|[ بـُقـعِـةْ ضُـــوْء علي// بنت فلسطين المجروحة -»||

[بنت فلسطين المجروحة]

يعطيك العافية ياشهيد غزة

مو مقصر بالمرة


الله يسترنا من هالبقعة ماتحرقني


يلا انا هنا باذن الله

[CoOl GiRl..~]

رآئع !!

يعطيك العآفيهـ شهيد ^^

وإلي رعهـ بس لتجآوبي امون ع الأسئلهـ هع

بإنتزآرك :)

[§عاشقة غزة§]

مشكور شهيد
صياغة حلوة لموضوع كرسي الاعتراف
والعنوان عجبني كثير
بقعة ضوء..
بانتظار بنت فلسطين المجروحة
والي عودة مع الاسئلة

[أمل]

و عليكم السلام و رحمة الله و بركاته

ضيافة في بيت عامر أكيد

و بما إني أدرك جيدا كرم و جود صاحبة هذا المنزل الذي سنضايف فيه ،،

فيحق لنا ان نطلب ما لذ و طاب من طعامها و زادها ككل

أماني

سؤالي الأول:

الآن هناك حملة شاملة و واسعة النطاق في مختلف القنوات الدعوية و في مجالس العلم تتناول كشف زيغ الشيعة عن ما أنزله الحق سبحانه..

و أيضا تقام مناظرات بين أئمة أهل السنة و الشيعة،، و على حسب متابعتي للأحداث ليس من الشيعة من شارك بمناظرة و أتمها بل إنسحب بطريقة مخزية..

السؤال:

ما تقييمك لمثل هاته الحملات؟؟ هل تابعت شيئا منها؟؟ هل حقا نستطيع الرد عليهم و رد بهتانهم بمثل هكذا حملات؟؟

و ما قولك فيمن يقول بأن ما يحدث بين الشيعة و السنة مجرد مهاترات؟؟

و لي عودة يا بنت خالتو....... ^^

[PaLeSt!Ne SouL]

شوي شوي ع البنت

بانتظار بنت فلسطين المجروحة

[دموع الغربة واشواق العودة]

يعطيك العافية شهيد ..راآآآآئع جداجدا ..
ورح نستناآآآآ بنوتة فلسطين
..^.^..

[بنت فلسطين المجروحة]

مآهيناز بس شفت اسئلتك ارتعبت

استعنا عالشقا بالله

المشاركة الأصلية كتبت بواسطة مآهينآز

وعَليك خير اٌلسّلآم وَاٌلرحمّة وَاٌلبركّات ..

يا اٌلله ما أبهي اٌلضوء اٌلساكِن هُنا ..

ويبدو أن ضيفتنا مشغولة بِتحضير اٌلطعام والشراب :]

الله يسعدك يارب .. النور نورك

هههههههههههه لا عادي انتواهل الدار يعني انتو بتدخلوا وبتطبخوا




1

- بنت فلسطين اٌلمجروحة // عرفينا على نفسك عن قُرب ؟!

سؤال صعب :S

امممممم اسمي أماني ،، فلسطينية ،، حماميّة ،، عمري 21 سنة

حالياً عم بدرس ماجستير في علوم الحاسوب وبشتغل معيدة بنفس الجامعة

عايشة بدبي ،، وزهقانة منها

من الناحية الشخصية :

بنت فلسطين المجروحة فتاة عادية ،، طموحها انها تحقق اشي ينفع المجتمع

وطموحها الأكبر انها تغير مجتمعاتنا الاسلامية للافضل ،،

وحلمها الأكبر انها ترجع عبلادها وتعيش بين اهلها ..

وقرة عينها انها ترفع راس امها وابوها وانها ترضيهم ..

