طفولة عضو من منتديات شباب فلسطين ~{دمع المطر }

[PaLeSt!Ne SouL]

هلا أم الوليد
نورتي ^^

مبين عليكي غلباوية لهلأ

الله يخليكي لأهلك و يضلهم مدللينك


بانتظار أمجد

بس الله يستر يكون فيها سجن طفولته ؟؟

[*أحلى رتآآج*]

حلوة كتييييير طفولتك أم وليد..~

بانتظار أمجد..~

[PaLeStiNe FlOwEr]

هلا ملك

غسيل معدة مرة وحدة بس كويس ما رحتوا ع مستشفى المجانين بدل الألعاب

يا عيني ع الدلال

بانتظار أمجد

[أم الوليد]

دمعة...شواعمل هيك طبيعتي!!!تحملوني بالله!
أحلى رتاجو...تحلى دنياكي حبيبتي..
بلاستين فلور..شفتي بالله!!!بنات اخر زمن!!

أمجد..تتلخص طفولتو..بانو مجرم خليلي..كرنبي..مستبد...متنمر...ظالم. ..حافي القدمين...وبس !!!واهم صفة عندو انو بعشق الاستفزاز !!!وخصوصا الي مش عارفة حد موصيه علي!!!

[هادي]

موضوع روعه .. يسلمو ..
ورح أجاوب بس بدون تفاصيل كتير ..

والاسئلة هي:-



1-اوصف لنا طفولتك(بالتفصيل)؟
أصغر واحد بالعيله ..إللي أخين وأُخت .. طفولتي (لا بتنحكى ولا بتنشكى)، كنت خجول كتير وشئي كتير .. يعني إللي بشوفني بيحكي عائل وأنا هوايتي (أخرب أي شي) نص طفولتي بمدينة أبها يالسعوديه والنص التاني بمدينة الخليل، وكلامك صح دمعة أسى انسجنت سنه وعمري 14 سنه. ولأني آخر العنؤود كنت مدلل، (بس كنت أشعر كل العيله بتستغلني ..روح تعال .. جيب ودي) ..


2-هل تتمنى ان تعود طفلا؟ولماذا؟
بصراحه لأ .. من غير ليه..


3-هل كنت طفلا مدللا؟
آه .. كنت .. لعند ما طلعنا في معسكر تدريب للأشبال في مدينة الخرج لمدة ثلاث شهور .. ضاع كل الدلال ..


4-هل ممرت بصعوبات خلال فترة طفولتك؟
كتييييييير


5-هل كنت طفلا هادئا ام خجولا ام مشاغبا؟
أُدام الناس عائل .. بس جداً مشاغب..


6-اذكر لنا حادثا مر بك خلال طفولتك ولم تنساه للان؟
لما أجو اليهود يعتقلوني من بيتنا (الساعة1 صباحاً أول يوم العيد)


7-اين كنت تقضي معضم وقتك؟
كنت أحب أستكشف البيوت المهجوره .. وأكيد متابعة الرسوم .. صيد السمك بكيس البصل وصيد العقارب بالمغيطه


8-لعبتك المفضلة؟
بيرم، منوبولي، غميضه، فطبول ..


9-هل كنت طفلا اجتماعيا ام انطوائي ولا تحب اللعب والمخالطة؟
بتئدري تحكي كان عندي انفصام يعني هيك وهيك ..


10-لديك اصحاب من الطفولة؟وهل بقيت معهم ام باعدتكم الاقدار؟
عندي لهلأ أصحاب طفوله وكمان في باعدتنا الأقدار


11-هل كنت تحب افلام الكارتون؟وما هو كارتونك المفضل؟
طبعاً .. وخاصة عدنان ولينا .. لليوم لو شفتها بتابعها .. وبل وسباستيان كمان


12-كيف كانت علاقتك باخوانك واخواتك؟
يعني بنختلف وبنتصالح .. بس علاقتي باختي كانت مميزه.


13-ما هو اصعب موقف حدث لك في طفولتك ولم تستطع نسيانه؟
وفاة ستي (يعني جدتي) كنت جنبها لما ماتت .. الله يرحمها (الفاتحة)


14-هل هناك انسان معين غرت منه في طفولتك..ولماذا؟
لا .. ما بتزكر ..


15-صف لنا موقفك اول يوم دخولك للمدرسة؟
هربت .. (مش بسبب المدرسة) بس لأنهم لبسوني ثوب .. هيك بالسعوديه ..


16-شيء كنت تتمناه بطفولتك ولم تحصل عليه؟
أركب في القطار الحئيئي مش إللي بالملاهي .. لليوم ما ركبتو..


17-حلم الطفولة ما هو؟ وهل حققته؟
تحقق .. عصابه وأنا رئيسها ..


18-ما هي الكلمات التي كنت ترددها في طفولتك؟
.. النشيد الوطني السعودي !!!!



19-هل كنت مطيع لوالديك؟
تقريباً لأ ..



وبعد انتهاء كل عضو يقوم بأختيار عضو ثاني
بختار
شهيد غزه


[/b][/size][/QUOTE]

[أم الوليد]

مش معقوووووووووووووووووووووول!!!كنت طفل عادي متلنا!!!طب ليش صرت هيك!!!عكبر!!!(بمزح معك مش تحرد ) هلا احنا شركاء وممنوع الزعل...

[PaLeSt!Ne SouL]

6-اذكر لنا حادثا مر بك خلال طفولتك ولم تنساه للان؟
لما أجو اليهود يعتقلوني من بيتنا (الساعة1 صباحاً أول يوم العيد)

ع فكرة مواهبك غريبة صيد السمك بكيس بصل



شرفنا وجودك هون و ان شا الله بيكون الجاي أحسن

[هادي]

المشاركة الأصلية كتبت بواسطة أم الوليد مش معقوووووووووووووووووووووول!!!كنت طفل عادي متلنا!!!طب ليش صرت هيك!!!عكبر!!!(بمزح معك مش تحرد ) هلا احنا شركاء وممنوع الزعل...

آهه .. على أساس أنا إللي بزعل كتير ...




اللهم عافينا ولا تبتلينا .. يا رب ..

[أم الوليد]

المشاركة الأصلية كتبت بواسطة AMJAD آهه .. على أساس أنا إللي بزعل كتير ...




اللهم عافينا ولا تبتلينا .. يا رب ..

يقطع شررررررررررررررررررك...ضحكتني مع انو كنت منكدة...لميت المكتب عضحكتي..

[هادي]

المشاركة الأصلية كتبت بواسطة دمعة أسى




ع فكرة مواهبك غريبة صيد السمك بكيس بصل



شرفنا وجودك هون و ان شا الله بيكون الجاي أحسن

.. ولا غريبه ولا شي .. وأحسن من السناره .. بتجيبي كيس بصل (إللي بيكون زي الشبك) وبتحطي خشبتين بشكلx وبتربطيهم بخيط وبترمي الكيس في المي بعد ما تحطي فيه خبز .. (ورح تصيدي كل شي ما عدا السمك)


ودائماً الجاي أحسن إن شاء الله