ما معنى الايجابية ؟؟

[السيف عدي]

الايجابية صفة مطلوبة في الشخص .. في سلوكة ضمن المجتمع ..


وتأتي الايجابية عكس السلبية .. والسلوك السلبي ..


كيف نكون ايجابين مع غيرنا ؟ ..


وما ايجابيات تلك الصفة وما سلبياتها ؟


وهل من الممكن ان يستغلها الاخرون ؟

[قاهر الصعاب]

[limar]

كيف نكون ايجابين مع غيرنا ؟ ..
اول شي بعتئد هو طريقة تعاملنا مع غيرنا
وهالشي بيصير ازا كنا من الاساس ايجابيين بحق حالنا
لازم نهتم براي الناس مو بس كاول مرة
كتير ناس منتعرف عليهم منحس انهم راقيين بس بعد كزا لقاء بينعكس هالشي
الرقي بالحكي والاستماع الجيد والتفهم ومحاولة المساعدة بلي منئدر عليه بادي للايجابية
في انواه كمان بعتئد
ايجابية بحياتنا
باعتنائنا بانفسنا وبصحتنا
بعملنا
بادائنا لفرائضنا
برأي كلو بيندرج تحت شي واحد وهو نفسيتنا واخلاقنا


وما ايجابيات تلك الصفة وما سلبياتها ؟
ايجابياتها بتنعكس علينا ئبل ما تنعكس على راي الناس فينا
يعني لو كنا سلبيين بالتعامل راح انفر الناس من حوالينا
وازا كنا ايجابيين راح نحبب الناس فيننا واحنا بحاجة لهالشي
بفيد اكيد بشكل نفسي ومعنوي



وهل من الممكن ان يستغلها الاخرون ؟
اه في ناس ايجابيين براي لدرجة السذاجة
ما بعرف مرة توجهتلي هالجملة بالزبط هيك
واقتنعت فيها بالفعل
شخص مرة حكالي ياها انتي ايجابية لدرجة السذاجة
ايجابية بحق الناس لدرجة انعكست على سلبية بحق حالك
كان اصدو يوصلي انو ازا كان بدنا نكون ايجابيين فهالشي لحالنا ئبل ما يكون لغيرنا
يعني منحب نكون بصورة افضل ومنحب نكون راقيين النا مو لغيرنا
ما بصير نخلي هالشي ياسر علينا ويخلي الناس تستغل ايجابيتنا لحد ما نصير ساذجين
بالفعل راح يصير شي متضاد
ايجابية مع الاخرين لدرجة سلبية مع انفسنا
بتوصل للاستغلال


مشكور حسام عالموضوع
يعطيك العافية

[اجمل احساس]

المشاركة الأصلية كتبت بواسطة السيف عدي الايجابية صفة مطلوبة في الشخص .. في سلوكة ضمن المجتمع ..
اكيد لانو لو كان الشخص سلبي في تصرفاتو رح يصفى لحالو بدون حتى اهلو

وتأتي الايجابية عكس السلبية .. والسلوك السلبي ..


كيف نكون ايجابين مع غيرنا ؟ ..
الايجابية بتكون من ادق الاشياء بتنفهم يعني من مجرد ابتسامة لشخص او نظرة معينة مثلا
ومن خلال الحكي كمان يعني الحكي من ناحية اذا كان حكي في وراه مصلحة او تورية لشغلة معينة هاي بتكون شغلات سلبية
ايلي بدي اوصلو انو الايجابية برأيي بتكون بالتصرفات المعنوية والتصرفات المادية المحسوسة بتدخل بكل شي.

وما ايجابيات تلك الصفة وما سلبياتها ؟

الايجابيات انو بناخد محبة الغير بدون مصالح وبنكسب رضا ربنا وبنكون متصالحين مع نفسنا
السلبيات انو بعض الناس بيفهمو هاي الشغلات بشكل خاطئ وبيفسروها ضعف شخصية او هبل مثلا
وهل من الممكن ان يستغلها الاخرون ؟

طبعا ممكن بس مش معناها انو الشخص يكون ايجابي يعني يكون غبي !
ايجابي لكن حقو ما يضيع ( عم احكي حقو ما يضيع مو يكون الو مصلحة !) يارب تكون فكرتي وصلت

يعطيك العافية حسام