لقــآآآآء...مع. (( عآشقة فلسطين & ريحانة القلب ))

[دموع الغربة واشواق العودة]

معي مسج من فرفوشة ..
اولا طبعا بتسلم عليكو ..وخصيصا نانا وسوسو ..
وتاني اشي هي كتييييييييير زعلانة
وتالت اشي هي بكرة بدها تختار تنين اعضاء او عضوات ..فستنوها شوي ..
ومن اليوم ورايح خلوها هي تختار ..
وبتبعت بتحيااااآآآآآت حاآآآآآرة وزعلآلآلآلآلآلآلآنة للجميع
..^.^..

[PaLeSt!Ne SouL]

منورات سروءة و نان


دموع سلميلي على الطنجرة و قوليلها اشتقتلها

[.:.!دموع الرحيل!.:.]

الله يسعدكم ..

والله يسلمها فرفوشة العسل

ماشي .. واذا اجت لا تنطرنا وتوقف الموضوع عشاننا

تختار حدا ..

تسلمولي كلكم

[إسراء الفلسطينية]

انا آسفة ع التأخير ..

بس النت من الصبح عطلان

و من شوي لحتى زبط !

..

ههههههههههههههه نانا ..

بتعرفي مش اول وحدة هيك بتحكيني ..

كلو بيحكيني نفس الحكي .. الهدآوة مآخدة جزء كبير من شخصيتي ..

اصلا ما في احلى من الهدآآوة

..

نيجي لأسئلتك :)

* هل شعرتي انه الاشراف العام ( من حيث المسؤولية) أثر على نشاطك ونشاطك

بالمشاركات بالمنتدى ؟

هوي بالنسبة للمسؤلية ..

الاشراف مسؤلية .. والاشراف العام لســآ مسؤليتو أكبـر !

بس ما حسيت انو هل شي أثر على مشاركاتي بالمنتدى

بالعكس .. الرقــآبة بالمنتدى بدها وجود .. والوجود بدو نشـآط ومشـآركات ..

بس رغم هيك .. الا ليمر أكم يوم .. يكون الواحد فيهم مشغول .. ويا دوب يلحق يطلطل ع الاقسام :)

* كيف بتلاقيه المنتدى أحلى ؟ .. قبل الاشراف .. او بعد ؟!

الجهتين حلوين :)

بس بعد الإشراف يمكن أحلى ..

لانو هيك بتحسي انك عم تعملي شي للمنتدى وللاعضاء ..

ومرآت بكون في مفاجآت ومواضيع وحركات الاعضاء ما بعرفوها

*شو نفسك تقوليلي لأني مقصرة هالفترة بالمنتدى ؟ فضفضي يعني

عارفة كتير منيح ظروفك ..

ولهيك ما بلومك أبدآآ ..

بعرف انو أي وقت بتقدري تفوتي المنتدى فيه .. ما بتقصري ..

بس قبل كان أحلى .. كنتي تشاركي أكتر .. وتحطي مواضيع أكتر وهيك

وكنتي دايمـآ نشيطة ..

هلا كإنو بس بتقوتي .. بتشوفي حصــآد المنتدى وخلص

ان شاء الله ترجعيلنا متل قبل .. ما منستغنى عنك لإن

[إسراء الفلسطينية]

كل اللي مروا ع الموضوع ..

يا مية اهلا وسهلا فيكن

منورين

::

حـآبة أسأل كم سؤال ..

1. شو الشي يلي بتحبيه أكتر شي بالمنتدى ؟

2. في شي موجود بالمنتدى بتتمني زواله .. وان كان في .. فشو هوي هل شي :)

3. مين من الأعضاء بتحسي بغيـــآبهم .. وبتستفقديلهم دغري ؟

4. شي يوم .. او شي ساعة .. او شي دقيقة تندمتي انك صرتي مديرة ؟

إحكي الصراحة :P

5. شو رأيك بإشرآف الاقســآم بهل ايام ؟ << مع إحترامي لكل المشرفين .. ورأيك بنشـآط المنتدى بالوقت الحالي كمان؟

6. شو هيي أنواع المواضيع يلي بتحبيها أكتر شي ؟

7. وآخر شي .. شو الشي يلي بتتمني يصير بالمنتدى بأسرع وقت :)

[.:.!دموع الرحيل!.:.]

