| الإهداءات |
|
|||||||
 |
|
|
أدوات الموضوع | انواع عرض الموضوع |
04-05-2011, 10:55 PM
|
#31 | |||||
|
.[ همة فوق القمة ].
قوة السمعة: 201
  |
رد: للرجال فقط؟
بص يا أسد عشان انا لما رديت فى الأول كنت برد من موبايل فعرفتش أفيض فى الرأى ..
المهم .. الزواج المبكر زى ما قلت هو مثل أى زواج نجاحه او فشله يتوقف على الزوجين .. وإن كان هذا النوع شائع فى الريف أكثر .. لأن افراد الريف يتحملون المسئولية وينضجون أسرع من الحضر .. بالنسبة للخطوات .. أولا لازم الشخص يكون طيب بخلقه لأن الطيبون للطيبات .. يحرص طبعا أنه يتخرج من كليته بتقدير كويس ويشتغل .. مش عيب أنه حتى فى ولو صغير يحط عينه على بنت يتابعها يوشف أخلاقها وتصرفاتها .. مكن تكون قريبته ممكن تكون جارته .. زميلتك فى الكلية .. زميلتك فى كورس .. مثلا المتابعة المستمرة دى بتخليك فعلا تعرف سلوك البنت بنسبة كبيرة أوى ... واهم حاجة ان الشب يتأكد أن الجمال والله مش هو كل شئ .. البنات على قفا من يشيل .. لو دورت على الجمال صدقنى هتلاقى كتير بنات قمرات .. بس أنتا بنفسك هتتاكد أنه مينفعش ترتبط بيهم .. بس عشان الجمال .. المهم أنتا حددت البنت خلاص .. وأنا الصراحة لا أفضل الزواج التقليدى .. أن حد يشوفلك عروسة وتخطبها .. هى مش حاجة وحشة .. بس انك تختار البنت بنفسك أفضل كثيرا .. دلوقتى أنتا خلاص اخترت البنت .. بس طبعا مينفعش تروح تتقدم وأنتا لسة مطلعتش من البيضة .. يعنى متبقاش لسة بتدرس وتروح تتقدم .. أبوها مكن يقول روح ذاكر الأول يا شاطر .. فأنتا تستنى لما تخلص الكلية وتشوف الموقف من الجيش .. لو لبست فى الجيش سنة مثلا .. اتقدملها لكن لو 3 سنين .. وأنتا يعنى على أد حالك .. ولا معاك شقة ولا محوش فلوس .. فالبنت كده هتاخرها كتير ... وعشان النقطة دى أنا بفضل أن فرق السن يكون 4 سنوات على الأقل ... هيريحك كتير والله أنك تجهز نفسك كويس .. المهم البنت اللى أنتا اخترتها لازم تحرص ان يكون مستواها المادى والاجتماعى زيك أو أقل منك .. لكن أكتر .. بلاش يعنى متكونش عجباك بنت مثلا أبوها وزير ومعاها عربية bmw وأنتا حتى معكش تكتك .. بتظلم نفسك وبتظلمها .. اختار اللى يناسبك .. كذلك الشكل برده .. يعنى مثلا لو واحد أسمر أوى مينفعش يروح يتجوز سنو وايت مثلا .. وعشان كده أى اتنين متجوزين بتلاقيهم لايقين على بعض لان الراجل سبحان الله بيختار اللى تناسبه تلقائيا حتى لو مش قاصد .. كده خلصنا من نقطة الشكل والمستوى المادى والاجتماعى .. لازم من خلال متابعتك تتاكد أن البنت عندها نقطة الحياء ودى اهم حاجة فى المرأة .. خلصنا دلوقتى ..رحت تخطب .. أبوها هيقولك معاك ايه ؟؟ ..أوعى تقوله معايا بكاليريوس هندسة هههههه أو تقوله يا عمى أنتا بتشترى راجل !!! ممكن يقولك روح يللا مع السلامة .. الكلام ده مياكلش عيش .. الراجل عايز يطمن انتا هتعيش بنته إزاى ؟؟ وبالتالى .... بعد القبول بيأتى السؤال عن امكانياتك يعنى معاك شقة ولا لأ .. شغلانة ثابتة ولا لأ .. ؟؟؟ ولازم تكون محضر الإجابات .. يعنى مثلا تكون مقدم على شقة تبع مشاريع إسكان الشباب اللى بتعملها الدولة .. تبتدى فيها حياتك أنتا ومراتك ... يكون معاك مصدر ثابت للرزق برده عشان تعرف تعيش البنت كويس .. ممكن تشتغل فى الخليج فترة وتاخد مراتك معاك .. تعيشوا 5 سنين ولا حاجة تعملوا فيها فلوس للمستقبل .. هى دى الخطوات لحد متقروا الفاتحة .. ؟؟ إن شاء الله وربنا يزوج جميع شباب المسلمين ويديهم ولاد الحلال .. بمناسبة ولاد الحلال دول .. كنت ماشى مع شيخ فى الشارع .. رجل فاضل طبعا فبقوله والله يا شيخ الواحد بقى مش عارف يغض بصره .. البنات تلاقيها من كل مكان ولبسهم مش كويس خالص .. هو اللى عايز يتجوز هيتجوز إزاى فى الزمن ده .. هل هيلاقى بنت الحلال ... ههههههههه قالى فكرتنى بواحد سألنى مرة " هو يا شيخ بعد 5 سنين كده ولا حاجة ممكن الواحد يلاقى بنت حلال يتزوجها " ..هههه صراحة موضوع اختيار شريكتك فى الحياة دلوقتى أمر صعب جدا .. |
|||||
|
||||||
| اقتباس المشاركة |
|
04-05-2011, 11:02 PM
|
#32 | |||||
|
.[ همة فوق القمة ].
