شباب فلسطين

الطالب المجتهد · 03-27-2010, 07:27 PM

بسم الله الرحمن الرحيم

السلام عليكم ورحمة الله وبركاته

عنوان الموضوع :- ع ـضوإأآن فـي عـيـون بـعـضـهـمـإأآ

فكرة الموضوع انه نختار كل مرة عضوين و هالعضوين كل واحد منهم ييجي يحكي عن التاني ،،و هاد الموضوع لكي نتودد و نتقرب من بعضنا أكثر ، و نرى مدى معرفتنا ببعض ،،

بعض الافكار اللي فيكو تحكوها عن بعضكو :

تحكي شو رايك بالعضو ، تقوللنا عن شخصيته ،تذكرلنا ايجابياته و سلبياته ، تحكيلنا اكتر موضوع حبيته إله ،
تسأله سؤال بنفسك ، عتاب حابب تعاتبه ، شو استفدت و تعلمت منه ، بشو بتنصحه ....................... اي شي بدور ببالكوو ، احكوه

طبعا الحكي رح يكون عبارة عن فقرة و ليس عن سؤال و اجابة ،،

يعني تكتبو فقرة عادي ،،

لما ينتهي هالعضو من كلامه ، ييجي التاني و يحكي عنه ،،

بشرط انكم تحكوا مع بعض باحترام ..

::شروط الموضوع::

1- رجاءً ثم رجاءً ، ما بدي مجاملات ، احكي رأيك بالعضو بطريقة واضحة ، خليك جريء و احكي اللي نفسك فيه ،و لكن بأسلووب منيح ،هالموضوع انعمل عشان نتقرب من بعض ، و عشان نساعد بعض و نحسن من شخصيات بعضنا ازا حب العضو انه يساعد الاخر ،، مشان هيك ما بدنا مجاملات ، بدنا نستفيد من كلامكوا .

2- من الإمكان انه العضو يتكرر اسمه في المرات القادمه , عادي لانه في اراء جديدة و كلام جديد .

3- بعد ما يحكو العضوين عن بعض ، بالإمكان انهم يتناقشو في بعض النقاط اللي انتبهو عليها من الكلام ، متلا ازا لاحظ العضو التاني انه العضو الاول حكى عنه صفة سلبية و حب هالعضو انه يناقشه ،، في حالة انتهاء هالمسألة بنختار عضوان جديدان .

4- للعضوين الحق في الحديث 3 ايام فقط ، ال 3 ايام هدول بشملو النقاش برضو

5- ممنوع الاعضاء يحطو ردود بالموضوع في حالة انه العضوين عم يتناقشوا , الموضوع مفتوح للعضوين

بعد ما تخلص الـ3 ايام ، بإمكان البقية يشرفونا بالردود و التعليقات ..

>> توضع أسماء أول عضوين بعد الردود <>

>> وفي كل مرة انا بختار <>

شكرا لكم