[ الرجُـل فـي بـيتـه ] علـى بسـآط البـحـث . .

[أســـآمـة]

.

.

السلامُ عليكُم و رحمةُ الله و بركآتُه . . ~

تحيةً ملؤها الحبُّ و التقدِير نُرسِلُها إليكُم ، و نستهِلُ بهآ أولى حلقآت موضُوع:

على بسـآط البحث [ قضـآيـآ و حوآر]

و نضعُ على بسآطنآ اليوم قضيةً بعنوآن :

[ الرجُل فـي بيته ]

و بدايةً نسُوق بعضاً من الأمثلة و الحوارات لتقريب الموضوع من الأذهان ،

و إضفاء شيء من الفكآهة و الإثارة إلى أجواء قضيتنآ ،

( = حوآر بين إبن و والدتُه :

الوآلدة : يما يآ حبيبي الغسيل ع السُطح ،

الإبن : و ايش أعملو !

الوالدة : إطلع جيبو أكيد نشف ، شآيفني أنا مشغولة ، الله يرضى عليك يمّآ ،

( = حوآر بين زوج و زوجته :

الزوجة : يا روحي يا زوجي الغسيل مجعلك و بدو كوي قبل ما تقطع الكهربا :d

الزوج : و أنا شو دخلني !

الزوجة : أنا قاعدة بطبخ و مشغولة في الطبخ فشد حيلك و قوم إكوي !

و هذه أجزاء مقتبسة من الحوارات و ليست الحوارات بأكملها خليها بدون فضايح :d

و هكذآ ما بين رجل سُئل مهمة أو أمراً فأول ما يقول ( حاضر ) و رجل يقول ( حاضر ) بعد بهدلة خفيفة و رجل يرفض و بشِدة أن يقوم بأي مهمة منزلية !

فدعونا نناقش معكم النقاط الأساسية التالية :

- أليس من الواجب على الرجل القيام بمهام البيت - إن إقتضت الحاجة أو لم تقتضِ -
دون طلب أو سؤال من المرأة ؟

- قيام الرجل بالمساعدة و المشاركة في أمور المنزل ، هي إنتقاص من رُجولته أم هي
الرجولةُ بعينها فهذا سيد البشرية ( صلى الله عليه وسلم ) حين سُئلت عائشة رضي الله
عنها عن ماذا كان يصنعُ رسول الله في بيته ؟ فقالت : كان يكون في مهنة أهله فإذا
حضرت الصلاة قام إليها ؟

- هل هُناك حد معين للمرأة يجب عليها أن لا تتعداه بالإكثار من الطلبات من الرجل
سواء كان زوجاً أو إبناً فهي غالباً مُكلفة بأمور البيت و الزوج أو الإبن منهكْ بالوظيفة
أو العمل ؟

مع تحيات ( أمـل + أسـآمـة )

[أســـآمـة]

.

.

لـ العلم :

بعد البحث في مواضيع القسم رأينا بأن الموضوع قد سبق و أن طُرح ،

لكن الوجوه تغيرت فطرحنا القضية من جديد ،

[الطالبة المتميزة]

مشكووووورين أمل و أسامة عطرح الموضوع للنقاش..
رح أحكي رأيي.
الرجل لازم يساعد زوجته في البيت بأي عمل لمّا يشوفها معجوقة أو مش قادرة تعمله..
و مش من حقه أنه يصرخ بوجهها لأنه رجل و لا يجوز أن يعمل في البيت لأن هذا انتقاص لرجولته و مش شغله...(للأسف هكذا يفكرون)..
الرسول كان يعمل في بيته و يساعد أزواجه..فمن هم(الرجال)؟هل هم أحسن من رسول الله؟؟أستغفر الله..
ولكن لا يجب على المرأة أن تزيد من طلباتها في حين أنها ترى زوجها لم يأت للبيت من العمل إلا قبل دقائق..لكن هذه حال النساء أيضاً لا يقدرن تعب أزواجهن(ليس الجميع)..
مشكوووووووورين مرة أخرى أمل و أسامة..من تميز إلى آخر إن شاء الله

[§عاشقة غزة§]

قبل ان ارد على الاسئلة
دعوني احييكم على سياقة الموضوع
رائعة وممتعة وفي نفس الوقت تسلط الضوءعلى اهم قضية من القضايا الاجتماعية..
للاسف في مجتمعاتنا العربية الاسلامية
يربى الذكر على ان كل طلباته اوامر
والكل في البيت يخدمه حتى انه يتباهى بهذا
اذا اساس القضية التربية
ولي رجعة للاجابة عن الاسئلة

[~][وحيدة القمر][~]

يا سلام موضوع ولا أهم من هيك !!

