♪..مــــــآيــــك المــنــتــدى مـــع ~ شـهيـــد غ ـزة ~..♪

[.. ليآل ~]

نكمل


وراح أبلش معكم من طفولتي

بجد كانت مرحله أكتر من رائعه

براءه وطفوله ولعب ودلع ودلال وبس


::

وانا زغيره كنت مدللـه كتير ،، ولأني البنت الوحيده ،، كان في اهتمام خاص فيني

وبالزات من الغالي بابا الله يرحمو يارب

كنت بنت مدلعه وماينرفضلي طلب وماحدا يستجري يلمسني او يحكي معي كلمه هيك ولا هيك

كنت انفجر متل النافوره واصير ابكي

من الآخر كنت طمبيئه ومابنطائ على ئد ماكنت مدلعه وحساسه ، بشبه رغد الي بروايه انت لي

بتعرفوا شو كانت ماما تناديني



هئه ماحزرتوا !!






كانت تناديني قدس

لانو بجد كنت شي مقدس بالبيت عند بابا ،، كان يضرب اخواني كل علئه بسببي لحد مخلاهم متخيلين انو جوز امهم مش ابوهم


بس مع هيك كنت هاديه ومش شيطانه بالمره

دايما بغرفتي بين العابي ودباديبي وعم بلعب ،، او برسم وبلون

وضليت هيك طول عمري

لحد ماوصلت للمرحله الجامعيه ،، وهي الي غيرتني بشكل كبير

::

خلينا بالطفوله ،،

أخويا الي أكبر مني فات المدرسه ئبلي طبعاً

هادا شي بديهي {تشيـــس}

وبآخر السنه جاب شهادتو وطلع الأول على صفو

وصار بابا الله يرحمو يمدح فيه

على ئولت ،، انت شاطر ياعبدو ومافي منك ورفعت راسي وانت متفوق

انا والله اعلم دبت الغيره بئلبي

وانفجرت بالعياط ،، وعلى ئولت { أنا كمان مافوقه }

وضليت على هالحال يوم بحالو ،، واهلي بحاولوا يفهموا شو هالمافوقه الي بدي ياها،، وعبث

لحد بالأخر بعد ما اتنهنهت من العياط بابا بمحض الصدفه إكتشف انو أنا كمان متفــــوقـــــه
متل عبدو

كان عمري ايامها اربع سنين ،، والسنه الي بعدها فتت المدرسه وكنت عن جد مافوقه ،

ئصدي متفوقه





شو اعمل طيب !!

ماتحملت يمدح اخي ويطنشني ،، كنت ومازلت بغار عليه


BRB

[.. ليآل ~]

نسيت أحكيلكم انو من أهم عيوبي ،، اني مزاجيه بشكل كبير

لدرجه بتخليني أنا ادايئ من حالي

مزاجي بيتئلب بسرعه

بس بحاول ئد مافيني اسيطر على مزاجيتي واتركها تأثر علي لحالي وماتظهر لحدا

يعني ،، مجرد محاوله


كمان انا من النوع الي مابزعل بسرعه ،، وحتى لو زعلت ماببين اني زعلانه

بس ازا صار وزعلت

بيكون شي سيء كتير ،، صعب كتير أرجع ارضى







أحكيلكم عن أول يوم الي بالمدرسه

لبستني ماما المريول ،، كان لونوا رمادي فاتح

وحملتني هالشنطه كان مرسوم عليها باربي ولونها وردي

واعطتني مصروفي

ورحنا للمدرسه

شعور غريب اول يوم بالمدرسه ،، بتحس انك انتئلت من مكان ضيق لمكان واسع مليان ناس

وبعلمكم اول يوم بالمدرسه ،، وخصوصاً للصف الأول مابيكون فيه دراسه

بيكون كلو لعب وابسر شو مشان الزغار يحبوا المدرسه

المهم كانوا كل الإمهات وائفين وكل بنت متشعبطه بإمها وعم تبكي

الا انا ،، صحيح كنت لازئه بماما بس مابكيت بالمره

ئسمونا على الفصول وطلبوا من كل ام تحط بنتها بمكان ،، راحت ماما حطتني بأول طاوله الي جنب الباب عطول

وهون ،، صرت انا أأشر لماما انو تروح وتتركني ،، ماما كتير استغربت لانو كنت متعلئه بأهلي كتير

المس انتبهت وسألت ماما ،، شو بها بنتك ،، حكتلها انو بدها ياني روح واتركها

وبالفعل المس اقنعت ماما تروح طالما هاي رغبتي ،، ومابكيت بالمره

ومن يومها وانا بروح المدرسه لحالي

طبعا الحكي هادا انا متزكرتوا متل الحلم ،،، بس ماما الله يخليلي ياها زكرتني فيه بالتفصيل

