إياك تقعد مع جدتك ليلة الامتحان.حتروح فيها

[الطالبة المتميزة]

بسم الله الرحمن الرحيم.
صباح/مسا الخير بالحلوين.
جبتلكم قصة من الهولوله.اقرأ/ي و استمتع/ي

يارب بحق ده الآذان تنجح يا فلان يا ابن ابني وأشوفك دكتور أد الدنيا -
ياستي بس انا في تجارة -
وماله يابني هو يكتر علي ربنا ....... ده ربنا قادر علي كل شيء -
ياستي ونعم بالله بس اللي بيطلع دكتور لازم يكون في كلية الطب مش التجارة -
ياللا تجارة تجارة ... ومالها التجارة .. دي حتي التجارة شطارة .. ده الله يرحمه جدك كان تاجر في الوكالة أد الدنيا -
ياستي التجارة اللي في الوكالة حاجة واللي في الكلية حاجة تانية -
ع العموم شد حيلك وأنته ... وانا أخلي جدك يخدك معاه الوكالة عشان تتدردح وتتودك في السوق -
جدي إيه اللي هايخدني معاه ...... ده جدي مات من زمان ياستي -
يا مصيبتي عبد الواحد مات .. ياحبيبي يا أخويا .. مكنش يومك ياسبعي -
ياستي ده ميت من تلتين سنة -
تلتين سنة .. ده العمر بيجري ياولاد تصدق ولا حسيت بيهم .... ياللا اهو غار في داهية ..... قطعت وقطعت -سيرته .. ده كان بخل الدنيا فيه .. أن ماعمره دخل عليا ببطيخة ولا كيس جوافة
ياستي حراااام عليكي عايز أذاكر بقي -
يوووه ... وانا ماسكاك
ياوله .. ذاكر ... ذاكر عشان ربنا يكرمك
وتنجح وتاخد الدبلون -
ياستي دبلون ايه .. أسمه البكالوريوس -
أنته حتضحك عليا ياوله .. أسمه الدبلون الواد ابن فايزة جدع زيك كده في مدرسة التجارة وخد الدبلون -
خلاص دبلوم دبلوم ياستي .. سيبيني بقي عشان اذاكر -
ذاكر .. ذاكر يأخويا ذاكر ... تعرف ياواد ... ندرن عليا يوم ماتنجح لأكون رايحة خاطبالك عبير بت رئيسة ..... دي ايه ياواد .. أدب وأخلاق .. وعلام كمان
ياستي عبير دي معاها أعدادية -
- وماله يابني ... الراجل مايعبهوش إلا جيبه
راجل ..... راجل مين ياستي .... عبير دي بنت -
- عبير ..... عبير مين ياوله ..... أنته بتعرف بنات من روانا
لا اله الا الله ...... أبوس رجلك ياستي إرحميني بقه -
- طب ذاكر .... ذاكر جتك نيلة وأنته طالع براوي كده زي أمك ... قطعت وقطعت سيرتها ... أنا مش عارفة أبوك كان أجوزها علي إيه .. حكم .. قال لبس البوصة تبقي عروسة .. بس واللي نبي النبي نبي لكون مبوظة الخطوبة دي ومجوزاه أنيسة بت اختي
- ياستي خطوبة إيه .. أبويا مجوز امي من خمسة وعشرين سنة .. وبعدين أنيسة دي بنت أخوك مش بنت اختك .. واساسا إنتي ملكيش إخوات بنات
صحيح ياوله .. أنته عندك حق أنا مليش إخوات بنات .. أصلي انا أمي ماكنتش بتخلف صبيان -
حرااااااااااااااا ااااااااااااا
اااااااام ............. ستي ماتطلعي البلكونة شوية .. ده الهوا حلو بره -
لأ ياخويا ..... في جدع كده حليوة وشعره مسبسب في البلكونة اللي في الوش بيقعد يعاكسني -
خلاص روحي المطبخ ... أهو زمان أمي خلصت الرز -
رز ... رز إيه يابني ..... هو أنا ليه سنان للمكرونة ..... أنا هطلع البلكونة أحسن -
طب أبقي خلي بالك من الهوي ياستي -
هوي لما يلطشك ياوله ياجزمه أنت -
الحمد لله أخيرا خرجت وقدرت أذاكر ..
رحت الأمتحان تاني يوم وربنا كرمني
وحليت كويس لكن للأسف المراقب سحب مني الورقة
قبل ماأكتب أهم حاجة فيها
ياتري أنا كان إسمي إيه ؟؟؟؟ ياتري كان إسمي إيه ؟؟؟؟
أنا مين انا ليييييييه انا ازاااي............

يا عينى فقد الذاكره.هههههه
أتمنى أنها نالت إعجابكم.
و كالعادة أنتظر ردودكم.

[رماد الحب]

ههههههههه
ههههههههههههه
اكيد

[حسام المصرى]

اللهجة المصرية مخلياها عسل والله ..
وفعلا الواحد لما بيعد مع حد كبير بيبقى بيتشل كده بالظبط ..

بس انا اجدادى توفوا الا رحمة الله تعالى

[حسام المصرى]

اللهجة المصرية مخلياها عسل والله ..
وفعلا الواحد لما بيعد مع حد كبير بيبقى بيتشل كده بالظبط ..

بس انا اجدادى توفوا الا رحمة الله تعالى

[الطالبة المتميزة]

المشاركة الأصلية كتبت بواسطة رماد الحب ههههههههه
ههههههههههههه
اكيد

نورت رورو

[الطالبة المتميزة]

المشاركة الأصلية كتبت بواسطة حسام المصرى اللهجة المصرية مخلياها عسل والله ..
بعرف علشان هيك اخترت المصرية
وفعلا الواحد لما بيعد مع حد كبير بيبقى بيتشل كده بالظبط ..
100%
بس انا اجدادى توفوا الا رحمة الله تعالى

الله يرحمهم.
نورت حسام

[shereey]

ههههههههه
والله جنان تسلمي

[الطالبة المتميزة]

المشاركة الأصلية كتبت بواسطة shereey ههههههههه
والله جنان تسلمي

u2
منورة شيري