راجعة بإذن الله ..

شكراً جزيلاً أساامة وأموول

^^

[إيقاع]

المشاركة الأصلية كتبت بواسطة أســـآمـة

.

.

لـ العلم :

بعد البحث في مواضيع القسم رأينا بأن الموضوع قد سبق و أن طُرح ،

لكن الوجوه تغيرت فطرحنا القضية من جديد ،

أيون كده ، أحسن ( يعني بلاش سرقة )

النت بطئ ، انت عارف الشسمو ، بكرا بنرد :)

[ذكريات انسانة]

برأيي المتزوج ممنوع يشتغل شغل البيت، ومرته مش لازم تطلب من جوزها شغلات صعبه او بالاحرى شغلات
ما بيفهموا فيها الا النسوان، متلا طوي هالغسيل، اجلي هالجليات، اشطف هالدرجات والخ ..شو بعرفو الزلمي بهالشغل؟ انا مش ضد انه المتزوج ميساعدش مرته، بالعكس
ما في احلى منها انه يساعد مرته، بس بشغلات بسيطه متلا ئرب الصحن، هات المنشفه، حرك السلطه، زيح الكراسي ع جنب الخ .. هاي شغلات بسيطه وبظن الزلمي ما بيئول لاء اذا مرته بتطلبها، ممكن يرفض بحاله وحده،اذا ما اتزوجوا بعضهن عن حب وقناعه،
بكلمات اخرى لمن المتزوج ما بيشعر تجاه مرته بالحب واتزوجها بحسب العادات والتقاليد،
فكيف بدو يساعدها بهالحاله؟طالما ما في لا حب ولا تفاهم بيناتن؟ويللي بيتزوج مرته عن حب
وبكونوا متفقين،بتلائي الزلمي بيساعد مرته على شو مبدها،بديش اشمل الكل لانه ما بظن الكل هيكي بس فينا نحكي الاغلب ..
ويللي بيساعد مرته ما بتنئص من رجولته،اللي بعتئد هيكي بيكون عنده ضعف بعئله ما بيعرف يفكر، ما في احلى منها يخدم مرته،بس بنفس الوئت ما تتطلب كتير وخصوصا الشغلات الصعبه وهيكي لحتى ما تحسسه انها بتظل حملانه هم شغل البيت، ومتل الملعوطه بكل اشي،بالعكس تفرجي جوزها انها لمن بتشتغل بالبيت،بتشتغل عن حب وئلب ..
اما بالنسبه للولد بظن لازم يرد على امه مهما وايش ما طلبت منه لانه لساته ولد ولساته عايش عند اهله،
فليش لحتى ما يردش على امه متلا؟؟ يحترم امه وابوه ..
طولت جوابي،
بس لأني حبيت الموضوع وحبيت الاسئله،
وانا كعادتي اي موضوع بلائيه حلو وبعجبني، بحب ارد عليه عن حب،
كل اشي بكون جواتي وببالي تجاه الموضوع بكتبو،
اسامه وامل
انتقاءكوا حلو،واسئلتكو بتستحق النقاش،
وانا ابديت رأيي،وبتمنى تتئبلوه

:)

[DRAGONOFLOVE23]

شكراً على طرح الموضوع.
وفي رأيي أنه لازم الرجل يساعد مرته في بعض الاشياء في شغل البيت يعني الشغلات يلي بيقدر يشتغلها وبالعكس هالشي مابينقص من رجولته أبداً .
وبالمقابل المفروض من الزوجة ماتكثر من طلباتها منشان ماتصير طلباتها متل الأوامر وعلى الزوج تنفيذها .
كل شي بالتفاهم والحب بيصير .
وبالنهاية أكيد كل شي رح يشتغله الزوج رح تكون منفعته على العائلة كلها وكمان الزوجة فهن شركاء في كل شيئ وكل واحد له حقوق وعليه واجبات.
وشكراً الكم

[~ثــلــج~]

يعطيكم الف عآفيــة آسآآمــة وآمــــل~
لي عوووودهـ

[~ثــلــج~]

موضوووع مهــم
يعطيكم الف عآآفيــة آسآآمـــــة وآمــــل
لي عووودهـ