لمحبي لغة الضآد .. أعــرب ما يلـي ~

[شهيد]

.
.




][ لــغة الضــآد ..

أَنَا البَحْــرُ فِي أحَشَائِه الدُرُ كَامِنٌ ** فَـ هَل سَأَلوا الغَواصَ عن صَدَفَاتِي

هي بحق بحـــور الحروف السآحرة والكلمآت الأســرة .. ~

لأنني من محبي هاللغة ..

حبيت أفتتح هالموضوع ، يللي هو كما موضح بالعنوآن

نضع جملة ونحدد كلمة والتالي يعــرب ..

.
.

سأبدأ :

" قُلْ لا أَجِدُ فِي مَا أُوحِيَ إِلَيَّ مُحَرَّمًا عَلَى طَاعِمٍ يَطْعَمُهُ إِلاَّ أَنْ
يَكُونَ مَيْتَةً أَوْ دَمًا مَسْفُوحًا أَوْ لَحْمَ خِنْزِيرٍ فَإِنَّهُ رِجْسٌ أَوْ فِسْقًا أُهِلَّ لِغَيْرِ اللَّهِ "

كلمة فسقاً ؟؟

[نور الهدى]

انا ما بفهم بالاعراب لانه ما بدرسه .. ما بعرف غير الاشياء البسيطة تاعت الابتدائي يا دوب ..

لكن اللي متاكدة منه انه اعرابها هو نفس اعراب كلمة دما و كلمة لحم

ههههههه

شو صحيح جوابي ؟؟

والله الموضوع حلو

رح اتابع حتى اتعلم اعرب ^^

[شهيد]

صحيح نور اعـراب صحيح :)

هي اسم معطوف على لحم ^^

طيب " أن الطفلُ كريمٍ "

؟

[مآهينآز]

وَعليكُم اَلسّـلَام وَرحمة اَلله وَبركاتُه
رائِــع جِـــداً
مِن أجمل ما تَصفْحّت لِليوم
:
كُنت عارفة إعراب فِسْقَاً ، بس فصل اَلنت :(

بالنسبة لِـ
أن الطفلُ كريمٍ

أعتقد على حد ذاكرتى ..

أن : فِعْل مَاضى مَبنى على اَلفتْح
الطفلُ : فَاعِل مَرفُوع بِِالضَمة الظاهِرة
كريمِ :
الكاف : حرف جر ،
ريم : أسم مجرور بِالكاف

:
بس راعو أنو بقالنا أربع سنين سايبين المدرسة
جزاك الله خيراً أستاذ شهيد ، على الموضوع الرائِع :)

[PaLeSt!Ne SouL]

^^

موضوع رائع

تسلم ايديك شهيد

ما شا الله عليكي نور & مها

إن شا الله المرة الجاية بشارك

[شهيد]

صحيح ماهيناز :)

اعـراب سليم ..

" وَتِلْكَ الْأَمْثَالُ نَضْرِبُهَا لِلنَّاسِ وَمَا يَعْقِلُهَا إِلَّا الْعَالِمُونَ "

الامثال ؟

[لالا-فلسطين 48]

المشاركة الأصلية كتبت بواسطة شهـيد صحيح ماهيناز :)

اعـراب سليم ..

" وَتِلْكَ الْأَمْثَالُ نَضْرِبُهَا لِلنَّاسِ وَمَا يَعْقِلُهَا إِلَّا الْعَالِمُونَ "

الامثال ؟

لع شهيد الله يسامحك يا زلمي، الاعراب مش سليييييييييم، كيف بتحكي هيك؟؟؟؟؟؟؟؟؟!!!!!!!!!

جزء من الاشياء صحيح اه بس مش كلو سليييييييييم!!!!!!!!!!!

(رح تنتحر لغة الضاد)


رح اعرب نفس الجملة بس بالشكل السليم:


" أن الطفلُ كريمٍ "

أن: حرف مشبه بالفعل مبني على الفتح الظاهر على آخره (وبحياته أن ما كان فعل).

الطفل: اسم ان منصوب بالفتحة (وبحياتها ما كانت فاعل، هي اسم كيف رح تكون فاعل؟!.

كريم: خبر ان مرفوع بالضمة (والكاف هتي مش حرف جر، كريم كلها مع بعضها كلمة وحدة!).


هاد الاعراب اللي بعرفو انا انو مزبوط وسليم الا ازا الاعراب عندكو بختلف عن الاعراب عنا!



تحياتي..
لالا-فلسطين 48.

[زهرة الحياة الدنيا]

المشاركة الأصلية كتبت بواسطة لالا-فلسطين 48

لع شهيد الله يسامحك يا زلمي، الاعراب مش سليييييييييم، كيف بتحكي هيك؟؟؟؟؟؟؟؟؟!!!!!!!!!

جزء من الاشياء صحيح اه بس مش كلو سليييييييييم!!!!!!!!!!!

(رح تنتحر لغة الضاد)


رح اعرب نفس الجملة بس بالشكل السليم:


" أن الطفلُ كريمٍ "

أن: حرف مشبه بالفعل مبني على الفتح الظاهر على آخره (وبحياته أن ما كان فعل).

الطفل: اسم ان منصوب بالفتحة (وبحياتها ما كانت فاعل، هي اسم كيف رح تكون فاعل؟!.

كريم: خبر ان مرفوع بالضمة (والكاف هتي مش حرف جر، كريم كلها مع بعضها كلمة وحدة!).


هاد الاعراب اللي بعرفو انا انو مزبوط وسليم الا ازا الاعراب عندكو بختلف عن الاعراب عنا!



تحياتي..
لالا-فلسطين 48.

لالا ولك شو هاد بعرفك فهيمة وبتلقطيها على الطاير

الاعراب اللي قالوه صح يا حلوة

وين راح ذكائك العرمرم سنة كاملة وانا اعلمك اعراب وبالتالي تجي على هيك يا حيانة كورسات الاعراب


طلي هالجملة معناها هيك:

أنَّ= تأوه/ توجع
الطفل= الطفل
كريم= كغزال

تأوه الطفل كغزال

[لالا-فلسطين 48]

ههههههههههههههههههههه

حلوة!!!!!!!!!!

عنجد اقتفشت منيح هالمرة، بس التشكيل مكنش واضح لالي!

رحت قرأت الجملة باتجاه تاني تماما!

شفتي يا زهرة!

جوووووووووووووووود استمروا يا ابطال، خلينا بلكي استرجعنا شو تعلمناه من اعراب!


مهو منشان هيك هالموضوع كتيييييييييييير ضروري!!!!!!!!!


قلتولي أنَّ، اه؟!

ههههههههههههه

فيلم!

منشان هيك ما كنت اخذ كامل بالقواعد!

اما الا ما اخذ نصيبي من الاعرااااااااااااااب!

[~][وحيدة القمر][~]

يا سلااااااااام من أجمل المواضيع في المنتدى

أنا عاشقة العربية بتفاصيلها وتشعباتها وإعراباتها وتصريف كلماتها ونطقها وكتابتها وكل شيء يخصها من قريب أو من بعيد ...

بس أن الطفل كريم .. ملغومة هههههه بس حلوة الفكرة


يلا اعراب :

{قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا}

ما هو اعراب مددا؟