حبيبتي سوسو ...

يلا رح جآوب ،،

1. شو الشي يلي بتحبيه أكتر شي بالمنتدى ؟

توجهه الاسلامي الفلسطيني .. واني بشعر فيه اني جوات فلسطين

وهو المكان الوحيد الي ممكن ينسيني اني لاجئة !

الا ببعض الاوقات لمآ شوف بعض الاعضاء الي داخل فلسطين

كيف هني بالبلد .. ونحن برا ساعتها برجع للواقع ..

2. في شي موجود بالمنتدى بتتمني زواله .. وان كان في .. فشو هوي هل شي :)

كـان فيه ، شغلة انقسام المنتدى لشلل ..

ومجموعات ..

بس هلأ الحمدلله خفت كتير ..

ويمكن تغاضي البعض عن قوانين المنتدى .. :(

3. مين من الأعضاء بتحسي بغيـــآبهم .. وبتستفقديلهم دغري ؟

ممممم والله كتآر ..

بس يمكن اكثر الاعضاء نشاطا .. لأنه وجودهم بكون اله أثره ..

لذلك غيابهم كمان فورا بلاحظة وبفقدلهم

واكيد هني عارفين حالهم ، الله يخليلنا ياهم كلهم

4. شي يوم .. او شي ساعة .. او شي دقيقة تندمتي انك صرتي مديرة ؟

إحكي الصراحة :p

ممممم ندمت لاء !

لأني حسيت انه انفتحلي مجال اخدم قضيتي من خلال هالمسؤولية ..

ولو انه ما كتير كنت حابة اني احملها .. بس حقيقة هي شرف فوق التكليف !

بس ممكن بوقت من أوقات الضغوط والمشاكل الي مرت ..

حسيت اني لازم بطل مديرة .. !


هو بدك الحقيقة .. انا قبل ما استلم مسؤولية هون كنت اتمتع

بالمنتدى أكتر .. هلأ صارت المتعه من نوع تــآني ..

والحمدلله على الحالتين .. الله يخليلنا هالصرح الحبيب ..

5. شو رأيك بإشرآف الاقســآم بهل ايام ؟ << مع إحترامي لكل المشرفين .. ورأيك بنشـآط المنتدى بالوقت الحالي كمان؟

والله في بعض المشرفين مقصرين جدا جدا ..

وفي البعض جواهر مكنونة .. لو نحكي عنهم ليل نهار ما منوفيهم حقهم ..

ووالله حقهم علينا نحن كمان مشغولين عنهم .. وتقريبا حاملين المسؤولية لحالهم ..

ومطولين بالهم علينا وعلى مشاغلنا ..

هول كل شي بيرخصلهم والله ..

وهالشي ان دل فـ بدل على انه شباب فلسطين محاط بعناية وتوفيق دائمين ..

ربنا يسخرله المخلصين دايما يا رب

6. شو هيي أنواع المواضيع يلي بتحبيها أكتر شي ؟

والله كل شي تقريبا ..

بس يمكن شوي بطبعي بعيدة عن الشعر والرياضة .. !

اما الباقي كلو بهواه

7. وآخر شي .. شو الشي يلي بتتمني يصير بالمنتدى بأسرع وقت :)

انه نرجع كلياتنا نفضى ونتواجد بالمنتدى زي قبل

مني وجر ..

بجد مشتاقه كتير لوجودي بينكم

وللعمل والمشاريع معكم ..

بس الله يكون بالعون ..

.......

حبيبتييي ام السوس ..

مقابله غير شكل ..


الله يسعدك يا قمر ..

انا ما رح ارجع اسأل عشان ما نطول عليكن أكتر

..............

تسلمولي عالاستضافة يا غاليين :)

[دموع الغربة واشواق العودة]

تسلميلي يا دمعة اسى فرفوشة بتسلم عليكي كتير كتير ..
وبتقلك هي مشتاقالك موووت كمان ..
معكو ياحلوين لبكرة ..هاد من فرفوشة ..^.^..

[*أحلى رتآآج*]

شكلي متأخرة كتييييييير..~

بس يلا مو مشكلة..~

متابعة مع الحلوين..~



منورين..**

[دموع الغربة واشواق العودة]

نورتينا احلى ريتاج ..^.^..

[PaLeSt!Ne SouL]

وين فرفوشة؟؟