الكاسيات العاريات..

[Arabian girl]

لماذا تتعمد الفتيات أن تلبس الملابس الملفتة للنظر؟
صراحة البنات نسيو الحجاب وبطلنا نعرف المسيحيات من المسلمات
وبرايي همو سببين للتبرج
الاول لفت انتباه الشباب او الناس بشكل عام
او عشان نظرة المجتمع لانو المجتمع هلا بشوف البنت المومتحجبة متقدمة لانها بتقلد بالغرب وطبعا هادا عند العقليات الرجعية برأيي

لماذا تعتقد الفتيات أنهم بتبرجهن يستطيعن الزواج ... مع أن هذا الأمر مكتوب قبل ولادتهن ؟
ممكن لانهم للاسف ما عندهم ايمان بهالشي !
و مو شرط بفكرو طريقة للحصول ع الزوج
هلا صار طريقة للحصول على صديق ولفت الانظار
بس ع كل ما بعرف ليش بعتقدو هيك

لماذا أصبح الحجاب موضه .. ويبالغ البنات فى كيفية لبسه بمختلف الاستايلات ؟
برأيي الفتيات اللي بتموضو بالحجاب بكونو مو لابسينو عن قناعه وحابين يبينو ملفتين بكل الطرق وصراحة
المتحجبات المتبرجات اكتر شي بشوفو منتشر بالخليج وهون بعتقد السبب
انو صار الحجاب مجرد عادات

كيف يخرج البنات من بيوتهن بهذه الملابس السخيفة وأمام الآباء .. هل انعدمت الرجولة والتدين؟
مو شرط الاب مو متدين في كتر اباء متديني وبناتهم بطلعو هيك بس مو لانو الاباء بدهم بناتهم يطلعو هيك
بس لانهم بستنو البنت تاخد القرار مع التبيين انو الحجاب هو الصح لانو اكيد ازا لبسو البنات بالغصب رح يلاقو اي وسيلة عشان يتخلصو منو
وممكن كمان يكونو الاباء مو ملتزمين حتى انو في بعض الاباء بمنعو بناتهم يلبسو حجاب

لماذا أصبحت رؤية فتاة تلبس بادى وجينز عادى بينما رؤية فتاه تلبس خمارا أو نقابا .. أمرا شاذا ؟

لانو صار عدد المتبرجات اكتر فالناس لما يشوفو وحدة ملتزمة بوسط هادا الفساد بكون شي بثير التعجب والاعجاب

لماذا تتعمد مصانع الملابس صنع الملابس الضيقة أو الملابس على الطريقة الغربية ... وصرفوا النظر عن الملابس المحتشمة ؟
يمكن خلص القماش هههههه لا بمزح
اكيد لانو اللبس الضيق والغير محتشم الو مبيعات اكتر بعدين الكل بلبسو ملابس ضيقة وهيك ازا كانت مو متحجبة او متحجبة بس الفرق وين بيلبسو
يعني المو متحجبات بلبسو هادا اللبس قدام الرايح والجاي اما الملتزمة بتلبسو قدام المحارم

نحن كشباب كيف نتخلص من براثن اولئك الكاسيات .. بصرف النظر عن غض البصر لأنى كلما غضيت بصرى ودورت نظرى فى جانب آخر ... وجدتهم ؟
اممم حتى لو اتطلعت عليهم مع انو الاحسن غض البصر بعتقد انو ما في شي رح يأثر عليك ازا كنت انسان ملتزم لانك ازا كان عندك ايمان بقرارة نفسك بتعرف انهم مجرد فتيات جاهلات بحاجة للنصح
والتوجيه

هل الحل هو أن نغلق أعيننا ؟ أم ما الحل اذن .......؟!!!!!!!!!
الحل توعيه الفتيات الى اهمية الحجاب وانو تكريم لانو الله سبحانة وتعالى حفظنا به مثل ما تحفظ الجوهر في صدفتها ونحن لسنا فتيات للعرض وجواهر نزين بها الطرق انما نحن بشر بقيمة يجب ان نؤخذ على محمل الجد ونحفظ انفسنا بالحجاب
كمان هيك الحل للسعادة البشرية كلها مو بس هادي المشكلة هي التمسك بالدين

تحياتي اخ حسام
ومشكور ع طرح هالموضوع المهم :)