الكل هون .. ضروري

[Dr.Arojah]

السلام عليكم و رحمة الله وبركاته


كيفكم

صراحة احترت وين بالزبط احطو للموضوع هاد .. بالاخبار ولا وين ولا وين

لو مش مناسب هون مش مشكله تعملولو ترحيل ع اي قسم تاني

..


بدي اسأل سؤال وما اطريت اني اسأل الا بعد ما عجزت ومالقيت لسؤالي جواب


بتمنى الاقي هون عندكو .. وبعتزر ازا كان الموضوع ممنوع انو ينعرض ,, او فيه هيك شي

..

بدي اسأل عن اصل ونسب عائله

واللي بيعرف عنها اشي يحكيلي بجد ضروري ضروري ضروري كمان

..

عائلة ::[ الخطيب ]::

من غزة .. مابعرف هما سكان غزة اعتقد

محدش يحكيلي الخطيب ياللي بخانيونس .. انا بدي ياللي بغزة

..

ممكن تحكو منتي بغزة معقول ما بتعرفي .. بحكيلكو انو انا هون متل عابر سبيل

لو تسألوني بالسعوديه بجاوبكو عليها اما بغزة بعرفش فيها ولا مخلوق

..

بتمنى اللي بيعرف اشي عن اصل العيله .. مهاجرين ولا مواطنين .. المهم اصلهم كلو من الالف للياء

ولو عندو بس معلومه عنهم مش كامله برضو يحكيهالي ,, هون ..


ودورت ع جوجل مالقيت كلو بيطلعلي صور شجرة العائله .. انا مابدي شجرة العائله ..

...


وبعتزر مرة تانيه ازا الموضوع ممنوع انو ينعرض ..

..

بانتظاركم

[أبومجاهد]

يا حيالله فيكي ,,,

بصراحة انا دورت كتير قبل هيك

خصوصا اني بدور ع اصول العائلات كتير

انا الي بعرفو انو عائلة الخطيب مهاجرين مش مواطنين

في منهم خطيب من اصل المسمية الكبيرة يعني قرايبي من بلدي

وفي خطيب من المجــدل .. واظن في كمان خطيب بلد تانية بس ناسي

وكلهم عايشين بغزة ,,,

فما بعرف انتي شو بلدك الاصلية

يعني مش معقول ما بعرفي بلدك !!

[Dr.Arojah]

لا انا اصلا مو من الخطيب بالمرة ^^

انا عيلة تانيه ..

بس بسأل عن هالعيله بدي اعرف عنها بموضوع ..

..

مم يعني مهاجرين !!

في منهم مواطنين ولا الاصل إلهم هاد !!

[أبومجاهد]

المشاركة الأصلية كتبت بواسطة dr.arojah لا انا اصلا مو من الخطيب بالمرة ^^

انا عيلة تانيه ..

بس بسأل عن هالعيله بدي اعرف عنها بموضوع ..

..

مم يعني مهاجرين !!

في منهم مواطنين ولا الاصل إلهم هاد !!

بعرف انك مش خطيب

بس دار الخطيب مهاجرين

في اكتر من بلد خطيب كتااااااااااار

بس خطيب مواطنين ما اظن فيه ما سمعت في غزة عن خطيب مواطنين

مممم اي شي احنا جاهزين

كل حارتنا خطاطييييب مطلعين روحنا هههههه

[Dr.Arojah]

ههههههه يسعدك ابومجاهد

شو ساكن بغزة انت ؟؟



مممم طيب سؤال اخير ^^ بغرف غلسه انا .. بس غصب بدك تتحملني :p



مهاجرين يعني بدو .. !!

<<< بعرف انو غبيه بسؤالي :$ بس مخي هلأ مقفل مش متجاوب معي بالمرة ^^

[أبومجاهد]

المشاركة الأصلية كتبت بواسطة dr.arojah ههههههه يسعدك ابومجاهد

شو ساكن بغزة انت ؟؟



مممم طيب سؤال اخير ^^ بغرف غلسه انا .. بس غصب بدك تتحملني :p



مهاجرين يعني بدو .. !!

<<< بعرف انو غبيه بسؤالي :$ بس مخي هلأ مقفل مش متجاوب معي بالمرة ^^

اي من غــزة ..

.

لا ابدا ههههههههه

لمهاجرين مش بدووو انا مهاجر و نص غزة مهاجرين

لمهاجرين الي طلعو من بلادهم في يوم النكبة لما هجرونا من بلادنا في ال 48

يعني في منها اصلهم من القدس والي اصلو من المجدل و عسقلان

وحيفا ويافا و الرملة وسدود وكل المدن هذه ...///


بس المواطنين هم الي اصلهم من غزة ما اتهجرو

متل الغزازوة والجبالية والبدو واللهوانية والقرعان اصلهم من غزة

[Dr.Arojah]

كيف يعني مش بدو !!

ها شو ؟؟

انت البركة ^^

[أبومجاهد]

المشاركة الأصلية كتبت بواسطة dr.arojah كيف يعني مش بدو !!

ها شو ؟؟

انت البركة ^^

اغلب لمهاجرين بحكو عنهم فلاحين

[Dr.Arojah]

مممممممممم

علم ..

..

بوركت يا فتى ..

بارك الله فيك و نفع بك الامه العربيه والاسلامية .. :p


بجد يسلموووو كتيييييييييييييير ابومجاهد

واي سؤال بعرف انت حاضر .. راح ارجعي واسألك .. خليك قريب من الباب .. ^^

هلا صلاة و تووصبح على خير ^^

نايتي إلك

و عنجد يسلمو كتير غلبتك ويمكن شديت شعراتك مني خخخخ

بجد يسلمو ^^

[أبومجاهد]

يا حيــآالله فيكي باي وقت يمــآ

لا ولو لا غلبة ولا زفت هههههههههههههه

بنمزح مرحبابك باي سؤال ,,, ربنا يسعدك

وانتي من اهلــو ,,

: )