هنآ // متابعة أخر التطورات لأسطول الحريــة ~

[نور الهدى]

المشاركة الأصلية كتبت بواسطة .:.!دموع الرحيل!.:. ربنا يفك أسرهم ..

حسبنا الله ونعم الوكيل ..

--

اسمحيلي يا نور الهدى ..


مش معقول انه نكون ما استغربنا اطلاقا ً !

توقعنا انه اسرائيل تعترضهم .. تعتقلهم

بس مش تقتل !

يعني هي غبية نعم.. حقيرة دموية نعم ..

لكن مش عارفين انها ممكن تفضح حالها لهالدرجة !

يعني الآن كل المصلحة تصب لصالح غزة 100%

وفضحوا حالهم قدام الدنيا كلها ..

ااذا عللوا حربهم على غزة والخ ..

بس الآن هجومهم على السفن .. ما بيقدروا يضحكوا على العالم فيه

إلا الغبي متلهم .. !

..

الله يكون بالعـون ..

بعرف انه انتي حرة تستغربي ولا لاء :p

بس كمان .. الحالة الي مبارح سيطرت عالكل هي [ الصدمة ]

بكل ما تحمله الكلمة من معنى ..

يعني خلص اليوم وانا ما قادرة استوعب الي صار !


_

ربنا يفرج كربهم .. ويرحم الشهداء ..

ويفك أسر الأسرى يا رب

طيب شو اعمل انا ازا ما استغربت !!

والله ما استغربت ..

ما كنت متوقعة يقتلوهم اوكي معك فيها ..

لكن لما قتلوا ما استغربت عملتهم ..

يا دموع احنا ما عم نحكي عن بشر الهم قيم !!

عم نحكي عن مخلوقات كل شيء ممكن يصدر منها ..

ما بعرف ليش العالم متعجب منهم .. مع انه شفنا منهم اكتر من هيك !!

و على فكرة

ما تستنوا انه حدا يتحرك او يعمل شي .. حتى الاتراك نفسهم ..

و بعد شي اسبوعين 3 رح ننسى كل شي و رح نرجع لحياتنا الطبيعية .. احنا اللي عايشين برة

ع الاقل بالنسبة للاغلبية

تماما زي ما حصل بعد حرب غزة للاسف .. و زي ما رح يصير ازا في حرب تانية ..

و هيك الدنيا حاليا ..

اكيد رح يتغير الوضع .. لكن مش هلأ

الله يعين

[حسام المصرى]

ليه الاحباط ده بس يا نور ......

تفاءلوا بالخير تجدوه ..

بإذن الله ناخد حقنا .. ومتوقعش أن العالم هيسكت ..

أردوغان بيخطب خطبة جامدة جدا حاليا على قناة الجزيرة

اتفرجى ..

[.:.!دموع الرحيل!.:.]

انا ما قلت لأنه هني عندهم قيم ..

يا نور ..

بس لأنه الي صار بضرهم وبصب بمصلحة غزة !

خصوصا انه هاي السفينة بالذات ..

صار الها ضجة أكتر من السفن الماضية كلها ..

يعني هلأ هني جذبوا الانظار لحصار غزة بشكل أكبر من أول بكتييييييير !

بهالعملة ..

بينما لو مرقت السفن وطلع الخبر بطرييقة عادية

ما كان صار هالضجة كلها !

بس بجد أغبى مما كنا منعرف حتى .. !

بالنسبة للأتراك ..

نحن ما حكينا رح يقوموا هلأ يعلنوا الجهاد ..

بس إلهم مواقف وعلى رأسهم أردوغان

مواقف مشرفة .. وعمتتحسن وإلى الأمـام ..

يوم عن يوم ..

ربنا يهديهم للحق .. وينصر أهل الحق فيهم ..

..

لالا /

الله يحميكم يا رب

بس انتي بالاراضي المحتلة ؟

كيف سامحين الكم ترفعوا اعلام فلسطين ورايات حماس ؟!

غريبة ..

ربنا يحميكم ..

والولد الصغير بجنن بدي من الكنزة :>

[نور الهدى]

لا اله الا الله

اولا مش احباط يا حسام .. هي مجرد واقعية ^^

بعدين من متى الخطب نفعتنا بشيء ؟

كله كلام .. من عشرات السنين و هما قاعدين يحكوا و بس .. وين العمل ؟؟

هاد اللي بقصده ..

