مشكلة كهرباء قطاع غزة

[ange"l"]

كثيرا ما نعيش المشكلة ، وكثيرا ما نضيق ذعرا بانقطاع التيار الكهربي المتكرر ، صحيح أننا نتفهم أن المشكلة أكبر من الجميع ، ولكن لماذا يختلف تعامل الشركة في طريقة تسديدها للمستحقات المواطنين بطرق مختلفة ، ولكن النتيجة للجميع هي واحدة " انقطاع التيار الكهربي لمدة تزيد عن ثمان ساعات يوميا .
هنا لا أقصد أن أكون سيفا على رقاب من لا يستطيع تسديد المستحقات ، ولكن ما ذنب من يلتزم بتسديد المستحقات أن يعاني من انقطاع الكهرباء ، وما المطلوب منه حتى يتجنب هذه الأزمة .
ثم أن العدل يكاد يكون معدوما في بعض الأحيان ، فهناك مناطق يطالها الفصل بشكل اكبر من غيرها .
والسؤال للجمهور الكريم
ما هي اقتراحات لتحسين وضع كهرباء غزة ؟
أرجو أن تاخذ تعلقات القراء الجانب الموضوعي بعيدا عن الاتهام والاستهزاء .

[قسامي غزة]

يا اخي الكريم
والله قرنا من حاجة إسمها كهربا
عمرك ما تفكر مكلة الكهربا مشان الفلوس والمستحقات
هيها الها من اول الانتفاضة والوضع كما هو عليه
بس اقلك كلمة
مشكلة الكهربا مشكلة سياسية للاسف
والحل انوا الوضع السياسي ينحل
ويتفقوا الطرفين بس
ومشكور اخي

[Dr.Yaso]

يا عمي الله يعينكو و يصبركو على ما ابتلاكو ربنا

عنجد هاي مش اصة دفع مستحقات او غيرو

احكيلكو شو الحل؟؟

لما ننزل لبنان بالصيف بتطلع عينا من أطعة الكهربا

بس هناك كل الناس ماخدة // سارئة خطوط من تنين تلاتة

بكونو مشتركين بخط تاني انو هادا احتياط،، و ما بتحمل ضغط كبير

بس انو بشتغل وئت ازمة أطعة الكهربا ع اد لمبة او مروحة

فما إلكو الا هالشغلة ..

و الدل على الخير كـ فاعله

[قسامي غزة]

الله يعطيكي العافية ياسمين
جبتي الحل
+

[Dr.Yaso]

المشاركة الأصلية كتبت بواسطة قسامي غزة الله يعطيكي العافية ياسمين
جبتي الحل
+

any tym ;)

[§عاشقة غزة§]

وانا مشكلتي مع انقطاع الكهربا غير
لا تستغربوا وتتساءلوا ليش وانتي بالمغرب؟؟
انقطاع الكرهربا المتواصل سبب في
عدم قدرتي ع التواصل مع زوجي
ع النت او ع التلفون لما بيخلص الشحن
مش بيكفي انه مش قادرين نكون مع بعض
مثل بقية خلق الله
بتزيدها قطعة الكهربا..
الله كريم
ان شاء الله تتصلح الاوضاع

[Dr.Yaso]

المشاركة الأصلية كتبت بواسطة §عاشقة غزة§

وانا مشكلتي مع انقطاع الكهربا غير:shababsmile111:
لا تستغربوا وتتساءلوا ليش وانتي بالمغرب؟؟
انقطاع الكرهربا المتواصل سبب في
عدم قدرتي ع التواصل مع زوجي
ع النت او ع التلفون لما بيخلص الشحن:shababsmile111:
مش بيكفي انه مش قادرين نكون مع بعض
مثل بقية خلق الله:shababsmile111:
بتزيدها قطعة الكهربا..
الله كريم
ان شاء الله تتصلح الاوضاع

الله يعينكو والله :( و الله يجمعكو عن اريب ان شاء الله