هلا صار لازم اودعكم..

[لالا-فلسطين 48]

ملك يا ملك، لك والله اثرتي فيي كتير، عنجد شو صارلي انا لحتى هالقد متأثرة، اه والا يا عمي هاي ملك مش حيللا بتنشرب مع المية العكرة!!!!!!

يعني غير انو عنوان موضوعك بحزن بقترح عليكي تشغلي اغنية فيروز انا صار لازم ودعكم....

بس بيننا ملك، قد ما يكون السبب وقد ما تكوني مش طايقة المنتدى، اكيد اكيد رح ييجي اليوم اللي ترجعيلو ولو بتتابعي اخباره من بعيد لبعيد، هاد الوضع الطبيعي ازا متل ما بتحكي انو عنجد اثر فيكي وفي ناس كتار اتروا فيكي!

بس كمان في تناقض باللي عم بتحكيه واللي عم بتساويه: بتحكيلي اضل شطورة وبوصل للي بتمناه، طيب هياكي انت ليش استسلمت عند اول مفترق، ويا ستي خلينا نقول مش اول مفترق عاشر مفترق، فكرت بوسائل اللي تخليكي تاخدي حقك في هيك مفترقات، المفروض انو تتعايشي معها قد ما كان الوضع صعب، مش تنسحبي وتتنازلي!

انا بعرفك اقوى من هيك!!!!!

طب احكيلك شغلة:

علمتني الحياة شغلة وحدة انو طالما انك انت انسان من حقك انك تثبت وجودك وتفرض حالك كما انت بالضبط وان تعارك في سبيل ذلك (طبعا طالما انك مقتنع بما تفعل ولا تؤذي غيرك به)!!!!!!

ليش مين حكالك اني مش مستاءة من بعض الشغلات، بس لا انا هون لاواجه هاي الشغلات، فيا بقنعوني يا بقنعهم، فش هيك اترك حلقة فارغة لدي من شأنها ان تؤدي لخلل او فجوة معينة!


خليكي متل ما بعرفك، ملك الواقعية؟، اللي عايشة الواقع بملامحه وبتحاول ترسم وتطبع ملامحها من خلال ما يتماثل معها!

اكيد مش رح تفشليني، صح؟
انا بعرف!


تحياتي لالك..
لالا-فلسطين 48.