قوة السمعة: 201
|
رد: للرجال فقط؟
شو رايك في مكان البيت هل ستكون قريب من اسرتك؟
أنا فى وضعى هكون ساكن مع أسرتى .. بيت والدى بانى فيه لكل واحد شقة .. بس أنا حقيقة حاسس أن مراتى ممكن مترتاحشى ومش هيبقى فيه حرية أو خصوية لينا أوى .. يعنى لو رايحين نتفسح الكل هيعرف رايحين فين ولو جبت لمراتى مثلا هدية الكل هيعرف ووهيسأل ايه الهدية .. وسعات بتحصل مشاكل .. فبلاش .. أنا أستقر أنا ومراتى فى شقة خاصة بينا .. مش لازم تكون بعيدة أوى بس تكون مستقلة .. وطبعا لازم مراتى تكون بتحب ماما جدا وتزورها علطول وتطمن عليها .. ولظروف شغلى إن شاء الله أنى هكون مسافر أسبوعين ومريح أسبوعين .. أكيد هخلى مراتى تعد مع والدتى فى الفترة دى .. مكان المسكن مش مهم .. ده استنتاجى هل ستسأل عن الحماة ام البنت هي التي تهم؟ أكيد هسال عن الحماة .. مش معنى أن البنت عجبتنى يبقى مسألش عن عيلتها كلها . الموضوع بس مش مقتصر عن أبوها أو امها ... افرض مثلا خالها حرامى ولا تاجر مخدرات ولا عيلتهم عيلة مشاكل وفى جزء منهم مش كويس .. اناسبهم ليه أنا .. بلاه النسب ده يا جدع اللى هيوديك فى مشاكل .. اهم حاجة عندى النسب .. والجمال المقبول اللى يناسبنى ... والأخلاق .. |
|||||
|
|
||||||
| اقتباس المشاركة |
|
04-06-2011, 05:10 AM
|
#33 | |||
|
.|| عآشق الـجِنآن ||.
قوة السمعة: 139
|
رد: للرجال فقط؟
راح ارجعلك لاني راجع من الشغل ومش مركز لما افيق وادرس برجعلك
|
|||
|
|
||||
| اقتباس المشاركة |
|
04-06-2011, 07:11 AM
|
#34 | |||
|
I ♥ ISLAM
قوة السمعة: 20
|
رد: للرجال فقط؟
نحن في المتابعة
 
|
|||
|
|
||||
| اقتباس المشاركة |
|
04-06-2011, 12:44 PM
|
#35 | |||
|
.|| عآشق الـجِنآن ||.
قوة السمعة: 139
|
رد: للرجال فقط؟
المشاركة الأصلية كتبت بواسطة حسام المصرى اولاً شكراً لك على الاجابة على الاسئلة واتمنى لك التوفيق لتجد بنت الحلال ملخص كلامك في الردين بعد ذكرك خطوات الزواج افهم من كلامك لا تفضل الزواج التقليدي وتقول ان تتزوج من تعرفها افضل من من لا تعرفها ثانياً اني قلت تدخل الجيش في خطوات الزواج اشمعنى يعني؟ في نقطة مهمة ذكرت وبحاجة لنقاش وحابب اسمع اراء الباقي فيها بالنظر للوضع المادي للزوجة هل هو مهم هل ستنظر إلى المرأن بأن لا تكون افضل منك من الحالة المادية والاجتماعية ؟ لا يحق للمرأة ان تتكبر على زوجها حتى لو كان وضعها الاجمتماعي افضل من زوجها لو امر الرسول المرأة ان تسجد لغير الله لامرها ان تسجد لزوجها بالفعل للاسف ظاهرة تكبر الزوجة على زوجها موجودة وانا معك ان زمنا صعب ولذلك الرسول صلى الله عليه وسلم في اخباره النبوية بين لنا كيف نتحصن من الفتن فإنها كمقطع الليل المظلم والفتن في زماننا اشد واشد وكل يوم اشد والزواج اغض للبصر واحصن للفرج فاخبرنا الرسول كيف نتعامل في زمن الفتن من خلال التحصن بتقوى الله وطاعته وحسن الخلق اجابة على سؤالك حبيب الله اخبرنا بظهور الحفاة العراة فاخباره النبوية منها تحققت ومنها يتحقق ومنها سيتحقق وهذا دليل على صدق نبوة سيدنا محمد صلى الله عليه وسلم  طولت عليك راح اكمل في الاقتباس التاني وانت ركزت انا الجمال دون اخلاق تبشعها بوركت |
|||
|
|
||||
| اقتباس المشاركة |
|
04-06-2011, 12:46 PM
|
#36 | |||
|
.|| عآشق الـجِنآن ||.
