لنرتقي بمنتدانا مع {فرفوشة

[قسامي غزة]

يعطيكي العافية اختي اجمل احساس
وبانتظار ضيفنا التالي

[دموع الغربة واشواق العودة]

متابعة معكم
اجمل احساس عسل والله اجوبة صريحة وراآآآئعة الله يحميكي
واخوي محمد اجوبة حلوة كتير
متااآآبعة معكم
..^.^..

[أم الوليد]

أجمل احساس..نورتينا...

ابومحمد..سعيدة بمتابعتك ...

الامورة..دموع الغربة...استعدي رح تكوني وراه

[أم الوليد]

طيب نظرا لانو مابدنا ناخر الموضوع وبدنا يضل عطول شغال( ضيفتي دموع الغربة واشواق العودة) وليجي حفيظ برجع استضيفو تاني...ادارة بليز غيرو الاسم(ريحو حالكو وخلونا نغير احنا والله بنعرف)

[قسامي غزة]

تم

[PaLeSt!Ne SouL]

مشكورة اجمل إحساس على إجاباتك

و إن شا الله بتكوني انشط حتى نتعرف عليكي أكتر^^

بانتظار دموع العودة

[limar]

وردتين :
المشرفة ليمار >>> limar .. لأنها (غلطت بحقي بلا طولت حكي) هي بتعرف .............. الله يسامحها :

شكرا محمد على الوردة
انتا عارف اني انزلمت سواء كان الموضوع مزبوط او لاء
وحئي وما غلطت بحئك ,,, الغلط كان بحئي انا وما عرفت السبب مين
الله يسامح الجميع
وبتضل اخ بحترمو متل ما بحترم الجميع هون

[أم الوليد]

ممممممممم....بانتظار دموع الغربة...الله لايجيب زعل يااااااااارب

[أم الوليد]

هون عالسريع بانتظارك يلا حبيبتي

[دموع الغربة واشواق العودة]

اهلا وسهلا فيك...ضيفي العزيز..وعلى بركة الله نبدأ...
اهلين ملوكة

* من متى انت عنا هون؟؟؟
تقريبا سنة وكم شهر

* كم نسبة رضاك عن المنتدى بشكل عام؟؟؟
50% مع انو هالنسبة بتتغير من وقت لوقت

* بتتمنى يكون لون ستايل المنتدى.........
بصراحة لونو الحالي عاجبني ..مع اني بحب الاسود وارمادي والخضر
بس مابيليقو لمنتدانا

* تقسيمة المنتدى بأفرعها محتاجة تعديل او إعادة تسمية برايك؟؟؟؟
بالنسبة للاسماء كتير رائعة ..اما اللاقسام بعتقد انها لازم تقل شوي لانو صايرة عم اضيع بينهم ..وفي اقسام كتير مالها لزمة والمواضيع والمشاركات قليلة ..
وبنحط بدالها اقسام جديدة ممكن نستفيد منها

* صار ابل واجهت مشكلة مع مشرف أو الإدارة!!! وليش!!!
كمشكلة بمعنى الكلمة لا بس صارت حزازيات بيني وبين كم عضو
زماااااان الله يسهل عليهم

* قرارات الإدارة بتشوفها...(تعسفية غير قابلة للنقاش/ مرنة )؟
يعني على حسب في قرارات بينزلوها ..ممنوع احد يجادل او يناقش ..
قرار واتخذتو الادارة واحنا علينا ننفذ...في قرارات لا العكس تماما
مع اني مش فاهمة شو هي تعسيفة

* شي بتتمنى وجودو بالمنتدى!!!
زماان حكينا للادارة تلغي قسم من الاقسام الي مالها فايدة
وتحطلنا قسم جديد وحكينالهم التفاصيل بس ماقبلو ..

