بدي رأيكم :)

[نور الهدى]

السلام عليكم و رحمة الله

كيفكم ؟؟

انا حاليا بدرس محاسبة .. لكن مش بالجامعة .. يعني لساتني بالمدرسة ^^

السنة الجاية - لما انجح بالباكالوريا ان شاء الله - حكون بالجامعة

و بصراحة انا بدي اغير هالتخصص

صحيح لمدة ثلاث سنوات ما كان بدي غير المحاسبة ..

و خصوصي انه كان بدي اصير chartered accountant او certified public accountant هيك اسمه بالانجليزي

لكن غيرت رأيي .. لانه هاي المهنة ما بقدر امارسها غير بفرنسا .. و انا مش مخططة اضل في فرنسا طول عمري

لذلك بدي احول علوم اقتصادية و ادارية .. و كتخصص اضافي علوم سياسية او انجليزي او علوم اجتماعية

عشان بعد ثلاث سنوات - ليسانس - اتخصص ماجستير islamic finance

//

هلأ شو رأيكم بقراري .. هل اترك المحاسبة علما اني بجد بحب هالتخصص بس لانه ما بدي ضل هون

ولا احول للاقتصاد ..

ازا حولت للاقتصاد برأيكم شو انفع كتخصص اضافي << اصله اجباري

- علوم سياسية

- انجليزي

- علم اجتماع

؟؟

يلا بستنى رأيكم ^^

ما تخيبوني .. اصلي بجد محتارة

[شهيد]

امممممم والله شيء محير فعلا ^^..

ما زال ما بدك تضلي الاصل تجدي حلول تانية !

فتخصص تاني افضل ، و الاضافي يكون علوم سياسية من رأيي ^^..

[نور الهدى]

المشاركة الأصلية كتبت بواسطة شهيد غزة امممممم والله شيء محير فعلا ^^..

ما زال ما بدك تضلي الاصل تجدي حلول تانية !

فتخصص تاني افضل ، و الاضافي يكون علوم سياسية من رأيي ^^..

شكرا شهيد .. بس ليش العلوم السياسية مش شيء تاني ؟؟

والله بجد هاي السنة تخربطت اوراقي كلها ..

مخططي انقلب رأسا على عقب ..!

طيب في بنوك اسلامية كتيرة بالدول العربية ولا لأ ؟؟

//

و اللي بالجامعات .. في عندكم تخصصات في الاقتصاد الاسلامي ؟؟

[إسراء الفلسطينية]

الله يعينك

شو بكره هل مرحلة , الواحد بكون ملخبط

اقولك شغلة .. صلي إستخــآرة ..

نصيحة مني ,, مش رح تخسري :)

دايما بلجئ لهل حل لما اكون حيرانة :)

//

الله يوفقك .. وإن شاء الله .. الله بيفتح عليكي ..

وبتختاري الأحسن الك :)

[نور الهدى]

المشاركة الأصلية كتبت بواسطة إسراء الفلسطينية

الله يعينك

شو بكره هل مرحلة , الواحد بكون ملخبط

اقولك شغلة .. صلي إستخــآرة ..

نصيحة مني ,, مش رح تخسري :)

دايما بلجئ لهل حل لما اكون حيرانة :)

//

الله يوفقك .. وإن شاء الله .. الله بيفتح عليكي ..

وبتختاري الأحسن الك :)

يا رب آمين

تسلميلي اسراء

اكيد بصلي الاستخارة

ربنا يقدم اللي فيه الخير ^^

[أبو إبراهيم]

بس تخلصي فرج ماتتسرعي ان شاء الله خير وانا بنصحك اختي بس يطلعن العلامات تشوفي اذا الانجلش او التاريخ مشان العلوم السياسية اللي اعلي اختاريله تخصص سواء انجلش او علوم سياسية

[نور الهدى]

المشاركة الأصلية كتبت بواسطة أبو إبراهيم بس تخلصي فرج ماتتسرعي ان شاء الله خير وانا بنصحك اختي بس يطلعن العلامات تشوفي اذا الانجلش او التاريخ مشان العلوم السياسية اللي اعلي اختاريله تخصص سواء انجلش او علوم سياسية

مهو يا اخي ابو ابراهيم هون مش نفس النظام

يعني مش العلامات اللي بتحدد امكانية تخصصي في فرع او آخر ..

لو بكون بدي افوت طب .. رح افوت طب !!

و ان كانت العلامة بالباكالوريا 50 بالمية

لكن المسألة بتختلف حسب التخصص اللي درسته من سنتين ..

//

بس عموما شكله الاعضاء بحبوا السياسة مشان هيك بتنصحوني اخد علوم سياسية كتخصص ثاني ههههه

اشكرك اخي ابو ابراهيم و ازا عندك اضافة ما تبخل علينا

اه و بدي اسألك .. بالجامعات عندكم اقتصاد اسلامي ؟؟

[أبو إبراهيم]

لا يااختي ما فيه عنا اقتصاد اسلامي عنجد اشي متعب لاتتعبي حالك بالتفكير لانه هتتحيري جدا لمن تخلصي خير بتروحي عالجامعة وبتستفسري وان شاء الله خير وربنا يوفقك

[[ Islam ]]

عنا تخصص اسمه " اقتصاد و علوم سياسية "

فيمكن بزبطو مع بعض ههههههههه

امممم .. ادرسي انجليزي

ليش !!

لانه حلو الانجليزي :d

[sofy]

يعني أنا بشوف أنو الواحد يفووت تخصص بحبو بغظ النظر عن المكان إلي حيعيش فيه لأنك لو دخلتي تخصص ما بتحبيه فأكيد ما حتشوفي مستقبلك فيه فنصيحة إدخلي الشي إلي بتحبيه أحسن ما تندمي أو إدخلي شي تاني بتحبيه غير المحاسبة بس بلأخر الواحد بصلي إستخارة وكلي أمرك لله وأكيد الله كاتبلك خير أنشاءالله
تحياتي