//

دموع مش شغلنا ازا اغبياء او مش اغبياء .. بيضل هالعمل مشهد من مشاهد الغطرسة ..

يعني هلأ هني جذبوا الانظار لحصار غزة بشكل أكبر من أول بكتييييييير !

بهالعملة ..

بينما لو مرقت السفن وطلع الخبر بطرييقة عادية

ما كان صار هالضجة كلها !

بس بجد أغبى مما كنا منعرف حتى .. !

يعني ازا الحرب في حد ذاتها ما حركت الناس اكثر من ذي قبل كيف بدك مجزرة زي هيك تجذب

اكيد الناس رح يغضبوا و يتظاهروا اوكي ما حكينا شي .. لكن رح ينسوا .. و حتى لو ما نسوا .. رح يصير شيء عادي

و يا ستي اسرائيل هيها قاعدة على قلوبنا و بتعمل زي ما بدها لانها مؤيدة من العالم اجمع شئنا ام ابينا ..

و هي لا بهمها الرأي العام و لا رأي الناس فيها ..

فهمتي قصدي ؟

[حسام المصرى]

ممكن كنا نعتبرها واقعية لما الاعتداء كان على فلسطين بس . وده لان العرب خيبة ..

لكن دلوقتى تركيا واليونان وأسبانيا وناس من كل مكان فى العالم .. يعنى والله الوضع ما هيعدى بسهولة أبدا ...

وادينا هنشوف

بصراحة أردوغان خطب حتة خطبة من الأخر ..

وقال أن زى ما صداقتنا قوية باسرائيل فإن عدواتنا أكبر..

وهذا يكفى

[§عاشقة غزة§]

صح كلامك دموع الرحيل
ما راح يصير اكثر من الي صار ولا الي صاير
لكن الصفعة ولا قوية ها المرة لاسرائيل
لانها بهيك اعتداء وتصرف فضحت حالها
وكشفت اوراقها ونشرت غسيلها الوسخ

الحمد لله على سلامة شيخنا الجليل
ومثل ما الله نجاه من الاصابة
راح ينجيه من الاعتقال هو ومن معه
الله يحفظهم ويحميهم

[لالا-فلسطين 48]

المشاركة الأصلية كتبت بواسطة .:.!دموع الرحيل!.:. انا ما قلت لأنه هني عندهم قيم ..

لالا /

الله يحميكم يا رب

بس انتي بالاراضي المحتلة ؟

كيف سامحين الكم ترفعوا اعلام فلسطين ورايات حماس ؟!

غريبة ..

ربنا يحميكم ..

والولد الصغير بجنن بدي من الكنزة :>

هلا دموع..

صح انو عايشين بالاراضي المحتلة وتحت وطأة الاحتلال.......

واسرائيل الدولة الديمقراطية، كما تعرف نفسها، كانت بحقبة من الزمن عندها حتى كلمة "فلسطين" ممنوع تنحكى....

بس شوي شوي بلشت هالسيطرة تخف، مع منح حرية اقامة احزاب عربية تعتنق المبادئ اللي بدها اياها طالما لا تهدد كيان الدولة فعليا....

وهالاعلام اللي شايفتيها والصور والشعارات والمسيرات والمظاهرات..

يمكن هاد آخر اشي بنسمحلنا انو نقوم فيو...... بس اشي ابعد من هيك منحلم فيو حلم...

لانو ساعيتها مش رح ننفذ من قبضتها للدولة....


بس كمان رفع الاعلام لساتو مش عخاطرنا..

يعني ازا تواجدتي في بلد يهودية او بمؤسسة تابعة للحكومة الاسرائيلية حتى لو كانت عربية.. هناك بفرض انه يرتفع علم اسرائيل.. واكيد علم فلسطين مش وارد هالاحتمال...



بس لا تنسي كمان انه انا عايشة ببلد كلها عربية.. يعني مش مختلطة لانو الوضع بكون اصعب شوي عند العرب اللي عايشين بمدن مختلطة (عرب- يهود)!!!!


* * * * *

بس العمل العدوان القبيح اللي عملتو اسرائيل امبارح عنجد غيّر الموازين...