من الناحية النفسية

انا مش اجتماعية ،، باخد وقت لاتعود عالناس

خجولة وباردة زي مابحكو عني ،، لكن ان عصبت فياويل اللي بحكي معي

صحيح انا باردة بكل اشي وصعب اني أستفز ،، الا فالدين و الاخلاقيات

يعني مابستحمل حد قدامي يكزب ، او بفتي فالدين وهو ماعنده هالعلم

ولا بتحمل ينعمل منكر قدامي واسكت

لهيك صحباتي لو ناويين يعملوا عملة سودة بعملوها من وراي عشان عارفين هبهدلهم

ماهي شو هالسؤال ماعرفت شو قصدك

فنشرت غسيلي


2

- دِراستك بتصب فى اي مجال ، تفتكري لأي مدي مجال تخصصك مؤثر بالأمة ؟!

في التكنولوجيا ،، برأي كل تخصص شرعي مؤثر بالأمة ،، احنا محتاجين نتميز بكل اشي لنعاود نمسك زمام الأمور والقيادة في العالم ،، واضعف الايمان كما يقال ،، انه الشغل اللي هتشتغليه بمجالك ( ان كان الشغل حلال طبعا) راح يعود عليكي بدخل ،، ممكن تساهمي بيه لتحسين حال الأمة ،، فحتى اقل اشي بتجنيه ممكن يأثر في حال الأمة

3 - رأيك بالثقافة التكنولوجية والتقنية ، والحاسوب وخِلافه ، اٌلجيل الحالي مُلم بهذا النوع من الثقافة ،

وهل هي تُعتبر ثقافة أم عِلم مُتشعب الفروع ؟!

الجيل ملم باحدث التكنولوجيا صحيح ،، لكن هالاشي مش هالقد مفيد قد ماهو مهم يعرفوا كيف هالتكنولوجيا بتنعمل ،، هادا بالعالم الاسلامي بس بغير دول فهمي بعرفوا التكنولوجيا ومحتواها

يعني بامريكا وبلاد اوربا في أطفال بعمر 8 سنين ببدأو يتعلموا كيف يبرمجوا ويعملوا برامج

فقارني بين هدول وهدول ..

اذا قصدك انك تعرفي احدث اشي فالتكنولوجيا فهاي لربما بنقدر نقول عليها ثقافة

لكن كبرمجة وتصميم ،، فهادا علم كبيير ومش سهل ابدا

وفي اله افرع كتيرة وكل فرع عالم ،، الذكاء الاصطناعي ،، النظمة الموزعة ،، والخ ..

مثلا من احد اهداف المبرمجين مثلا هي برمجة الحواسيب لتكون ذكية اصطناعية

يعني نعطي الحواسيب بعض قدرات الانسان ، وهادا شيء صعب ومش هين !



4

- برأيك اٌلفرد كيف يكون مؤثر .. ؟!

بأنه يتبع الحق فحياته ،، يشتغل بضمير ويكون امين ويتق الله في السر والعلانية

والاهم انه ينكر المنكر ،، يعني لما يشوف الغلط يحكي هادا غلط (بهدف التوعيية مش الانتقاد)


5

- ماهي امنياتك للعام الجديد هههههههههه ؟!

هههههههههه بتمنى تتسهل اموري و اقدر انتقل لجامعة تانية لاكمل الماجستير

وبتمنى انزل عغزة وبتمنى يتحسن حال المنتدى !


6

- أماني / كيف تري نفسك .. ؟! [ إيجابيات وسلبيات ]

ايجابيات ،، بحب أعاون الناس واخدمهم ،، ومجتهدة ومخلصة بالعمل

سلبيات ،، ماعندي ثقة بنفسي ،،متسرعة أحيانا في قراراتي .. !


7

- كيف تري ( إيــــــــران ) ، وكيف تري تدخلها بالشأن العربي :D ؟!

