجمبري بالبندورة وسلطات وأجواء بحرية
أنا عادة ما كتير بهتم بالأكل ، المهم آكل وبس .. بفطر بعدين بصلّي ، وما بشرب ميّ غير يمكن ع السحور .. مع الإفطار بشرب كولا أو مشروب الطاقة .. وعندي عادة سيئة إني بشرب وأنا باكل ، هالشي بخليني أشبع بسرعة ونظام تغذيتي خربان ع الآخر :(

ولو حكيت الك أختاري مشرفة وصديقة من المنتدى فمين راح تختاري من المنتدى لعزومة عندك بالبيت
كلكم أصحابي وإخواتي .. بس لو بدنا نحكي صداقة عندي صديقة وحدة إسمها أسوم
يا ريت لو أقدر أعزمها لأسومتي عندي بالبيت ، صارلي 3 سنين ما شفتها :(
مين من المشرفات بعزم امممم بعزم عاشقة غزة ومرام وبخليهم يجيبو معهم palestine soul و palestine flower و pink rose وفرفوشة وعاشقة فلسطين

ولو حكيت الك شو أفضل طبخة او اكلة عندك برمضان وبتحبى تكون هاى الاكلة متواجدة بشكل مهم على المائدة الرمضانية

مبتفرقش معي

وبعدين يا ريتا بدى اعطيكى مجموعة كلمات أحكى للأعضاء شو بتعنى الك هاى الكلمات

الشهداء: الشهيد سخيّ لأنه يؤثر الغير على نفسه :)
بمعنى أنه يموت في سبيل أحد أو شيءْ ، أو يموت غدراً :)

أطفال غزة مظلومين ، لاجئين ، منفيين .. أنا وحدة منهم ^_^

طائر جميل بحبه كثير طائر الفينيق
الله ما أحلاه ، ما كنت بعرفه .. لما شفتك كتبت إسمه رحت شفت صوره بجوجل
وعرفت إنه طائر الأساطير ، هلأ بقرا عنه بحب هيك شغلات :)

البحر
ما بيفرق معي :)
يمكن لإنو عنا أنهار ما عنا بحور هههه ^^

الدموع
ضعف ، خشوع ، حنّية ، دلع

الأم
كلّ الدنيا :)

الأب
حبيبي .. بحسو صاحبي ممش أبويا ، وصاحب أسوم كمان

خطيبك
كل الناس فــــ عنيا ، خطيبي وحبيبي وصديقي وأستازي ، مرّات أخويا كمان :)

صديقتك
جزء من روحي ، أحلى شي لما تفكر بنفس الشي اللي بفكر فيه صديقك ،
وتقولوه لبعض بنفس الوقت .. عنجد ما في أحلى من هيك لحظات ..

مدرستك
أيام المشاكل :) ههه

جامعتك
مكان دراستي وبس :)

جدتك
حبيبة قلبي الله طول بعمرها

سيدك
الله يرحمه ما وعيت عليه

السماء
فيها قمري ^^
قمري: هاد دلع خطيبي

الليل
سكونْ واختلاء بالنفس ، فيه تأتي أعظم الأفكار ^^ على أساس إني نيوتن يعني ههه

الغروب
بحب الشروق أكتر :)

الغدر
الغدر من البعيد بيجرحك ، بس غدر القريب بيدبحك ..
بكره هالصفة موت وهيي السبب إني شكاكة بالناس بعض الشيء :)

والحارة او الحى يلى بتسكنى فيه او المخيم
امممم عادي مكان سكن لا أكثر ..

وسؤال أخير لو بدك تعملى وتجهزي سفرة رمضانية خفيفة للأعضاء
شو راح تحضرى النا وهاى مائدة بدنا نعتبرها كمائدة حصرية من ريتا كهدية رمضانية للأعضاء
مع إنها ما رح تصير بس بما إنها صايرة وصايرة بناء على سؤالك بعزمكم على بيتزا وسمبوسك وكبة
وشيش طاووك وكباب وشاروما وتاكو وكل أنواع السلطات وكل أنواع المشروبات بالإضافة للكيك والبوظة

نورت أخي .. استمتعت وأنا بجاوب ع أسئلتك

(f)

[Maram .. ~]

متــآبعة معكـ ريتــّآ .. 3>

حبيت عيد البطاطا تبعكُم

[.. ريتّـــا ..]

أسئلة دمع المطر:

ريتا انا عندي سؤال واحد ...
المنتدى شو بيعنيلك من حياتك ؟؟

امممم عادةً أنا مش كتير بالمنتديات
قبل شباب فلسطين كنت مسجلة بمنتدى تاني ، وصارت كتير مشاكل فشفت إني أبعد أحسن
سبب تسجيلي الأساسي وقت الفراغ ، بتمنى بأيام الدراسة ما أبتعد كتير عن شباب فلسطين
لإني عنجد حسّاكم زي قرايبي :)

[.. ريتّـــا ..]

المشاركة الأصلية كتبت بواسطة Maгaм .. ~ متــآبعة معكـ ريتــّآ .. 3>

حبيت عيد البطاطا تبعكُم