!~¤§¦ محاكمة منتدانــــا ¦§¤~!‏ شموخ انسان ~

[.. ريتّـــا ..]

أسئلة palestine soul




تسحرتي اليوم ؟
نعم الحمد لله

بتحبي السهر ؟
تربطني علاقة عشق من الزمن الأول مع السهر

كيف علاقتكم بجيرانكم ؟
أنا بالنسبة إلي هاي باي ، بس لو بدنا نحكي عن العائلة فعلاقتنا فيهم تمام
حولينا عرب وأوروبيين وأفارفة وشو ما بدّك ،
في لأختي صديقة أوروبية 24 ساعة عنا .. صامت أول يومين من رمضان معنا حباً في التجربة ، واحتراماً لمشاعر صديقتها المسلمة :)

شفتي محاكمة مبارك ؟ أذا آه شو خطر ع بالك لما شفتيه ؟
اممم أنا من النوع اللي ما بحب السياسية وبكرهها أكتر شي بالدنيا وما بتفرج ع أخبار إلا عند الضرورة القصوى ، بفضّل أقرأ الأخبار مكتوبة عشان أختار اللي بدياه وأترك الباقي :)
بالنسبة لمحاكمة مبارك ما شفتها بس كانوا أهلي حاطين عليها وسمعت إمي بتقول نايم ع تخت في المحكمة ، وتأجلت المحاكمة .. ولولا إنو إمي حكت هالشي من نفسها كان أنا ما عرفت ولا حتى سألت .. لحم كلاب في ملوخية :)

شو رايك بالقذافي ؟


لو لو لو اجتك رسالة خاصة المنتدى من مين بتتمني تكون ؟ هي مش حتيجي يعني ههه
ههههه ما فكّرت فيها كتير لأنو هيك هيك مش جاي ،
بس فَرَضاً وأجت بالغلط ههههه بتمنّى تكون من أعضاء عاديين مش إدارة ، لإنو مسلوب حقّنا من هالناحية

أول ما سجلت عضو لفت انتباهك ؟
عاشقة غزة ، حسام المصري ، دمعة أسى ، القلب النابض ، عبير .. وكزا إسم مش فاكرة كتير لإنو كل فترة يسطع إسم أكتر من الآخر ، فما بدي أظلم البقيّة

آخر كتاب قرأتيه ؟
حالياً مُتابعة مع كتاب رمضان ಌஜಌ يوم بيوم ~ :)

بتحبي الروايت ؟ و اي نوع منها ؟
بحبّ الروايات وبقرأ في الأدب من الدرجة الأولى .. ما في نوع معين إنو أقولك الروايات الرومانسية أو البوليسية أو أو
بحب الروايات التي تخدم فكر الكاتب ، بحب الروايات اللي أصحابها عندهم أسلوب مميز بياخدك من نفسك/واقعك وبيروح فيكي ع الفضا وبعدين مرة وحدة بتلاقي حالك تحت أعمق محيط ، وبسرعة البرق بتكوني طايرة في السّما
مش حباً في الخيال ولا هروباً من الواقع ، لإني بالأساس بحب واقعي بوجود أحلى الناس بحياتي
بقرأ أكتر شي لغادة السمّان وأحلام مستغانمي وأنيس منصور لإنو بحسّ إنهم بيشبهوني :)

المزح و الفرشة كم نسبته بحياتك العادية ؟
ههههه مش عارفة حاسّة إنكم ماخدين عني فكرة إني جدية وهيك؟
ع الطبيعة أنا جداً إجتماعية - في الوقت الصحيح ومع الشخص المناسب طبعاً - وفرفوشة ومجنونة وع طول اللي حوليّ بشوفو ضحكتي
مش صح يا أسوم؟
أسوم هاي قالتلي قبل ما أسافر بدي أسجّلك ضحكتك عشان لما أشتقلها أسمعها ، لأ وبدها تحطها نغمة جوالها كمان ههههه ^^

كم معدلك بالثانوية العامة ؟
هئّي بديش أقول

[.. ريتّـــا ..]

خيّو محمد99 إتفضل إسأل شو ما بدك وقت ما بدك بهالأسبوع .. مكانك محفوظ

ياسينو بيك:

ههههههههههههههه ممكن تفسري ؟

قصدت بالرجل شخصيتك ورجوليتك أو يمكن هدوئك ورزانتك اللي بحس فيها من ردودك
أما بالصغير فقصدت العمر مش أكتر

[زِينةْ .!]

