الجزيرة ... داعمة لثورات الشعوب المضطهدة ... أم مشعلة للفتنة !!!

[حسام المصرى]

الجزيرة بتنقل الواقع بسواده بس .. بتجيب الوحش بس ..
الحلو مش بتجيبه خالص .. بتشعلل الفتن فعلا ..

وبعدين قناة متناقضة جدا .. شغالة تنقلك الفساد فى كل الدول وسايبة الفساد الكبير أوى اللى عندها .. ومجبتش بقى زيارة حمد بن عيسى لإسرائيل خالص ولا جابتلك العلم الإسرائيلى اللى اترفع فى برنامجها بتاع المونديال .. ولا جبتلك القواعد الأمريكية ولا اتكلمت عن أن حمد بن عيسى بيبنى مستوطنات للأمريكان فى قطر .. ولا جبت كم الفساد اللى فى الراجل ده ولا المبالغ الرهيبة اللى بتدفعها الشيخة موزة لمصمم الأزياء الإسرائيلى عشان يعملها ملابسها ..

كل ده مش بتجيبه .. عشان كده مقدرش أقول انها قناة عندها مصداقية ..
وبقول حاجة بس للشيخ القرضاوى اللى للأسف .. أسهمه وفتاويه الأخيرة لاقت هجوم شديد من كبار المشايخ ..
وأقول له .. استعملتك قناة الجزيرة لكى تيقظ ضمير جميع العالم العربى ولكن ألم يكن من الأجدر .. ان تتحدث أبضا عن الفساد فى قطر والعمالة الواضحة لأمريكا .. أم لم يحين الوقت بعد يا شيخنا الفضيل ..