وفضح اسرائيل عالملأ متل ما كنت تحكي..

لدرجة انو اعلام فلسطين انرفعت امبارح من قبل شبان عرب متضامنين مع شبان يهود واعضاء كنيست يهود امام مقر الوزارة الحربية في تل- أبيب..

وهاي اقتباس للخبر اللي نشرته احد المواقع المحلية بالـ 48:

وكان من بين المشاركين بالمظاهرة عضو الكنيست من الجبهة الديمقراطية للسلام والمساواة، د. دوف حنين الذي قال: "حكومة نتنياهو، براك وليبرمان تتحمل وحدها المسؤولية الكاملة عن الجريمة البشعة بحق نشطاء السلام، وأنا هنا لا أخوض بالتفاصيل الدقيقة أو حيثياتها فمن يرسل تحت جناح الليل جنودا للسيطرة بالقوة على سفينة تحمل مئات الركاب، هو الوحيد الذي يتحمل المسؤولية عن العواقب مهما كانت."

وأضاف حنين: "المقلق بالموضوع هو أن هذه الجريمة لم تكن إلا نموذجا للشكل الذي تفكر وتتصرف به هذه الحكومة التي من المفروض أن تتخذ قرارات مصيرية يتعلق بها مصير المنطقة بأسرها."

وأنهى حنين حديثه قائلا: "في هذه الظروف بالذات صار من الملح أكثر أن نكثف التجنيد لمظاهرة يوم السبت القريب لنقول في الذكرى الـ 34 للاحتلال: كفى، كفى للاحتلال للحصار والجدار والاستيطان، معا من أجل سلام عادل وشامل يضمن الاستقرار في المنطقة."

وكمان الاشي مبين بالصور..














ازا بتلاحظي انه اللي رافعين الاعلام الفلسطينية وسط الحشود الكبيرة من اليهود همي شباب عرب ولابسين الكوفية الفلسطينية عرقبتهم كمان!!!!

وعلم اسرائيل اللي مرفوع.. بدك النجمة اللي عليه مكتوب كلمة "سلام" (بالعبري)!!!!

[نور الهدى]

المشاركة الأصلية كتبت بواسطة حسام المصرى ممكن كنا نعتبرها واقعية لما الاعتداء كان على فلسطين بس . وده لان العرب خيبة ..

لكن دلوقتى تركيا واليونان وأسبانيا وناس من كل مكان فى العالم .. يعنى والله الوضع ما هيعدى بسهولة أبدا ...

وادينا هنشوف

بصراحة أردوغان خطب حتة خطبة من الأخر ..

وقال أن زى ما صداقتنا قوية باسرائيل فإن عدواتنا أكبر..

وهذا يكفى

طيب شو هي ردود الافعال من اليونان و اسبانيا ؟؟؟

اصلا تفتكر انه من مصلحتهم انه يكون في ناس مهتمين بهالقضية اساسا ؟؟

//

عجيب والله

اتعجب من اللي قاعدين يستنوا يكون في ردود قوية على عملة اسرائيل

مع انه لهلأ الصمت هو سيد الموقف .. باعتبار ردود الافعال السابقة مجرد كلام

و هيني عم بستنى معك ^^

بس خايفة عليك تصاب بخيبة امل

لانها بهيك اعتداء وتصرف فضحت حالها
وكشفت اوراقها ونشرت غسيلها الوسخ

:)

من زمان غسيلها منشور .. هي جت على هاي ..!

[لالا-فلسطين 48]

في كلمة حكاها الشيخ رائد صلاح لاحد المواقع المحلية بالـ48.....

حابين انقلكم إياها؟؟؟؟!!!!!!!!!

رح انقلها بالحرف الواحد..


بس عنوان الخبر هيك:

في أول تصريح له بعد سلامته

الشيخ رائد صلاح: الحكومة الإسرائيلية ارتكبت اكبر حماقة في تاريخ حكومات إسرائيل

وهاد تصديقا لحكيك يا دموووع!!!!!!!!



تفاصيل كلمته..

