بمناسبة وصول مشاركاتي 10000 مشاركة إليكم هذه القصة الحقيقية || كاملة ||

[Arabian girl]

صراحة قصة مبكية :(
ملاحظة : من جهة موضوع الحد وتنفيذه انا ما الي علم بهالموضوع شو لازم يصير
اول شي بالنسبة للشب بشوف انو غلط غلطة كبيرة بالسرقة بحق نفسو اول شي من ناحية دينية وتاني شي من ناحية تأثير هادي السرقة عليه لانو احياننا بتصير هادي الشغله مرضية وبتصير صفه من صفاتو وكمان ازا سمح لحالو يسرق ممكن يوصل لمرحلة ابعد ويسمح لحالو باشيا تانية واللي اكيد حتأثر ع حياتو بشكل سلبي
وبعرف انو كانت هادي السرقه الها اسباب اللي هي برأيي شعوره بالعجز والوحده وربما انه رأى السرقة الوسيلة الوحيدة لتحسبن اوضاع حياته فقد نظر للحياه من الجانب المادي وليس الروحي وهذا خطأ فعلينا ان نراعي الجانبين في حياتنا هاد غير عن ضعف بالايمان بهادي اللحظة وطبعا الاب كان الو دور كبير بسلوك الابن فهو نتاج تربية الوالدين وطبعا اكيد كان لازم يهتملو وخصوصا بمرحلة المراهقة اللي الانسان فيها بحتاج لقدر كبير من الحنان والتفهم .


اما بالنسبة للاب فانا ما بعرفو بس اللي استنتجتو من هادي القصة انو انسان متشدد وفاهم الدين غلط لانو لو كان فاهم الدين صح كان نصح ابنو وفهم منو ليش عمل هيك وفهمو شو عواقب السرقة لانو ترك الولد وطردو ما رح يحل المشكلة بالعكس رح يزيد تفاقمها وخصوصا ازا كان هالابن ما بعرف شو معنى انو الواحد يسرق فبعتقد انو بما انو ما نفع مع هادا الاب طريقة التوسل وطريقة تحريك المشاعر فلازم اخدو القصة من جهة منطقية بما انو الاب عم يدرس شريعه فالمفروض انو ازا فهمو شيخ من الشيوخ الوضع وشو لازم يعمل انو يرد عليه ويتحسن وضعو بس طبعا هداية هالشخص بيد الله وحده والدعاء والتوكل على الله اكيد مطلوبين بس ما لازم يستسلمو من ناحية تحريك العواطف وتذكير الاب بطفولة ابنه والاشيا الحلوة اللي بتتعلق فيو وازا كان في فيديو او صور للابن يحاولو يحكو عنها ويورجها للاب بشكل مباشر او غير مباشر لحتى قلبو يحن .



وبالنسبة للقرار اللي اتخذو الاب هو قرار متشدد ناتج عن نوبة عصبية بعتقد
ولازم يراجع حالو بهادا القرار ويبينو للاب النتائج ولازم اهم شي بيبنولو الاشيا السلبية اللي حتأثر على الاب من جهة دينية ومن جهة دنيوية يعني لحتى ازا ما بهتم لمصلحة ابنو ياكيد بهتم هتم لمصلحتو
وبالنسبة للزواج : ازا كان بطريقة شرعيه وفي مودة بين الخطيبة وخطيبها فلليش هيك الاب يتخذ قرارفليش الاب بيتخذ هادا القرار !!



وبالنسبة للام الله يعينها ويصبرها وبرأيي هي بدورها لازم تحاول تقنع زوجها بطرق غير التوسل وبالاول تتقرب لزوجها قد ما بتقدر لحتى يصير ما برفضلها طلب وغير هيك ابدا ما تتخلى عن ابنها بس تتوخى الحذر قد ما بتقدر وتدعي الله طول الوقت لانو سبحانه وتعالى هو الوحيد اللي بيقدر ييسر الامور ويهدي الاب بس طبعا لكل شي حكمة ونحن لا علم لنا الا ما علمنا الله
وطبعا اكيد ما لازم تهمل الاطفال التانيين عشان ابنها لحتى ما تتكرر المشلكة ويسير عند اخواتو مشكلة تانية وطبعا اكيد لازم يتعلمو من الغلط و يحرصو انهم يفهم اطفالهم منيح ويوعوهم خصوصا من الناحية الدينية لانو الانسان ازا كان مؤمن رح يصبر ع المصيبة وما رح يعمل عمل يعصي الله سبحانه وتعالى

هادا رأيي وبتمنى يكون مفيد
وبعرف اني طولت بس مو مشكلة بتتحملوني
يعطيك العافي ابو محمد