محاولات طمس التراث الفلسطيني !!!

[وَطنْ~♥]

السلام عليكم،،،
قبل فترة في برنامج صباح الخير يا عرب ويمكن اغلبكم بيعرفه
جابو تقرير الصراحة انا دايقني كتير
كان عن الزي الفلسطيني،،، وبالاخص الثوب
بس ما كان زينا بالشكل يلي تعودنو نشوفو
والي تعودنا نلبسو
كان زي منافي لتراثنا ،،، وهادا رأيي انا
اول شي خليني اورجيكو صور للشي يلي بحكي عنه



هدول الصور يلي لقيتهم
في غيرهم
في قصير،،، مش محتشم ،،، ضيق واشياء تانية بردو
اكتر من مصمم ازياء عمل هيك تصاميم
بس كيف لما الشي يجي من ابن البلد نفسو
من جوا القدس !!!
هادا الشي الوحيد يلي ضايللنا من فلسطين
ويلي مخلي النا حق متمسكين فيه
بالاول الكوفية الفلسطينية صرنا نشوف الكل لابسها
بس مو حبا فينا ،،، لانها موضة وموديل
شفنا احمر واصفر واخضر وبنفسجي
وللاسف كنا احنا من اكتر النسب يلي بيلبسو هادي الحطة
يلي ما كان الهدف منها الا القضاء ع شوية الانتماء يلي ضايل عنا
ونسينا لشو بترمز الحطة الفلسطينية وصرنا نلبسها لانها موضة


وهلا اجا دور الثوب وزينا
بكرا غير نشوف كل الناس بالعالم لابسين هالموضة الي بالنسبة الي بعتبرها تافهة
بيجو ناس يحكو هادا بهدف الحفاظ ع تراثنا و زينا بهدف الحفاظ ع انتمائنا
عشان نورجي الناس ابداعنا ونورجي الناس شو في عند الشعب الفلسطيني


الشعب الفلسطيني!!!


يلي هو بنفسه قاعد بيبعدنا عن فلسطينيتنا الموجودة
بيفكرو انهم بيحافظو عليها
وهم بيمحو فيها وهم بيطمسو فيها وبيلغوها


والله لو هالموضة التافهة كل الناس لبستها وضاع منا ثوبنا وزينا الاصيل
غير البس ثوبنا الفلسطيني ويحكو شو ما يحكو


ليش احنا بالزات؟؟؟
ليش مو المصريين او اللبنانين او السوريين او المغاربة وغيرهم وغيرهم ليش ما شفنا منهم هيك شي
ما غيرو شي بتراثهم وبماضيهم
احنا بندمر حالنا بحالنا


والا بدهم يبينو انو الشعب الفلسطيني مبدع ويبدع دوما رغم الحصار والاحتلال!!!
والا المصممين هدول بدهم يعملو حالهم متضامنين مع الشعب الفلسطيني المحاصر المسكين
وهادي رسالة بيوجهوها للعالم ولالنا
قلوبنا معكم ،،، نتذكركِ فلسطين،،،مش ناسينكون!!!
أي روحو انتو وموديلاتكو وموضاتكو الهبلة
دمرتونا وشوهتونا،،،قربتو تنسونا مين احنا !!!
الله يستر المرة الجاية شو يعملو وشو يغيرو


يمكن هلا في منكم بيحكو اني مزودتها
وانو هالموضة هادي حلوة
وبالعكس بتحافظ ع تراثنا وبتبين انو احنا منتمين
بس فكرو فيها
وشوفو انو الهدف من كل هالموضات الي نزلت الحطة والثوب وابصر شو المرة الجاي انهم ينسونا مين احنا
ويورجو العالم انو احنا بنفسنا يلي بنسي حالنا وانا احنا بنمحي ماضينا لحالنا


وهادا رأيي انا
واكيد في كتير منكو غير رأيي


يا ريت نسمع ارائكو بكل صدق
وآسف طولت ،،،

[المنصوري]

نعم اخي الكريم بارك الله بك على غيرتك العربية الاصيلة نعم ان الحشمه لدى المراه هي صمام العفه ولذالك وضع الله الحجاب لكي يحافظ على عفة المراه لان قيام المجتمع الصالح يكون على يد المراه الصالحه الام والاخت والبنت واذا فسدة المراه فسد المجتمع واحيك اخي الكريم مره اخرى على المروءه والشهامه والغيره الاسلامية الاصيلة

[قسامي غزة]

أخي إعذرني
تم مسح جميع صور النساء الموجودة بالموضوع
لان هذا يخالف قوانيين المنتدي

[وَطنْ~♥]

عفوا أخي بس

كان بأمكانك تغير بملامح الوجه


انا كان هدفي بالأول وبالأخر أوصل الفكرة


وأبين شكل هاي الآزياء المتقنعة


عموما ....


لك آحترامي

[وَطنْ~♥]

آحتراماتي لكم مع شوية ملاحظات !!


دمتم بكل خير

[وَطنْ~♥]

آحتراماتي لكم مع شوية ملاحظات !!


دمتم بكل خير