* كيف برأيك الإدارة تقدر الأعضاء وجهودهم!!!1
بعتقد انو ممكن على حسب آرائهم وشخصيتهم وافكارهم واهدافهم ..
يعني زيك ملوك
مش ع كترة المواضيع او المشاركات او الردود

* أفضل قسم عندك؟؟
كان ولا زال جلسة نقاش وكراكيب

* بس تفوت المنتدى شو بلفت نظرك أكتر(العنوان /كاتب الموضوع)؟
يعني على حسب ..ازا كان كاتب الموضوع بتشدني مواضيعو واسلوبو الرائع بالكتابة والتعبير عن القضية او المشكلة الي بيحكي فيها ..
واحيانا الموضوع بيكون ملفت ..مستفز احيانا ..ورائع احيانا وغريب احيانا ..

* أبيض x أسود:

- نقطتين بتميز فيها المنتدى وعاجبينك: (الأبيض)
1: طبعا انو منتدى اسلامي وفيه حدود ورقابة للجميع ...
وقائم ع الاحترام ..
2: استجابنهم لبعض طلباتنا ..وليس الكل
- نقطتين ..مش عاجبينك ومتدايئ منهم :(أسود)
1: مجاملة كتير من الاعضاء لبعض وهادا يقلل من صحة تقيمنا لانفسنا ..او احيانا ..البعض بيقول الصراحة اكتر من الازم ..
2:عصبية بعض الاعضاء وعدم تفهمهم وجهات نظر الاخرين ..وبعض التصرفات الغير لائقة بنا كمنتدى مسلم

* معك وردتين:
الأولى...مشرف أو مشرفة...وليش!!
طبعا كانو معاي 4 وردات معلش ملك انا طماعة شوي ..
مشرف: اخونا ابو يقين
ومشرفة : حورية فلسطين
وهما التنين ساعدوني لما كنت عضوة جديدة ع التأقلم بالمنتدى
وفهمو وفهم اعضائو وسياستو منيح

التانية...لعضو أو عضوة....وليش!!!
الاولى اكيد ملك ..اولا لانها تزكرتني هون ^.^..تاني اشي لنشاطها
وحويتها هي وامجد بالمنتدى وبيستحقو باآآآآقة ورد

* هل سبق مرة وفتت تفاجأت بموضوع معين وأسعدك أو دايئك!!!وشوكان؟؟وليش!!!
بالنسبة للمواضيع الي تفاجئت فيها واسعدتني كتيييير من زمان
بس في ردود ادايقت منها كتير

* هل صار وموضوع قرأتو هون غيرك أو ترك في نفسك أثر!!!
اه موضوع قبل كم يوم وترك اثر كتيييير

* تغير شي من شخصيتك من وئت فت المنتدى!!!
يعني مش كتير اشياء ..بس سرت اعرف احكي واناقش ..واعبر عن وجهه نظري
وسرت افهم وطني اكتر وافهم مشكلات المجتمع ..

* اعطي لنفسك كعضو تقييم من %
40%

* بتشوف انو الادارة بتاخد اقتراحتنا على محمل الجد!!!
حاليا مش كلها ..يعني كل واحد الو وجهه نظرو

* حسيت مرة انو بدك تترك المنتدى!!!وليش!!!
بصراحة اه حسيت وكتير كمان ..بس شو اساوي مابقدر ع فراقكو انا
تركت المنتدى كم مرة بس فترة مؤقتة وكنت ارجع ..فترة راحة.. بس افكر
اني اتركو للابد لا مستحييييل

* كلمة صغيرة منك ...لملك!!!
شوووو بدي احكي لاحكي ..ماشاء الله عليها ملك ..شعلة نشاط ..
الله يحميها

* ابل مانودعك...بدنا سر صغير ....اول مرة تعلن عنو هون بالمنتدى بخصك....
دورت ع سر زغير مالقيت بس في سر كبير ..بس ماتحكو لحدا ..
في اكتر من انسانة بحياتي ..واكتر من انسان بحياتي ..
سألوني سؤال عجييييييب وهالسؤال خلاني اكره حالي ..
ليش انتي متكبرة ...
انتو شو رايكو انا متكبرة ..


* كنت ضيف عزيز علينا....وشكرا الك عصراحتك...وقبولك دعوتي في خاااااااص مع ملك...

ملوكتي حياتي انا الله يسعدك ويخليلنا اياكي عن جد فرحتيني باستضافتي
عندك اليوم ..
استضافة رائعة وممتعة ..يارب اكون خفيفة وما ازعل حدا ..
..^.^..