كـيف تعرف الفلســطيني ؟

[صرخة فلسطين]

بيفهم في الطب وبيشخص المرض وبيوصفلك الدوا وبيفهم في الكهرباء وتصليح السيارات والطبخ والسياسة والقانون والواجب و الدين و الحسابات والكورة وهو أبيض ياورد .



* بيحط الريموت كونترول في كيس نايلون حتى ما يتغبر ولا يضيع ولا يتوسخ .



* أكثر إنسان عنده عضلات قد ما ولاده أكلو منه قتل .



* بس يقعد يتفرج على التلفزيون بيضل ينقل من محطة لمحطة كل دقيقة
* بيوقف يتكلم على الباب نص ساعة بعد إنتهاء الزيارة والسلام .



* في خزانة المطبخ عنده عشرين مرطبان مربى فاضي منشان اذا احتاج يستخدمها ومازال مُصِر على جمع المزيد.




*ييجي بعد الموعد بساعة وربع دون ان يعتذر.



* يتكلم بصوت عالي في المكالمة الدولية منشان التاني يسمعه .



* بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة.



* بيحتفظ بأكياس محلات اللبس والأحذية وورق الهدايا تحت فرشة التخت لسنوات .



*عنده صينية مكسرات مقسمة لتلات او أربع أقسام منشان المزاج لكن لايستخدمها ابدا.




*بيشتري قبل الإفطار في رمضان مواد استهلاكية متوفرة عنده في البيت .



عنده منقل شوي للرحلات وسياخ طبعا ومولع فحم وعدة رحلة كاملة وخلافه موجودين بالسيارة كجزء أساسي من حياته الأسبوعية .



* أول ما يشوف منظر طبيعي وزرع وخضار بصير يحكي بينه وبين حاله ( بدها هش ونش ) .



* دايما ماشي بالسوق هو ومرته وإبنهم الصغير ( دايما بعيط ) والولد بحكي الجملة المشهورة ( بدي هــــاي ) مع تنهيده قوية تنم عن القتلة اللي باقي ماكلها من أبوه طبعا أكيد بوسط السوق وعلى مرأى من البشر.



* بيتخانق ساعة دفع الحساب بحرارة شديدة على إنه هو اللي لازم يدفع.



* بيفرش شرشف التخت على طقم الكنبايات منشان الكنباية ما تتوسخ، ولما يجوا الضيوف يترك الشرشف وما بشيله.



* بيطفي سيجارتو بفنجان القهوة مع انو في منفضة على الطاولة .



* دايما بدور على الاشي الكويس والرخيص وابن الناس وبموت في اشي اسمه " لقـــطة "



* بفهم بالسياسة ورأيو دايما هو المزبوط وكل العالم خونة والقضية باعوها وقبضو حقها.



* دائما يعيش ضمن الحلم ولا يقبل بان يخرج مما يحلم.



* دايما عامل حاله أكثر واحد عنده كرامه في العالم.



* دايما بوصي اولاده " اوعى الناس تضحك عليك ".. واكيد طول انهاره بذل اولاده وبقولهم شوف ابن فلان احسن منك وعامل مقارنة بينهم وجايب لولاده احباط.



* بتفوت عنده في المطبخ راح تلاقي " تنكة زيت زيتون" , " نصية جبنة " , " تنكة زتون غير المراتبين اللي فيها زتون " بالاضافة للاعشاب هاي " زعتر نوعين عالاقل , ميرامية وبكون حاططهم في خيشه , انواع متفرقة من الاعشاب " لكي يمارس الطب فيها على البشر.



* اكلاته المفضلة " قلاية البندورة" واكيد لازم يدعي انه مافي حدى بيعرف يعملها زيوو ودائما بيفتخر فيها وبيفتخر في قرنين الفلفل اللي بيحطهم عليها وبضل يحكي عنهم قديش بيحرقو وتعتبر من الاكلات اللي بتناسب جميع الأوقات وكل الاماكن يعني ممكن يفطر او يتعشى او يتغدى عليها كلو بصير مع قلاية البندورة لامستحيل ابدا, طبعا بالاضافة للاكلات الاخرى زي المجدرة , شوربة العدس وطبعا بيحاول يفهم اولاده دايما على السفرة قديش هي مفيدة واذا واحد رد عليه وقلو اللحمة يابه كمان مفيده بظربه قتله وبقوله قوم عن السفرة على اساس انه طارده من على سدر منسف واكيد اخوانه بصيرو يطلعو عليه وبستجريش حدا يحكي مرة ثانية على الاكل انو مش زاكي.



* "قتلة الاولاد ماقبل النوم" هي بمثابة قصة ماقبل النوم عند الشعوب الاخرى لان القتل قبل النوم هو اسهل وسيلة فعالة للنوم السريع علشان هيك بس يكبرو اولاده بتمسحو وببطلو يحسو بالقتل اللي بوكلوه وطبعا لازم هو ومرتو يفتخرو قدام الناس ويحكو عن القتلة اللي الاب طعماها لابنو والمصيب انو الابن بكون بسمع ومبسوط انهم بحكو عنو .



