غــرور . . !

[فلسطينيه والراس مرفوع]

عمره حدا قالك انت مغرور ؟

ممم أول انطباع بياخدوه عني الناس لما يشوفوني .. اني مغرورة ^^
بس غير أول مرة ما حدا حكالي انتي مغرورة !

ومين فعلا بشوف حاله انه مغرور ؟

لا الحمد لله .. اعوذ بالله اكون مغرورة ..

شو الاسباب اللي برأيكم ممكن تخلي الانسان مغرور ؟

ممكن لجمـــآل .. لعلـــم .. كبرة هيك من السما ههه
للمــآل .. يعني ايكون الواحد غني .. أو هيك بالفطرة .. يعني كل عيلته مغرورين متلو بدون سبب .. بطلع متلهم ..
وعلى فكرة .. أغلب الغرور بكون من ورا النقــص اللي بالشخصيــــة .
شعور الانسان بإنو ناقص بخليه ينغر بحالو ع الفافوش

بتقابلوا هيك اشخاص بحياتكم ؟

يييي كتيــــــــر

بينـــك روز .. موضوعــك خفيف نضيـــف . ع قولة هالحدا هههه

وحلوو اكتيـــر .. منيح اللي حدا حط فبالو هالفئة وحكى عنها

ما ننحرم حبيبتـــــي

منـــك ومن موآضيعـــك

[مدريدية]

تم التصويت...........

[اجمل احساس]

ما حدا حكالي اني مغرورة الحمدلله بالعكس كتير بيحكولي متواضعة

بس في صفات تانية حكولي اياها هههه

عوافي بينك

[فارس الوطن]

ما في مبرر يعطي الحق للإنسان يكون مغرور ..

قال الله تعالى في سورة لقمان: ( ولا تصعر خدك للناس ولاتمش في الأرض مرحا , إن الله لا يحب كل مختال فخور)


جاء مغرور مرة لأحد الصالحين فقال له المغرور: ألا تعرفني ..فرد عليه:بلى أعرفكـ .. أولك نطفة مذرة وآخرك جيفة قذرة.

واعتقد سبب الغرور عند أصحابه ..قلوب مريضة إضافة الى العمى ..أقصد عمى البصيرة ..


تقبلي مروري أختي الكريمة ..

[إسراء الفلسطينية]

عمره حدا قالك انت مغرور ؟

للأسف اي ..

وهل شي بفاجئني كتير ، لما بصارحوني الناس

وبقولولي شو كان اول انطباع الهم لما شافوني !

الأغلبية بكون انطباعهم الاول اني مغرورة ،

ولما اسألهم ليش ؟

بقولولي هيك من شكلك ، لبسك ، وتصرفـآتك

بس لما فكرت ، قلت يمكن لانو لما اتلاقى مع ناس ما بعرفهم لاول مرة

ما كتير بعطيهم وجي ..

ومن طبعي الهدوء ، وما بحب أحكي كتير .. فأكيد هاد هوي السبب

بس الحلو بالموضوع ، انو هل انطباع بيتغير ع المدة

وكل يلي حكوني هل حكي ، اتفاجئوا انو شافوا وحدة تانية

غير يلي كانوا متوقعين يشوفوها ..

لهيك لازم ننتبه ، انو ما نحكم ع الناس من مجرد نظرة :)

ومين فعلا بشوف حاله انه مغرور ؟

الحمد لله ، ما بشوف انو هل صفة موجودة فيني !

شو الاسباب اللي برأيكم ممكن تخلي الانسان مغرور ؟

هل شخص بكون شايف حالو ومش مصدق

بفكر انو ما في غيرو عبقري ..

متل ما انذكر ، سبب من الاسباب ممكن يكون زيادة المدح ..

و طبعا ما لازم ننسى انو نفرق بين ، قوة الشخصية و الغرور !

بتقابلوا هيك اشخاص بحياتكم ؟

لا بد من انو نقابل هيك ناس ..

وللأسف يتكون شخصيتهم مبنية على إعتقادات خاطئة

بفكروا حالهم شي ، وبالآخر بيطلعوا فيشينك

.

.

حبيبتي رورو

موضوع حلو كتير :)

ما ننحرم يا قمر

[نور الهدى]

عمره حدا قالك انت مغرور ؟

في ناس بحكولي لما شفناكي اول مرة حسيناكي مغرورة او بالاحرى ما بتحكي مع اي حد

هو فعلا انا لما بكون ما بعرف لسة شخص معين ما بعبره ولا بعطيه وج .. لازم اشوف كيف تصرفاته و احلله هههههههه

و بعدين بقرر

لكن هالاشخاص بعد ما عرفوني اتفاجأوا اني شخص مختلف تماما .. و الحمد لله :)

على فكرة اظن انه نفس الشي حصل بالمنتدى و نفس الاحساس تكون تجاهي من البعض خخخخ

//

ومين فعلا بشوف حاله انه مغرور ؟

والله ما بشوف حالي مغرورة .. ما بحس اني احسن من الناس !!

