هلا صار لازم اودعكم..

[أم الوليد]

مش عاااااااااااااااااااااااااااارفة ....يعني كلكم اجت فترة وكنتو متدايئين من المنتدى!!!!

طبيعي هالاحساس!!!!

انا من فتنرة مش مرتاحة هون...ومابدي زعل حد واحكي!!!!

طبيعتي هيك...مابعرف اخبي شو بالبي!!!!

ولو حكيت كنت حزعل ناس مني!!!!


متأكدين انو عادي هيك حس!!!!


مابعرف شو احكيلكم انا جد بحبكم كتير...بس مابدي بيوم احكي لحد شي يزعلو !!!!

يمكن لهيك رح يقتصر وجودي...عردود الكم فقط..اما طرح جديد ماظن!!!

واعدت مع حالي طول مبارح...فرحت بردودكم الي هلا بس شفتها...بس مش عارفة ...

كتير بكون بدي احكي لفلانة دايئتني بهيك كلمة ...او بهيك تعليق...لانو مابعرف اخليها جواتي...

تعودت احكي شو بحس صح او غلط مش مهم...مهم ماخلي بالبي شي عحد...

بتمنى تكونو فهمتو علي ...ورح حاول اعد ملك اعدة تانية تصفي فيها نفسها...وترجع متل ماكانت...شكرا

الكم كلكم كل حد باسمو...صدقا انا بعد معكم هون اكتر من الوئت الي بعدو مع اهلي وصحابي...وانا هون

معكم متل ماانا باي مكان...هيك طبيعتي...بحبكم كتير

ماكنت بعرف انو في حد بحب ملك هيك

[أم الوليد]

المشاركة الأصلية كتبت بواسطة قسامي غزة ليش هيك يا ملك
انا والله اكره ما عليه انوا عضو يدخل بينا ونحبوا ويحبنا
وييجي بعد فترة يقدم استقالتوا
بجد شي صعب جدا
وانا والله حاسس الي فترة انك مو طبيعية يا ملك
حاسس في شي غلط
نشاطك مش ملك الي فاتت اول
ما بعرف اسبابك للخروج
بس اذا شي مضايقك ممكن يتصلح
وفي النهاية القرار الاول والاخير الك

يعني برضيك نهاد...اختك حد يزعلها!!!!
واحساسك بمحلو من فترة مش مرتاحة

[أم الوليد]

المشاركة الأصلية كتبت بواسطة :: محمد ::


اعتقد انو هالكلام مو من قلبك

راجعي حالك ام الوليد ^^

سلام ،،

معناك لسه مابتعرف ملك منيح يامحمد...انا الي بالبي علساني..وكلمة راجعي حالك...خلتني راجعها فعلا...شكرا محمد...مع انو مااختلطت فيك كتير...بس شكرا

[أم الوليد]

المشاركة الأصلية كتبت بواسطة عين فلسطين لا ملوكة ليش هالحكي
صلي ع النبي
ما بدنا نخسرك والله

اللهم صلي وسلم على نبيك

حبيبتي كنت حاسة مخنوءة شوي

[أم الوليد]

المشاركة الأصلية كتبت بواسطة مآهينآز

لا يا ملك

مش مسموحلك تتركينا :(

يعنى بدك تمش وانتش زعلانة مننا

او تمشى واحنا زعلنين منك :(

::

ثُم انى عاوزة اقولك حاجة علشان متتفاجئيش

الموضوع ده مُخالف

لأنو ممنوع مواضيع الوداع ههههههههههه

يعنى هيتحذف ههههههههه

إحنا ما بنقبل تودعينا

لأنك مش هتتركينا

::

ملك حبيبتى ..’’