حلـو ريتـا / بدي أرجع للمشـاركات الي قبـل أقرأهـا :)

دمك خفيف ع فكـرة هع

[PaLeSt!Ne SouL]

ههههه مش عارفة حاسّة إنكم ماخدين عني فكرة إني جدية وهيك؟

بالعكس بحسك فرفوشة و بتحبي المرح :)

اجاباتك حلوة

طبعا راجعالك بكوميات اسئلة

[.. ريتّـــا ..]

أسئلة عاشقة غزة :

*هل اثر فيك المجتمع الغربي بشكل من الاشكال؟
أكيد ، هادا السؤال للأسف بيرمي اللاجيء العربي في أوروبا بسهام التهم التي لا آخر لها
والجواب اللي بيحب يسمعه العربي المقيم في الدول العربية هوي لا ما تأثرت ولساتني متمسك بكل شي دين عادات تقاليد خرافات خزعبلات
بس أنا بفضل أقول الحق مهما كانت نظرة الآخر إلي :)

*ريتا ما السر في احاطتك بهذا الغموض؟
بالعكس أنا ما بحسّ إني غامضة أبداً ، وأشعر أنّي أتحدث عن نفسي كثيراً بعض الأحيان ،
أجيبلك دليل من ردودي السابقة

أعترف بأنني:

- لا أطيق الإنتظار
- قبل أن أنام لا بد من تصفّح رسائل جوالي
- أتجاهل النصائح " أحياناً " ولا أستمع إلى من يسديها
- أنام وغرفتي مضاءة بشكل كامل
- شكّاكة " إلى حدٍ ما "
- لا أحب البكاء أمام النساء ، ولكنني أحبه جداً أمام الرجل الذي يهمّني أمره :)
- غيورة بشكل شبه قاتل
- الآن وفي هذه اللحظة منفعلة بعض الشيءْ

ردّ آخر

وأعترف أيضاً بأن:

- شهيّتي للإعتراف مفتوحة الآن ، هل هي محاولة لمصالحة الذات؟
- أتحدث مع نفسي كثيراً
- أحب الترتيب ، ولكنني لا أتقنه دائماً
- يستفزّني أحدهم
- أحب الرقم واحد
- أكره أن يستغلّني أحد ، وقد أثور كثور هائج إن شعرت بهذا الشعور
- ماسنجري مفتوح 24 ساعة ولكن أوف لاين
- أحب مراقبة الناس من بعيد ، وألزم صمتي ..
- اشتقتلّك أسوم

*هل من باب التشويق؟او من باب خالف تعرف؟

يمكن في سبب تاني بيعطيكي هالشعور - إني غامضة أو أتعمد الغموض - ، سببه إني "حذرة" نوعاً ما في الحديث عن نفسي ، لإني بعرف إنو خطيبي يتابعني من خلف الأسوار ^_^
هيني كشفت عن السر ، بعرف إنك ما قلتلي وأجهل السبب ، بس أنا كنت حاسّة وتأكدت .. ويا ريت تشارك معنا أنا كتير رح أنبسط بوجودك معي في المنتدى

*ريتا صاحبة الذوق الرفيع لمن تنجذب بسرعة؟؟
قصدك بين أسوار المنتدى؟ أو بين أسوار حياتي العامة؟

*لكل انسان سلبيات شوما كانت ايجابياته
فما الذي تراه ريتا سلبي فيها؟
شكّاكة ، وعنيدة شوي ، يمكن مغرورة يا أسومتي؟ خلّي صاحبتي توليب تجاوب ع هالسؤال لو انتبهت للموضوع
امممم بحس إني غيورة ، ولو شي استفزني ردود فعلي قوية ، امممم وكتير عدّي واغلطي ^^

*كيف عرفتي المنتدى ؟؟

من جوجل ، في رحلة بحث عن منتدى بديل للي كنت أشارك فيه :)

*رغم انه توقعي غلط وانا متأكدة منه
بس احس انه ريتا بتعرفني شخصيا؟؟
إنتي قلتي متأكدة
بس ممكن أعرف من وين جاكي هالإحساس؟ ومين الشخص اللي في بالك على إنه ريتّا؟ ^^

*برأيك ما هي اوجه التشابه بين ريتا وعاشقة غزة؟؟
إنا إحنا التنتين بنحب بعض ^^ هههههه
والله ما بعرف .. شو رأيك إنتي؟

[.. ريتّـــا ..]