هي لو انها ايران بصفتها دولة اسلامية الواحد ممكن يتفهم

بس هدول اللي بتدخلوا همي شيعة ،، وكل تدخلاتهم مش لمصلحة أمة الاسلام

8- علي غرار المعروف عن بقعة ضوء / إنتقديني [ إيجابيات وسلبيات :p ]

ايجابيات // مثقفة ،، طموحة ،، و حريصة على طلب العلم ،، محبة للجميع وطيبة القلب

سلبيات // بحسك بتظلمي نفسك من ناحية محاسبة نفسك او من ناحية انك بتتهاوني عن حقك

9

- موافقة ارجع اسأل تاني ولا كفاية كده ؟!

اتفضلي .. حاسة اني خبصت بالاجوبة

10

- منورة :)

نورك ياقمر


ياهلا فيكي

[بنت فلسطين المجروحة]

المشاركة الأصلية كتبت بواسطة قسامي غزة بانتظار ضيفتنا
يعطيك العافية اخي شهيد

اهلا فيك انا هنا

[بنت فلسطين المجروحة]

المشاركة الأصلية كتبت بواسطة يـــآسين و عليكم السلآم و رحمة الله و بركاته ..

جميل جداً

يعطيك العآفية شهيد ..

في انتظـار ضيفتنـآ

[بنت فلسطين المجروحة]

المشاركة الأصلية كتبت بواسطة Arabian girl اوك هي كم سؤال عبل ما تيحي ^^

هههههههههه منورة عربية


1

) هل عندك هدف معين في حياتك وتريدين انجازه بشدة ؟

أكيد ،، نفسي يتحسن حال الأمة الاسلامية و نعيش في نظام اسلامي يرجعلنا كرامتنا

2) ما هو طموحك الاكبر الذي قد خطر على بالك او مضيت في تحقيقه ؟

هو اللي حكيتو بالسؤال الأول واكيد اني اكون من اهل الجنة ،، أما على الصعيد الشخصي

زي الزواج والدراسة والثروة هههههه ،، فهاي بنظري أشياء مع الزمن بتصير

لو تحققت فخير ولو ماتحققت فاكيد خير

يعني غلط كبير انو الواحد يحط طموحه الاكبر انو يصير دكتور بجامعة ،،لانه بتحقق ومابده معجزة

برايي الطموح الاكبر لازم يكون لهدف اسمى ولتحقيق أشياء أصعب

وعلى قدر أهل العزم ،، تأتي العزائمُ

3)بتشوفي الدنيا حلوة ولا بشعه ؟ وازا اه ليش ؟ وازا لأ ليش ؟

هيك وهييك ،، هيي بشعة بالغدر والخيانة والكذب وقلة المروءة اللي فيها

لكن بحليها الصحبة الطيبة و رضا الله والاهل

4) لو رجع فيكي الزمن شو بتعملي ؟

بعض أخطائي راح اصلحها ،، اللي بندم عليها للحين ..

5) لما اتسلمتي مهنة الاشرافشو كان شعورك ؟ يعني حسيتي بمسؤولية وحبيتي الفكرة ولا كرهتيها ؟

اكيد حسيت بالمسؤولية بس لا ماكنت حابتها ل 3 اسباب

1. بعرف انه هتاثر عمشاركاتي ،، لانو وقتي للمشاركة هيقل وانا اصلا مشاركاتي وانا عضوة قليلة فكيف وانا مشرفة

2. بعرف انها مسؤلية ووجعة راس ،، خصوصا لما تصير مشاكل بين مشرف وعضو عحذف موضوع او رد ويصير الزعل شخصي !!

3. القسم ماكنت كتير متشجعتله لانه ماكان كتير يجذبني

وحاولت اتحجج اظن وقتها باني هعمل عمرة

بس دموع الرحيل قالتلي بس بترجعي بتستلميه

ووقعت الفاس فالراس

بس بجد اللي خلاني اقبل وقتها

اني كنت حابة افرفح عالاعضاء شوي

كانو وقتها حاسيين باضهاد جماعي



6

) اخر سؤال في هادي الدفعه : اكلتك المفضلة ؟ << ومسموح تكون شوكولا

انا بحب اي اشي فيو دجاج



منورة عربية