//

شو الاسباب اللي برأيكم ممكن تخلي الانسان مغرور ؟

والله الاسباب انذكرت كلها

الغرور بغذيه مرض من امراض القلوب و اللي هو الكبر ..

الله يعافينا منه جميعا

//

بتقابلوا هيك اشخاص بحياتكم ؟

اه .. بنقابل كل اصناف الاشخاص بهالدنيا !!

لكن غرورهم بيقل معي .. او ما بلامسه في تعاملهم معي

ما بعرف ليش هههه

//

يعطيكي العافية ع الموضوع :)

[عبير الورد]

عمره حدا قالك انت مغرور ؟
لا الحمد لله ماعمري سمعتها

ومين فعلا بشوف حاله انه مغرور ؟
الشخص الذي تعود على المديح والاطراء والتعالي على الاخرين من قبل الاهل

شو الاسباب اللي برأيكم ممكن تخلي الانسان مغرور ؟
التربية الخاطئة وكثرة المدح من قبل الاهل بالدرجه الاولىوتعويده على انه يختلف عن الاخرين
ثم بعد ذلك دور الاصدقاء فلو تم تبيه المغرور بتلك الصفة السيئة لربما
حاول اصلاح نفسه

بتقابلوا هيك اشخاص بحياتكم ؟
اكيد ولكن يجب توعية المغرور لسوء هذه الصفة

[Pink Rose]

المشاركة الأصلية كتبت بواسطة قسامي غزة الغرور صفة لا أطيقها في شخصيتي
فالحمد لله لم يقل لي أحد يوماً أني مغرور
بس حكواي صفات تانية
ههههههه
مشكورة بنك علي الموضوع

ههههههههههه

العالم بدها شغله تحكي فيها بس

بعين الله

شكرا على مشاركتك قسامي

نــورت الموضوع :)

[Pink Rose]

المشاركة الأصلية كتبت بواسطة أبومجاهد

عمره حدا قالك انت مغرور ؟

مممم

الحمد لله ما سمعتها من حــدا ، واذا في حدا ممكن يذكر سبب لهيك اتهام

ومين فعلا بشوف حاله انه مغرور ؟

ما في حدا بشوف حالو مغرور لكن بحاول الواحد قدر المستطاع انو

اي تصرف منو ممكن يبن للناس انو مغرور ولو بغير قصد يتجنبو

شو الاسباب اللي برأيكم ممكن تخلي الانسان مغرور ؟

بكون شايف حالو ع الناس وانو فش حدا زيو> يعني ماخد في حالو مقلب بالبلدي

كثرة مدح الناس له ممكن تسبب للواحد آفاتان الغرور والتكبــر

وفي مقولة بحبها كتير وهي >> الغــرور مقبــرة الفــنان

وفعــلا الغرور هو مقبرة لاي واحد لانو هو بداية هلاك الانســان

بتقابلوا هيك اشخاص بحياتكم ؟

ايييييييييه وما اكثرهم ودايما في وجوهنــا

الواحد منهم بحب ياخد وما يعطي

يعطيكي العافيــة بنـكـ ع المـوضوع الرائـــع

^^

حلو .. مقولة صح 100%

الله يعافيك يا رب ابو مجاهد

شكرا كتير على مشاركتك

منـــــــــور :)

[Pink Rose]

المشاركة الأصلية كتبت بواسطة حسام المصرى عمره حدا قالك انت مغرور ؟

كتير جدا .. حتى بعض قرايبى .. لكن اللى يعرفنى بجد هيكتشف عكس ذلك تماما

ومين فعلا بشوف حاله انه مغرور ؟

أكيد اللى معندوش ثقة بنفسه .. بيحاول يبين أن عنده حاجات مميزة وبيتغر .. غالبا بيكون شعور بالنقص
شو الاسباب اللي برأيكم ممكن تخلي الانسان مغرور ؟

شعور بالنقص

بتقابلوا هيك اشخاص بحياتكم

لا .. مقابلتش كتير

هلا حسام ..

كويس انك ما قابلت كتير

لانه التعامل مع هيك نوعية من الناس شي مستفز !

ارتحت انت من هالشي الحمد لله ^^

يسلمو على ردك ومشاركتك :)