| الإهداءات |
|
|||||||
|
|
أدوات الموضوع | انواع عرض الموضوع |
12-10-2009, 11:00 PM
|
#11 | ||||
|
{ مُنايَ الــ جَ ــنّةَ ●•
قوة السمعة: 197
 |
رد: طفولة عضو من منتديات شباب فلسطين ~{ دمعة أســى}
بسم الله الرحمن الرحيم
السلام عليكم و رحمة الله و بركاته عدنا بعد الفاصل ...  13-ما هو اصعب موقف حدث لك في طفولتك ولم تستطع نسيانه؟ ذكرت قبل ليلة سجن بابا و وفاة أختي و برضولما توفي جدي أول مرة بحياتي اشوف حد ميت عن قرب لهالدرجة  و المهم ما كانوا قايلين إنو ميت قالوا تعبان كتير و بس  و الله كتير مواقف امم كمان واحد بأول الإنتفاضة كانوا اليهود كتير يجتاحوا و أنا بصراحة أخاف و بنكون كل العيلة عمامي و ولادهم في بيت ستي الطابق الأرضي و أنا لما أسمع صوت الجيب أو الدبابة اقول متنا و أصير أصرخ مرة كنا البنات نايمين بغرفة بطل ع الشارع و أنا صرت أقول أكيد خلونا ننام هون لأنو هيك أقرب ع الدبابة رحت نمت عند عمامي من الخوف و كانت غرفتهم أبعد بس الحلو كأنوا في شي حلو  لما يخلص الإجتياح نتسابق على السطح مين يلم رصاص " فشك" أكتر 14-هل هناك انسان معين غرت منه في طفولتك..ولماذا؟ ابن عمي كان ياخد مصروف أكتر منا شي مو مستاهل هلأ بس و أنا صغيرة كنت أحسب لهالشي حساب  15-صف لنا موقفك اول يوم دخولك للمدرسة؟ ما تزكروني الله يرضى عنكم هاد أنا بحب المدرسة و انبسطتت تعرفت على بنات صح كانوا قويات بس يالله أحسن من بلاش و طبعا المعلمة مبسوطة عليا مو تقولوا من شطارتي و لا ذكائي لا و الله لأنو بابا مدرس بالمدرسة اللي جنبنا و بتعرف إني بنته المهم هاد باول فسحة لي بأول يوم مدرسة رن جرس الطابور قبل ما ندخل الصفوف و لا هي و حدة طويلة عريضة جاي من وراي زي الصاروخ بدها توقف أول وحدة وقعت وعلى حفة الباطون و راسي انفتح مو انجرح و الأستاز صاحب بابا أخدني عالمشفى و تعرزت و وصلني عالبيت شايفين الله بحبني ما احتجت أهرب الله بيفرج و إجى المسا يطمن عليا طبعا أنا حبيت المدرسة اول 3 حصص بس بعدين زي العمى صارت  16-شيء كنت تتمناه بطفولتك ولم تحصل عليه؟ تمنيت يكون عندي بسكليت ما تضحكوا علي 17-حلم الطفولة ما هو؟ وهل حققته؟ كان حلمي اصير رائدة فضاء و شايفة تحقق حلمي قاعدة بحكي معك من كوكب المشترى و بعد شوي بدي أروح اتمشى ع المريخ و كان نفسي أركب ع حمار و لا حصان حققته و أنا بالثانوية ركبت على كارة  بس و اله كنت خايفة و مستحية 18-ما هي الكلمات التي كنت ترددها في طفولتك؟ ههههه نامي قومي هاد بابا بيحب ينيم حد جنبه منا و إحنا صغار و حتى إخواتي اللي صغار هلا فلما أشوفوا نام اقله قومي يقله شو بدك أقله نامي و ع الحال طول الليل 19-هل كنت مطيع لوالديك؟ أنا بصراحة بدك الحق و لا ابن عمه أنا كنت مطيعة بس مش جدا أحيانا كنت أعمل أشياء و ما كنت افكر إنها رح تعصبهم فآكل قتلة على كيف كيفك اتزكرت شي و حبيت أقلكم اياه هاد يا إخواتي و أخواتي إحنا التلاتة الكبار مو الأربعة بنتزكر إنو بابا ربطنا بيوم من أيام الشتا بعواميد الباطون اللي بالسطح و لما كبرنا سألناه ليش هيك عملت فينا أنكر هذه الجريمة لكن مصادر سرية روت إلنا القصة إنو غلبنا ماما و طلبت من بابا يريحها منا قام بابا ربطنا بالعواميد و طلع مشوار لما رجع و بعد ما ارتاح ماما بتقله شو وين الولاد شوفهم عند دار عمهم هون بابا صار شكله زي هالأيقونة نسي اللي عمله فينا و قاعد بيرتاح المهم و هو عم يربط فينا كنا نتأسف و نتوسل و نبكي و نتباكى دون فايدة و لما اجى يفكنا صار هو اللي يتأسف  المهم أكيد بتسالو شو اللي عملناه حتى نتعاقب هيك اللي ما سأل ما يقرأ الجواب  كانت ماما صار لها اسبوع والدة أخونا الرابع و نحنا بشطارتنا وقعنا الدفاية قريب منه قريب كتير على رواية المصادر الخاصة قولتكم بنستاهل  شكرا على الموضوع الحلو و على الإختيار طلعت رغاية  راجعة بالإختيار |
||||
|
|||||
| اقتباس المشاركة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض الشجري