قوة السمعة: 139
|
رد: للرجال فقط؟
المشاركة الأصلية كتبت بواسطة حسام المصرى صحتين بالتوفيق احترامي |
|||
|
|
||||
| اقتباس المشاركة |
|
04-06-2011, 01:01 PM
|
#37 | |||||
|
.[ همة فوق القمة ].
قوة السمعة: 201
|
رد: للرجال فقط؟
المشاركة الأصلية كتبت بواسطة اسد 22 دلوقتى مثلا انا عمرى 20 وسبع شهور .. ونفترض أن البنت اللى عايز اتجوزها عمرها 19 .. دوقتى أنا هتخرج مثلا وهى هتتخرج بعدى بسنة .. افرض أنا رحت لابس فى الجيش ظابط لمدة 3 سنوات .. هخلى البنت ليه تنتظر 3 سنوات وكمان هكون فيهم لسة هبدأ حياتى العملية ... فعشان كده قلت أن الفرق 4 سنوات على الأقل بيريح الراجل فى موضوع التجهيز ده .. وبالنسبة للتكبر .. فعلا الظاهرة دى موجودة حتى لو على سبيل الهزار .. سواء بالمال أو الجمال يعنى فى خطبة لشيخنا أبو إسحاق بعنوان " كيف تختار زوجتك " .. قالك مراتك لو جميلة أوى ممكن تبص فى المرايا وتقول لزوجها .. بقى بالذمة أنتا تستحق الجمال ده كله .. وده مع التكرار ممكن يعمل مشاكل .. كذلك لو الست جميلة أوى أوى .. ممكن تخلى جوزها خاتم فى صباعها وتدلع عليه أوى .. فبلاها .. لازم ونقطة الحالة المادية دى وحشة فعلا .. لو مراتك أعلى منك .. ممكن لو اتخنقتم مثلا .. تقولك روح هو أنتا كنت تحلم أنك تناسبنا يللى أبوك كان شغال حتى موظف فى شركة الكهربا ... عن نفسى لو مراتى قالتلى كده .. هتطلق فى سعتها .. ولكن نيجى نقول .. أن التدين هو عامل مشترك لازم يكون موجود سواء عند البنت حسب ونسب وجمال .. لأنها هتكون عارفة ربنا بتدينها وهتطيع زوجها وهتكون عارفة الأصول كويس |
|||||
|
|
||||||
| اقتباس المشاركة |
|
04-06-2011, 05:58 PM
|
#38 | |||||
|
.[ همة فوق القمة ].
قوة السمعة: 201
|
رد: للرجال فقط؟
المشاركة الأصلية كتبت بواسطة غيورة على وطنها عشان نشوف آراءكم 
|
|||||
|
|
||||||
| اقتباس المشاركة |
|
04-06-2011, 06:01 PM
|
#39 | |||||
|
.[ همة فوق القمة ].
قوة السمعة: 201
|
رد: للرجال فقط؟
المشاركة الأصلية كتبت بواسطة اسد 22 لو بشتغل فى مصر .. هشتغل أسبوعين لمدة 12 ساعة يوميا .. وهريح أسبوعين .. لو بره .. هشتغل شهر وأريح شهر فى بعض الشركات .. أو ممكن 6 شهور وأريح شهرين ... بس أنا محتار مراتى فى الفترة دى .. الىل هكون فيها مش موجود .. أقعدها فى بيت أبويا ولا فى بيت أبوها ... ده على أساس طبعا أنى اتجوزت ..
|
|||||
|
|
||||||
| اقتباس المشاركة |
|
04-06-2011, 08:42 PM
|
#40 | |||
|
.|| عآشق الـجِنآن ||.
قوة السمعة: 139
|
رد: للرجال فقط؟
ربنا يسهلك امورك قلتلي اذا تجوزت شكلك هتتجوز بدري
|
|||
|
|
||||
| اقتباس المشاركة |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