ما بنسماحلك تتركينا

ثُم تفتكرى انو عندك سبب مُبرر

لا يا ملك - لو مشيتى تبقى اخطئتِ بحقنا :(

لأنو ما فى سبب جدى عندك

::

أعقلى يلا يا بنت

والله العظيم زعلتينى :(

ماكنت بعرف انو ملك غالية عند ماهي هيك.. وانا بحبك كمان...بس يمكن مخنوءة شوي...وماكنت عارفة انو بتمر عليكم هيك اوقات من المنتدى متلي.. وهيني ياستي اعده عالبكم...بس يمكن كلامك اثر في كتير...لانك اكتر حد اهتم بالموضوع

[أم الوليد]

المشاركة الأصلية كتبت بواسطة عاشقة فلسطين.. انا قراري أعتقد ان يكون مثل ملك

حبيبتي انا تعلمت منك كتيير اشياء بتمنى ما تنسينا

لاحبيبتي شو تعملي متلي اياك..انا يمكن مخنوءة شوي...وشوفي هيني ماتحملت واجيت تاني...كان ماصار شي...

[أم الوليد]

المشاركة الأصلية كتبت بواسطة ليـــــــــــــال

ليش هيك ياملك

سدئيني حبيبتي كلنا بنمرء بأوئات بنحس فيها انو خلص لازم نترك المنتدى

بس ازا كل واحد بدو يترك ،، ماراح يضل حدا

وبعدين العتاب صابون القلوب

احكيلنا مين مزعلك ،، والك علينا انو نراضيكي

انتي عضوة مميزة واثبتي وجودك بفتره ئصيره

ومش سهل علينا نخسرك بسهوله

راجعي نفسك

وبتمنى يكون هالموضوع نتاج لحظه غضب مش اكتر

وازا كنتي عن جد خلص مش راح ترجعي فأنا بحكيلك ياريتك رحتي بدون صوت

متل هداك الموضوع الي رديتي عليه امبارح

هاد هو يالول...كنت مفكرة انو ماحد متدايئ متلي من هون...يمكن لانو ماحد عبر عن هيك...هو غضب وحزن وزعل من ناس ..المشكلة مابتعرفيهم ليزعلوكي!!فهمتي علي!!!مافي سبب انو حد يدايئك!!!

[أم الوليد]

المشاركة الأصلية كتبت بواسطة نسمة دفا لا مشان الله ،،

والله ما بحب هاد الكلام منك او من غيرك

يعني شو تتركينا ما تتركينا الله يخليكي لا تحكي هيك

:'(
وليش مش مرتاحة احكي واحنا رنعملكل اشي لنريحك يا عسل =(

بس لا تحكي وداع وما وداع =(

هو من ناحية متدايئة اه فعلا مخنوءة...بس مابنفع نحكي السبب ادام الناس...عيب علي بكون...شو يحكو الناس!!! مهما كان انتو بيتي ومابنفع خرب سمعتو هيك..

[أم الوليد]

المشاركة الأصلية كتبت بواسطة الحان الحرية ملك حبوبتي =(

المنتدى مجتمع و كل مجتمع الو مشاكلو ..

و هالمشاكل مش ممكن تنحل بالانسحاب ..!

و لو انتي متدايقة من شي فـ مش يعني انه خلص تتركينا كلنا =(

فكري مرة تانية حبوبتي =(

حكيك صح الانسحاب مش حل...بس كمان الاعده ونشيل بالبنا مش حل صح!!!

هاد الي فهمتو هلا انو غلط متلو متل اي محل بتواجهنا فيه مشاكل...انو تركو ونمشي هاد ضعف!!!

[أم الوليد]

المشاركة الأصلية كتبت بواسطة جورية القسام مستحيل اكون هيك من دونك .



مستحيل يكون الها .







ملوك . بدي احكيلك تجربتي .


الصراحة مرت عليه فترة ما حبيت المنتدى .


وكنت بدي اتركو . بس اتراجعت عن قراري . لانو كان سريع وخاطئ .


مستحيل يضل المنتدى حلو من دونك .

خليكِ بينّا دخيل الله .!


واحكيلنا شو اللي مزعلك . خلينا نتفاهم شوي .




لا تروحي . هاد رجائي لألك

حبيبتي انتي...والله انو حكيكم اثر في جدا...بس مش عارفة خلي بالبي عحد...وبنفس الوئت صعب نحكي هون وازعل حد مني... لهيك اجت لحظة حسيت فيها انو اترك واروح...بس حسيت بضعف هيك غلط...اما اتاقلم او اواجه المشكل مش اهرب منها... بحبك انا