شباب فلسطين

.. ليآل ~ · 12-23-2009, 05:22 PM

شوفو ،،أنا كتبت اسمائكم عندي على ورئه

ومابتوقع اني نسيت حدا

وازا نسيت بدكم ما تأخزوني

ماشاء الله عنكم كتار

::

شغله تانيه مشان ماتحكوا ليال ماحكت

راح احكي عنكم متل ما انا بشوفكم ،، وكيف ما بحس فيكم

وكل واحد ونصيبو ،، يعني في اعضاء احتكيت فيهم منيح

وفي اعضاء من بعيد لبعيد ،، وفي اعضاء ماصحلي اعرفهم

::

هلا راح بلش مع الاموره PaLeStiNe FlOwEr

لأنو هي الي جربت تحزر العدد وهي كمان الي عرفت جواب الحزوره

::

PaLeStiNe FlOwEr

صبيه اموره ،، انضمت النا بشهر رمضان

وكانت من ضمن الأشخاص الي حفظوا سوره السيده مريم معي

كنت كتير سعيده بوجودها

بحسها رئيئه وناعمه كتير

وغير هيك اجتماعيه وبتحب الناس

فاتت بالجو تبعنا بسرعه

الله يوفئها ويسعدها يارب

شوفو ،،أنا كتبت اسمائكم عندي على ورئه ومابتوقع اني نسيت

زيتونه فلسطين

هالبنت بتجنن ،، عفويه وبريئه بشكل مش طبيعي

لما عرفت انها بالثانوي انصدمت

زغنونه هيك وعلى طبيعتها كتير

بحسها هتل الأطفال

هي بتعرف ئديش انا بحبها

الله يوفئك يازيتونه ويسعدك

وتضلك هيك مصدر للإبتسامه عطول

شوفو ،،أنا كتبت اسمائكم عندي على ورئه ومابتوقع اني نسيت

دموع الغربه وأشواق العودة

ما احتكيت فيها كتير

بس شخصيتها كتير حلوة

واكتر شي بيميزها هي وطنيتها وحبها لفلسطين

بحسها عكس زيتونه مع انهم كتير رفئات

الله يوفئك ويسعدك

شوفو ،،أنا كتبت اسمائكم عندي على ورئه ومابتوقع اني نسيت

سنرجع ، خبرني العندليب متل ما انا بشوفكم ،، وكيف ما بحس فيكم وكل

.. ليآل ~ · 12-23-2009, 05:22 PM

الذين يشاهدون محتوى الموضوع الآن : 2 ( الأعضاء 2 والزوار 0)
‏ليـــــــــــــال, ‏عين فلسطين

هلا بالعسل كلو (:

.. ليآل ~ · 12-23-2009, 05:40 PM

الذين يشاهدون محتوى الموضوع الآن : 3 ( الأعضاء 3 والزوار 0)
‏ليـــــــــــــال, ‏:: غربة الروح ::,

أهلا ياعسل

صارلوا زمان هالئمر مابان (:

.. ليآل ~ · 12-23-2009, 06:29 PM

الذين يشاهدون محتوى الموضوع الآن : 5 ( الأعضاء 4 والزوار 1)
‏ليـــــــــــــال, ‏:: غربة الروح ::, ‏ايــاد, ‏عين فلسطين

منور أخي اياد (:

طولت الغيبه والله ):

.. ليآل ~ · 12-23-2009, 06:35 PM

[ شهيد غزة & ابويقين & يــآسين ]

يــآسين
انسان راقي ومحترم بمعنى الكلمه

وهو بيعرف رأيي فيه منيح

أكتر من مره حكتلو بحسك اكبر من عمرك

خصوصاً لما كان اسمو ابو خالد

انصدمت صراحه بس عرفت انو بالمدرسه

ماشاء الله عنو

بيخلي الي ئدامو يحترمو غصبن عليه

مزوء ومحترم وصاحب واجب ومتعاون كتير

هلأ حسيتو صار مرن اكتر من اول

وبلش يعطي عمرو منيح

الله يحميك ياياسين ويخليك لاهلك

وعئبال ماتصير ابو خالد عن جد

شهيد غزة
بإختصار مبدع !

