الشايب بيدلل والشاب بيعلل !! فوتوا احكولي وجهة نظركم

[اجمل احساس]

المشاركة الأصلية كتبت بواسطة عبير الورد يسلمو اجمل احساس على الطرح الجميل


1- ماهو موقفك من هالنوع من الزواج ؟
طبعا ضده وبشدة لانه بتخسر الفتاة الكثير

2- بأي عمر ممكن تقبلي بالزواج من كبير السن ؟
التلاتين وزياده


3- ماهي الاسباب اللي بتخليكي تقبلي فيه ؟
انو مافي امل من زواجي من شب


4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟
ربما احيانا ولكن طالما الاتنين راضيين مايأثر ابدا على صورتها ولا صورة اهلها



5- هل صحيح ان " الشايب يدلل والشاب يعلل " ؟
مابعتقد في شباب بدللو كمان
اسفة لو قلت غبية من تعتقد ان الشايب يدلل
لانه لن يكون لديه من المشاعر او الوقت ليدلل
اغلب الوقت نايم ههههههه

هههه صدقيني معك حق ووجهة نظرك ما عليها حكي فعلا اتوقع اغلب الوقت حيكون نايم

بس انتي بتحكي انو لو فقدتي الامل بالزواج ممكن تقبلي؟
يعني زي ما بيقولوا ظل راجل ولا ظل حيطة؟ بمزح بمزح

انا رأيي من رأيك انو برفض وبشدة يعني بالنهاية شو الله جابرنا لنقبل بهيك زواج هادا عُمُر مو رحلة وراجعين منها

تسلميلي على ردك حبيبتي ما ننحرم يارب

[اجمل احساس]

المشاركة الأصلية كتبت بواسطة متيمة الأقصى

1- ماهو موقفك من هالنوع من الزواج ؟
أرفضه رفضا قاطعا

2- بأي عمر ممكن تقبلي بالزواج من كبير السن ؟
بعد 35 سنه يعني اذا انا صرت معنسة بالعامية

3- ماهي الاسباب اللي بتخليكي تقبلي فيه ؟

السترة والكرامة لانو بزمنا اللي ما بتتجوز بتنهان من لسانات الناس اللي ما بترحم .

4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟
بالسلب لاني بشوف اللي بعطي بنت بعز صباها لختيار انو ببيعها بالرخيص.

5- هل صحيح ان " الشايب يدلل والشاب يعلل " ؟
والله هاي نسبية والتنين بيعللو بس الشايب اكتر اكيد

.

الله يحميكي حبيبتي تفكيرك سليم ،،، نورتيني ما ننحرم هالطلة

[اجمل احساس]

المشاركة الأصلية كتبت بواسطة .:.!دموع الرحيل!.:.


غالبآ ضده ولكن لكل قاعده شواذ ..

لكن سبحـان الله الفكرة مش محببة ...

رح يكون في فجوة كبيرة بيناتهم ..





الحقيقة يمكن الوحده ما بتقدر تقدر هالشي

الا اذا انحطت بالموقف نفسه ..

يمكن هلأ اقولك مستحيل ومن هالحكي

واذا صار الموقف وكانت فيه للشخص صفات معينه

اقبل ..

ويمكن اقولك اي بوافق والخ .. وبس يجي شخص كبير

انفر من الفكرة ما اقبل

عشـان هيك برأيي هيك مواضيع ،، الواحد ما بيقدر يحكم عليها

عن بعد بأغلب الحالآت ..





يمكن الاحوال تاعيت الشباب هالايام ..

صار الواحد منهم قبل الـ 30 أو 35 سنة ما بيقدر يأمن حق بيت !

.

.

بس بنفس الوقت ..مش معناها اي شخص وقتها اقبل فيه !

ولا حتى هلأ اي شاب لمجرد انه شاب اقبل فيه ..

أحيانا البقاء عذبا كل العمر أحسن من العيشة مع هذا أو ذاك





بمجتمعنآ نعم ..


لكن صدقي ما حدا بيعرف شو في جوات البيت الا صحابه

متل ما حكيت لكل قاعدع شواذ

يااما صغيرة متزوجة كبير ..

وعايشة أحسن واريح عيشة ..

وياما صغيرة متزوجة صغير وعايشة جحيم معه ..

لذلك برأيي بلا ما حدا يطلع على صورتي قدام الناس كيف رح تكون ولا غيره

الواحج يفتش على سعادته وراحته وبس ..

لأنه كلام الناس لا بنفع ولا بضر




أظن أنه احيانا إيه ..

وحسب بقى ..

أحيانا شاب بدلل وبعلل .. بنفس الوقت ..

واحيانا شاب بعلل بدون ما يدلل

واحيانا شايب بعلل بدون ما يدلل .. وهكذا

في من كل الانواع

هههههههههههههههه

لذلك الشغله نسبية .. ونصيب كمان ..

ما فيك ِ تقيسي المواصفات نفسها عالجميع ..

لكن ما منقدر نختلف على انه

الفكرة بحد ذاتها .. مش محببة ..

لأنه فرق العمر .. لآ بد انه يلعب دور ..

الا اذا كـانت هي أكبر من عمرها . , وعرفت تتعامل معه وهكذا ..

,

,

مآ ننحرم يا قمر:shababsmile240:

لك يسلملي الفهمان انا
اكيد فرق العمر رح يلعب دور ودور كبير كمان بس خلص الفكرة بحد ذاتها مش مرغوبة عنا يمكن بتأثير من المجتمع او انو لكل مرحلة الها تفكير معين وتصرفات معينة ما بتتناسب مع كل الاعمار يعني كل جيل إلو حياتو زي ما بيحكو

نورتيني يا بطة ما ننحرم هالطلة

[اجمل احساس]

المشاركة الأصلية كتبت بواسطة شهـيد :shababsmile250:

طب احكيلنا رايك يا شهيد بنستناك

نورت

[اجمل احساس]

المشاركة الأصلية كتبت بواسطة حسام المصرى ياريت بس تلاقوا الأول ..

وبعد كده تبقوا تفكروا تختاروا مين ..ههههههههه

هههههه لا موجود اطمئن بس احنا نشاور

نورت حسام بهالطلة

[اجمل احساس]

المشاركة الأصلية كتبت بواسطة &نسيم الروح&

1- ماهو موقفك من هالنوع من الزواج ؟

هلا انا ضد بس لكل قاعده شواذ لانه ما بتعرف شو الموقف الي بتنحط في البنت


2- بأي عمر ممكن تقبلي بالزواج من كبير السن ؟

هلا هاد السؤال مو الي تجوزت ومشي حالي بس ازا لسه ممكن اكون شي 35 سنه وفوء


3- ماهي الاسباب اللي بتخليكي تقبلي فيه ؟

لو انا بعمري هاد 22 ما بوافئ حتى لو بدي اموت اما ازا كنت كبيره رح احكيلك انه ئله جازه هههههههههههههه لا بجد لانه الشباب هي الايام بكون عمره 40 بده وحده اكتر شي 25 يعني هاد بخلي البنات تكون بالعكس


4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟


هلا البنت في البدايه انه ما بتكون عارفه الله وين حاطها بس تعال بعد كم سنه رح تحس بحالها نظره المجتمع في ناس بتحكي على البنت وناس بتحكي على الاهل

انه البنت بنحكى عنها طمعانه في وبماله ومن هاد الحكي
والاهل انه رموا بنتهم الرميه السودا وهاد ما بمنع انه تكون البنت مرتاحه

5- هل صحيح ان " الشايب يدلل والشاب يعلل " ؟

هون رح اعارض حالي لانه هي المقوله صح بجد الكبير بدلل مرته الصغيره لحتى ما تطلع من تحت جناحه وانه هو بحاجتها ومن هاد الحكي

اما الشب "اغلبهم مو الكل" بحكي مو مهم ازا ما بدها ياني في الف بدالها وهادي بالاغلب بكون من كلام الام

فما بعرف يمكن كلامي مو مرتب بس لانه ئمت ميه مره

ميرسي الك على الموضوع الحلو بجد بده نقاش

يعطيكي العافية حبيبتي

بس مو دايما الكبير بيدللها لانو اصلا مو دايما رايق لقصصها يعني الو اهتمامات تانية عنها

ما بعرف هيك رأيي،،، نورتيني وماتحرمينا هالطلة يا سكرة

[اجمل احساس]

المشاركة الأصلية كتبت بواسطة دمعة أسى موضوع حلو كتير و مهم

لي عودة إن شا الله

حليلي ايامك يارب

بستناكي حبيبتي

[حسام المصرى]

المشاركة الأصلية كتبت بواسطة اجمل احساس هههههه لا موجود اطمئن بس احنا نشاور

نورت حسام بهالطلة

نتمنالكم الخير والله ... بس بلاش الثقة الزايدة دى ..

الوطن العربى اعلى نسبة عوانس

[PaLeSt!Ne SouL]

معك حق حسام

بس هاي لأنو الشباب ما بيقدروا ع تكاليف الزواج

مش لأنو البنات محدش مطللع فيهم ^^

نرجع للأسئلة

1- ماهو موقفك من هالنوع من الزواج ؟
أحسن من بلاش ^^

لا بحد قبل يوم صحبيتي عمرها 20 سنة زيي

وافقت تتزوج رجل عمره 40 سنة

الكل استغرب منها بس أهلها ما وافقوا

مع إنو اتقدولها شباب

لكن هي ما بتفكر تاخد واحد قريب منها بالعمر...

هاد وجهة نظرها

بس أنا ما بأيد لكن لو صار ما بعلق


2- بأي عمر ممكن تقبلي بالزواج من كبير السن ؟
ما بعرف و الله
لكن طالما أهلي عندي ما رح افكر بالموضوع بالمرة


3- ماهي الاسباب اللي بتخليكي تقبلي فيه ؟
ظروف الحياة ...

يمكن لما اكبر ما تلاقي حد يهتم فيا فبيكون " ظل راجل و لا ظل حيطة " مع إنهم سواء بهاي الحالة

4- هالنوع من الزواج .. هل يأثر على صورة البنت و اهلها من وجهة نظرك سواء بالسلب او الايجاب ؟

أكيد

زي ما قالت نسيم الروح

البنت طمعانة و أهلها رموها

و الي بيلاحق كلام الناس بيتعب


5- هل صحيح ان " الشايب يدلل والشاب يعلل " ؟
آه
مش حيضله طول العمر نايم ههه

شكرا كتير لك أجمل إحساس

[اجمل احساس]

المشاركة الأصلية كتبت بواسطة حسام المصرى نتمنالكم الخير والله ... بس بلاش الثقة الزايدة دى ..

الوطن العربى اعلى نسبة عوانس :shababsmile221:

مو قصة ثقة زايدة والله،،،

عموما

معك حق نسبة العنوسة زايدة بسبب شغلات كتيرة

نورت بطلتك