قال الشيخ رائد صلاح رئيس الحركة الإسلامية في الداخل الفلسطيني- في تصريح صحفي خاص أدلى به لموقع فلسطينيو48 وصحيفة صوت الحق والحرية إن"الحكومة الإسرائيلية ارتكبت حماقة كبرى لعلها تكون أشنع حماقة في تاريخ كل حكومات إسرائيل وهي جريمة قتل جماعية قتلت خلالها 20 شهيدا من أكثر من 40 دولة وجرحت أكثر من 50 شخصا من أكثر من 40 دولة, وخطفت 700 شخص من على متن السفينة التي كانت في المياه الدولية".

وأضاف الشيخ رائد صلاح: "وقامت بخطف السفينة, ولا يكون ذلك إلا للقراصنة, وهي تحاول أن تنسج ضدنا هذا الملف القبيح والوقح وكأنها تريد أن تستخدمنا كشماعة لتعليق فشلها وروايتها الباطلة وتدافع بها عن نفسها أمام الرأي العام المحلي والعالمي".

وتابع الشيخ رائد صلاح: "لذلك نود أن نؤكد أننا شاركنا في أسطول الحرية بناء على دعوة جاءت إلينا من حركة "الحرية لغزة" وتم إقرار مشاركتنا في احد جلسات لجنة المتابعة العليا, وطوال رحلة غزة حرة كنا ضيوفا من ضمن ضيوف غزة حرة".

وفي سؤال لموقع "فلسطينيو"48 وصحيفة "صوت الحق" حول الإشاعات التي روجت لها وسائل الإعلام العبرية عن استشهاده, قال الشيخ رائد: "أنا اعتبر أن ترويج مثل هذه الروايات ينسجم في إطار المحاولة الإسرائيلية لاغتيالي, بخاصة وان سبق وتعرضت إلى محاولات اغتيال سابقة".

وطمأن الشيخ رائد صلاح أسرة "فلسطينيو48" و"صوت الحق" على صحته وحالته ويتقدم بشكره ومحبته إلى كافة الأهل في الداخل الفلسطيني وبشكره الجزيل إلى تركيا, حكومة وشعبا.

وقال الشيخ رائد إنه يشكر جميع الأهل في الداخل وفي كل مكان , الذين عاشوا ساعات طويلة من التوتر قلقا عليه وعلى إخوانه من وفد المتابعة , مؤكدا أنه سيكون دائما عند حسن ظن كل واحد منهم , وأن معنوياته وإخوانه عالية جدا ولا يزعزعها اعتقال ولا تحقيق ولا جبروت المؤسسة الإسرائيلية . وأكد الشيخ أنه بصحة جيدة والحمد لله سائلا الله تعالى أن يهيئ له لقاء كل واحد من أهلنا في أقرب وقت .

[أمل]

كلامك يا نور واقعي و صحيح مية بالمية

يعني نحنا بنتوقع أي اشي من الصهاينة خاصة ضد العرب و المسلمين

بس زي ما حكت دموع ما توقعنا هالهجوم لان القافلة فيها مدنيين من دول غربية

يعني أقصى حد كنا متوقعينو ايقاف السفن و توجهيها لميناء أسدود

يعني مش قتل

.
.

بالنسبة للخطابات و ما جاورها

بنعرف إنو ما بينوبنا منها شي،، أما مجلس الأمن و الامم و العرب متعدوين لا قرارت حتى مشان تنفذ

و لا حتى تركيا ما بننتظر منها قرار راح يقلب الموازين بعد الأحداث لأنو مسألة المصالح المشتركة و زي مااعلنوها بيضل إلها المرتبة الاولى

بس بيضل الموقف التركي أحسن من تبعنا..

و قيادة تركيا للأسطول البحري لكسر الحصار عن غزة كشف كثير أوراق للصهاينة..

و لما بنحكي انو الكيان الصهيوني أثبتت حماقتو ..ما بنحكي أُثبتت لحكومات..بس بنحكي عن شعوب الي مضللة باعلام متصهين

و على فكرة يا نور ما تستغربي من التعتيم الاعلامي بفرنسا أو غيرها إن كان في دول عربية أصلا

الحيادية ما جاءت من بني جلدتنافكيف بالغرب..

تعي عنا نحنا الدنيا مقلوبة رأسا على عقب بس مش من الي حصل

هههههههه مهرجان موازين قالب الدنيا و لا حدا فاضي

..

الله المستعان بس