حبيباتي palestine soul وزينة:
أنا في انتظاركم

^_^

[زِينةْ .!]

ريتا / قرأت كل أجوبتك واستمتعت :|

ما شاء الله باين عليكي واعية

ممم انا ما بحب أحط أسئلـة

ومبارك الخطوبة هع

بفكر هلآ إزا بحط ولا لا :p

[زِينةْ .!]

اعتذار تريدي ان تقدميه لمن؟
اذا اردتِ ان تبكي الان , فعلى من تبكي؟
من يسكن قلبكِ؟
بماذا تقري وتعترفي أمامنا الان ؟
هل انتِ مدمنة تفكير؟ * متلي * :/
ماالذي يلفت انتباهكِ بسرعه في الشخص لكي تعجبي به ؟
ماهو اجمل اسم لولد واجمل اسم لبنت من وجهة نظركِ؟


مممم
وأخيـرآ / أصلك من وين بفلسطين !
وهلآ بتعيشي بدولة أوروبيـة .. مم شو نوعيـة لبسك خارج البيت !
ورأيك بِ زينـــــــــ’ة ؟ ممم يمكن ما اختلطنا كتير !

[.. ريتّـــا ..]

:$ فديتك انآ

خجلتيني والله هههههههههه

حضل اتوآجد دآيمن ازا هيك :P

و أجوبتك حلوة عفكـرة .. :>

ههههههه حبيبتي مرام

* الحيـآة بـ أوروبآ كيف ؟ صعبة ولا سهلة ؟
بتضل على الأقل أسهل من العيشة بالدول العربية :)
ما بحكي عن ناحية اقتصادية ولا سياسية
قصدي اجتماعياً وثقافياً

* انولدتي هنآك ولا رحتـي هجرة ؟
لأ أنا رحت هجرة

* اشيـآء مفتقدآهآ ببلاد الغرب ؟
الإيمان بالله لأنو تقريباً الجميع ملحد أو هندوسي أو من عبدة الشمس والبقر ، أفتقد المساواة بعض الشيء: عندهم عنصرية وهالشي موجود بالبلاد العربية يعني مش فرق كبير

* في نآس عرب عندكم كتير ؟ ولا ئليل ما تلائي ؟ شو أغلب الجنسيـآت ؟
في عرب كتير أغلبهم فلسطينيين وعراقيين ويمنيين ، في مغاربة كتير برضو ، أما الجنسيات التانية فبتلاقي من وين ما بدك أميركا الجنوبية ، أسبانيا ، كوسوفو ، صربيا ، ألبانيا ، الصومال ، ألتيريا ، روسيا ، ليتاون .. ودول كتير غيرهم بس أقلّيات لهيك مش قادرة أتزكرهم منيح :)

* بلد نفسك تروحيلهآ و مآ رحتي ؟
الهند .. حابة أشوف حضارتهم وأجوائهم الخرافية .. ونفسي أتعلم رقصاتهم الشعبية

* كيف فكرتك عن الوطن العربي ؟ >> عالم عآشر زي ما بحكو ؟
امممم مغمورين إما بالتخلف والرجعية ، أو بالحرية " اللي فاهمينها غلط "
الوسطية مفقودة عنا بعض الشيء

* شو بتآبعي عالتلفزيون حآليآ برمضآن ؟
بشوف في حضرة الغياب - محمود درويش
وبشوف قصة حياة الشحرورة - اللي سمّوها الأسطورة صباح :)

* شو نظرتك بالنسبة للموسيقى و المعآزف ؟
أنا بطبعي بحب الموسيقى وبحسّها طريقة للتنفيس عما في دواخلنا ، وأعزف البيانو - شويّ ع قدي ، من اللي تعلمته في المدرسة -
وعندي أورج وعود بالبيت ، مرات حسب المزاج بقعد بتفنن .. بس هالشي فبالي ومن مشاريعي المستقبلية ، حابة أتعلمهم كتير :)

* أفكآرك الحلوة من وين بتجيبيهآ ؟ :P
ههههه مش أفكاري ولا شي ، مش عارفة عن شو بتحكي - عن مواضيعي أو عن أي أفكار بالزبط؟ - بس هيّ ممكن تكون الأفكار موجودة حولينا وبتقولّنا هيني .. بس إنتي بتحسيها أفكار حلوة لأني أعيد صياغتها بأسلوبي .. بس هاد الفرق مش أكتر :)

[جريح منك يا زمن]

موفقين وربى يسعدكم


دمتم بود