ماشاء الله عليه

راكز وواعي وسابق سنو بمراحل

وغير هيك مثقف

اثبت وجودو بفتره كتير بسيطه ،، وتاقلم مع المنتدى بسرعه وكانو من سنين موجود فيه

يمكن يكون شهيد من النوع العصبي شوي

بس ماشاء الله عنو ،، الله يحميك لأهلك وتضلك منورنا عطول

ابو يقين
ابو يقين بحسو كتير طيب ومزوء

مابئصر مع حدا وصاحب نخوة

بيعامل كل الاعضاء بشكل كتير منيح

ولهيك هو عضو محبوب

هلا مئلل وجودو كتير عن اول

الله يحميك ويسعدك ويفرحنا فيك

هدول التلاته بالزات انا بحسهم بالفعل متل اخواني الزغار

وبحسهم بيحترموني كتير

وعلاقتهم مع بعض بتجنن

الله يخليهم لبعض يارب

.. ليآل ~ · 12-23-2009, 06:38 PM

{صدى الحب & دموع الحنين }

من احلى الصبايا بالمنتدى

أخلائهم عاليه كتير

ومن البنات الي كانوا موجودين بأول فتره تسجيلي

المواضيع الي كانوا يحطوها كانت تشدني كتير

بحسهم ناعمات كتير ومواضيعهم كتير مميزة

طلتهم صارت ئليله بالمنتدى

الله يرجعهم بالسلامه

ويسعدهم يارب

.. ليآل ~ · 12-23-2009, 06:43 PM

الطــآلب المجتهد

من احلى الأعضاء الي مرأو بشباب فلسطين

صبي زغنون وطيب ومتعاون كتير

بسو كتير برئ ولسه الدنيا ما وسخت ئلبو

انا بسميه فاكهه المنتدى

بس للأسف اختفى فجأه

وهالشي كان طبيعي

لانو كتير اعضاء كانو للأسف يتمسخروا عليه

هالشي كتير كان يدايئني

الله يسهل عليه ويسعدو يارب

.. ليآل ~ · 12-23-2009, 06:50 PM

محمود
مديرنا

اول ماسجلت كان محمود عطول موجود

يرد على الأعضاء ويرحب فيهم

بس هلأ للأسف مختفي

بحسو عصبي شوي وبدو شويه مرونه بالتعامل

يمكن بيستخدم سلطته في فرض رأيو

لكن بنفس الوئت واعي وحازم وهالشي مطلوب

دموع الرحيل
انسانه واعيه وراقيه كتير

يمكن احياناً بتضطر تكون جامده وعصبيه

بس المسؤوليه الي عليها مش هينه

وهي اكتر وحده بتنفع لهالمسؤوليه

اول وحده اهدتني توقيع هي دموع الرحيل

كانت لفته بارعه منها

واثرت فيني كتير

الله يحميها ويوفئها ونشوفها احلى عروس

اسراء الفلسطينيه
راقيه كتير ،، هيك بحسها

وكلاس بالتعامل مع الكل

رئيئه وناعمه وحبوبه كتير

متل الفراشه بتعمل كل شي حلو لكن بهدوء

وجودها كتير مهم وبيحلي المنتدى

الله يوفئك ياروءه ويهون عليكم الغربه يارب

القلب الطيب
بستغرب كيف اول انطباع بياخدوه الناس عنو انو هو انسان مغرور

انا من اول ماعرفتو حسيت انو اسم على مسمى

بالفعل كتير طيب وتعاملو ولا اروع

متعاون واجتماعي وبسيط وعلى طبيعتو

منوفتره خطب اخونا القلب الطيب

الله يجعل التمام على خير ويباركلك يارب

.. ليآل ~ · 12-23-2009, 06:55 PM

عيـــن فلسطيــن
من البنات الغالين على ئلبي كتير كتير

يمكن انا مئصره معها

بس والله غلاوتها بالئلب وهي بتعرف

يالله هالبنت ما اطيبها

الحكي معها بريح

والواحد بيتعود عليها بسهوله

تلقائيه وصريحه

بحبك ياعسل

أحلى سيرين

بنوته هاديه ورئيئه

فجأه بتغيب وفجأه بتبين

حتى انا مش عارفه اتلايم عليها

وماصار فرصه وعرفتها منيح

بتزكر مره وحده حكينا سوا

بس كتير مهضومه

الله يوفئها يارب ويسعدها مطرح ماتكون

.. ليآل ~ · 12-23-2009, 07:01 PM

[ ايـــآد & أسمراني ]

أيــآد
بتصور خساره كبيره انو ماعاد يبين متل اول

لانو من اروع اعضاء المنتدى

انسان طيب وراقي بتعاملو

بحس عندو حزن ،، بس متعايش معو بشكل كبير وئادر يسيطر عليه

انسان طموح ومثابر

وبيحب يكون ناجح

بحسو بيعمل كل شي بمنتهى الاتقان

وكتير بيهتم لمشاعر الناس ،، ومابحب يزعل حدا

وحساس لدرجه كبير

كتير كنت انبسط بوجودو بمواضيعي

لأني كنت احس انو مابطيئني

بتمنى يرجع متل اول

ومايعود يغيب علينا

أسمرني
جنتل ، راقي ، مزوء ، دمو خفيف ،، والقائمه تطول

بحسو عطول رايئ ،، ومابيستفز بسهوله

ومالو بالمشاكل والاخد والعطا

وحتى ازا حب يعطي رأيو بيعطيه بمنتهى الاختصار

شخصيتو كتير حلوة ،، وعندو كاريزما

ومواضيعو بتجنن

صارلوا فتره طويله غايب ومابنعرف عنو شي

الله يجعله بخير ويرجعوا بالسلامه

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء