بمناسبة وصول مشاركاتي 10000 مشاركة إليكم هذه القصة الحقيقية || كاملة ||

[نور الهدى]

وضع محزن

و مش قادرة استوعب ليش في ناس بتهرب من السعادة هروب مثل الاب اللي بالقصة !!

بشوف انه الصلح افضل شيء .. و بعتقد ممكن الوصول اله من غير ما يقدم اخونا تنازلات لابوه

هل حاول انه يخلي وسيط عاقل و فهمان بينه و بين ابوه ؟؟

مثلا انه يحاول يحكي مع انسان بيقدره ابوه و بنفس الوقت متفهم للحالة .. و يخليه يحكي مع الاب و يحاول يقنعه

امه و اخواته لازم يتدخلوا و يواجهوه .. و ان كان عنيد

ازا بدهم الموضوع يتحل بدهم يصبروا و يتحملوا

و هالشي مش حيزيد المشكلة .. بالعكس ..

الاب ظالم و بده مين يوقف بوجهو .. و اللي سكت عن الظالم بكون ظالم معه !!

//

حل تاني

انه يقابله شخصيا .. معلش بده يتحمل كلام قاسي بالبداية .. لكن المواجهة احيانا بتنفع

و خلي يكون في انفجار .. يطلع فيه كل شي .. لانه بفترة القطيعة اكيد صار في تراكمات .. و التخلص منها ضروري

و سيدي حتى لو ما نفعت المواجهة اخونا مش رح يخسر شيء .. اصلها خربانة من البداية !!

//

مممم

اهل العروس ليش ما يتدخلوا ؟؟

ممكن هالفكرة صعب تطبيقها لانه اساسا مش راضي عن خطبة ابنه

بس ممكن ابو العروس - ان كان حليم - يعمل شيء

//

حكيت عن مختار العيلة ..

هو مع اي طرف ؟؟

مع الاب او مع الابن ؟؟

ان كان مع الابن فممكن يطلع منه كتير ..

اما ازا كان مع الاب فهون مشكلة .. لكن اكيد الها حل ^^

كيف ؟

كمان متل ما حكيت تختاروا حدا من معارفه اللي يقدرهم بخاف الله .. خلوه يحكي معه و يعقله .. امام الجامع اللي بصلي فيه مثلا !!

او اي شخص تاني

ازا نجح التأثير فيه فأكيد حيقدر يأثر على الاب .. مين عارف

//

مش ضروري تجيب هاي الحلول نتيجة بين يوم و ليلة .. لكن المشكلة ممكن تنحل شوي شوي

و صدقني ما في مشكلة بلا حل ^^

كله بقدرة الله بصير :)

الله يفك كرب المكروبين يا رب

و يفرج هم المهمومين

//

بارجع ان شاء الله ازا اجت ببالي حلول تانية ^^