* كل مايشوف محل شغال كويس بصير يحسب للمحل قديش بطلع في الشهر واكيد تراوده " في احلام اليقضه " فكرة انو بدو يفتح محل وبدو يعمل مشروع كل ماشاف واحد صار معاه شوية مصاري وبضل طول عمره يحلم ويفكر قي هالاشي ولاكن تبقي كل

ها في احلام اليقضة تتوارثها الاجيال جيل بعد جيل

[القلب النابض]

يعني موضوع من الاخر جد


بس ظلمتيهم في منووو الحكي

يسلموووو يا عسل ^^

[إسراء الفلسطينية]

إيه ، كإنو في مبالغة بالموضوع :)

ممكن هل صفات تنوجد بالغير فلسطيني ..

الناس مختلفة عن بعضها :)


::

ع العموم

شكرا ع الموضوع حبيبتي

منوريتنـآ :)

[LosT ParadiSe]

ههه مش لهالدرجة .. ^^

أحسن نآس الفلسطينية .. مآ شآء الله عليهم بينضرب فيهم المثــــل :) ..

شكرآ ـع الموضوع ..

[أم الحسن]

يا الله موضوعك شو حلو وبيشيل الغصه من القلب ما تتصوري قديش ضحكت


وتقهقهت خفت يقولوا يلي بالبيت عني شيء

كلامك صحيح ومظبوط انت قديش عمرك 60 سنه حتى مارق معك كل هالشي


يسلمو دياتك على هالضحك حبيبتي

[عاشقة فلسطين..]

ممم نوعآ مآ في مبآلغة ^*
يعطيكِ الف عافية يارب :)

[حيآة الروح]

هههههههه
في من بعضهآ والله
يسلمو يا الغالية :)
ربي يعطيك الف عآفية


=)

[القلب النابض]

يا امير الظلام هي حكت هيك بس لانو مزح ما قصدها الكل هون فلسطيني واحنا فلسطينه وما بنرضى حد يحكي علينا كلامة اصلا ما حد بطلعلو يحكي علينا هدي اعصابك انت والله الصبايا ما في منهم وفلسطينيات اصيلات

[~][وحيدة القمر][~]

ولله العليم انت مو فلسطينية ماصلة

انت اكيد مدسوسة دس بين الفلسطينية

ولله ياخذ كل واحد ايدها في هالاشي

اولا يا محترم .. البنت بتحكي بمجرد الفكاهة .. والمزاح ..

ثانياً : والله كل الصفات اللي كتبتها عن الفلسطينين (اللي هم برأيك تجاوزت الحد فيها) .. والله صفات بتضلها منيحة وكويسة جنب الصفة الي حضرتك بتتصف فيها .. وهي قلة الاحترام وعدم معرفة اختيار الكلام المناسب في حق المشاعر الإنسانية

معقول هاي اخلاق الفلسطينية؟

اوك فيها مبالغة بالموضوع بس ما قربت جنب الشرف والكرامة .. عادي امور بتصير مع كل الناس .. ما بدها هلقد شتم وتكبير كلام .. كل واحد حر برأيه .. احترم غيرك .. ام الحسن امي يا محترم !!

[شموخ انسان]

الرجاء عدم حذف الرد لانو تعبير عن وحهة نظري ودفاع عن وطني واولاد وطني

ههههههههه

ما ضخكت وكله كذب والفلسطينية اكثر الشعوب عندهم كرامة

ولله العظيم انو عنا الاباهات مثل اباهات العالم بس الاصح عنا احسن واحن
ما بيضربو ابنائهم زي ما تقولين

وما بصير حدا يمس كرامتهم يا ذكية بالمقلوب

ولله العليم انت مو فلسطينية ماصلة

انت اكيد مدسوسة دس بين الفلسطينية

ولله ياخذ كل واحد ايدها في هالاشي

(القلب النابض) هي ما ظلمتنا في بعض الشيئ ظلمتنا في كل شيئ

(اسراء الفلسطينية) يسلمو على رايك الذوق وهيك الكلام الصحيح ممكن تلاقيها في غير الفلسطينية

(lost paradise) شكرا لردك الرائع وما بينفع تمس لو بكلمة الفلسطينة

(عاشقة فلسطين) كلام سليم بس الكلام مبااااالغ في كتير شكرا

(حياة الروح) هع هع موضوع ما بضحك ليش يتضحكي والموضوع ما في 1 في المئة كلام صحيح الضحك بدون سبب قلة ادب

يا حج

انتا اهنت البنات

واهنت الموقع

واهنت الفلسطينية

ليش يعني شو عاملينلك عشان تتهجم عليهم هيك؟

وانتا بصفتك شو جاي ترد ع الموضوع وتنتقد الاعضاء وتعلق ع الردود اه؟

يا زلمة لو انك زلمة بكون حكيك ع قد عقلك

مش تروح ترمي الحكي وما تسألأ عن حدا

انتا الي تعرضت الهن بناتنا وخواتنا

ولو انك زلمة ما بتتهجم ع الفلسطينيين هيك

وبتهين صاحبة الموضوع وباقي الاعضاء

يا زلمة استحي ع حالك
وبعدين انو انتا عشان تقول عنها مدسوسة بينا؟
ليش بتعرفها ولا بتعرفك ولا ابوها وانا مش داري؟