بس الي أنا متزكرتوا منيح ،، اني كنت ازعه ،، ماكنت ارتفع عن الأرض بمقدار نص متر

كنت مفعوصه وزغيره وئصيره كتير

كان لازم أئعد بأول طاوله ،، وأوئف بأول صف بالطابور

،، وماعدا ذلك راح كون ظهور دون اتصــآل

على ئد ماكنت مفعوصه ،، كنت ما ائدر اركب الباص لحالي ينزل عمو خالد سواق الباص ويحملني

وكنت لما ارجع البيت ما ائدر ارن الجرس ،، كنت اروح عند عمو صلاح صاحب المطعم الي جنب بيتنا واناديه يرنلي الجرس

وآخر شي عملي بابا الله يرحمو جرس على مستوى ايدي ،، وصار عنا جرسين للبيت

وضليت هيك لحد آخر سنتين بالإبتدائي ،، بعدين حصلت المعجزة وطولت ومشي الحال







عفكره انا درست الابتدائي ،، واول سنه من المتوسط في مدينه الرياض وبعدين انتئلنا لمدينه جده

والسبب طبعاً ،، وفاه بابا الله يرحمو

ومافتت الروضه ،، المدرسه عطول ،، لانو اصلا حتى المدرسه فتتها وانا زغيره كان عمري خمس سنين










برب

[.. ليآل ~]

حبك وجع ،، بعدو معي

حبك حلم هربان

من ئلب ئلبي انسرق

وبكيت عغيابو

مطرح مكنا نحترق

صار الجمر بردان

والعطر عندو وفا

اكتر من صحابو

وحدي بدونك ما ئدرت

ما أصعب الحرمان

ترك الندم عندي

عيونك وغابو

مجروح ئلبي وصرخ

عم ينترك ندمان

محروم طعم الهنا بغياب احبابو

انت لمين !!

انت الي ،، ئلبي الك منو الي

انت ملك ئلبي هواك

يلي بحلاك عمري حلي

انت حبيبي وبالئلب

غيرك مافي انسان

مكتوب عمري الو

والعمر عحسابو

صارت حياتي انا

ئصه ئلب تعبان

وحدوا الحنين الي بئي

من كل اصحابو

[.. ليآل ~]

]!! ليــــــــآل !![

بين مــ<<ـع و ضــ>>ــد

أنا مع ::

الإســلآم

فلســـطين

الوفاء

الشرف

الحب

حريه التعبير

الســلام

التسامح

الرضا

المحاوله

الأمل

الهدوء

الصمت

النسيان

البدء من جديد

المطر

القمر

الرومانسيه

الألوآآن

الأطفال

الصدق

الإحترام

العفويه

الحريه

المرح

الألفه

:: وأنا ضد

خلافات فتح وحماس

مهاترات السنه والشيعه

الفرقه بين المسلمين

النميمه

افشاء السر

الكذب

النفاق

قله الذوق

التجاهل

سوء الإستماع

الإحباط

النكد

الإسراف

الغباء

التسرع

الحقد

الغرور

الكبرياء

السطحيه

العصبيه

التعصب

التفكير الجاهلي

ومزيد من هذا وذاك

[.. ليآل ~]

هيني رجعت أكمل

امبارح كنت فاضيه

ئعدت اكتب أسماء الأعضاء الي ناويه احكي عنهم بنهايه المايك

احزروا ئديش طلعوا

رقم خرافي

الي راح يحزروا راح احكي عنو اول شي

بس مو تحزروا هون

على الإهداءات بليز


برب

[.. ليآل ~]

مساء الخير عليكم

سامحوني طولت عليكم

شويه ظروف

//

في شي مهم كتير ،، مافيني أمسك المايك وما أحكيه

لأنو هو المؤثر الأكبر بحياتي




{ وفـــآه بابا }


هادا هو العنوان للي بدي أحكيه

وللي مابحبوا يوجعوا ئلبهم ما يقرأوا هادا الجزء بالمره


//


يمكن أول انطباع شكلتوه عني اني حزينه

مع اني بعمل جهدي انو هالإحساس وهالجانب من شخصيتي ما يظهر

بس سبحان الله الطبع بيغلب التطبع ،،

مابعرف من وين أبدأ

ومابدي أفوت بالتفاصيل

بس يمكن صار واضح الكم ئديش كنت حدا مهم بالنسبه لبابا

وئديش كان بابا الشطر الأهم بحياتي

ماكان الو هم غيري ،، اهم شي عندو انا ودراستي وصحتي وبعدين اخواني

الي كان يشوف ئديش بابا مرتبط فيني ،، ماكان يسدئ انو عندو ولاد غيري

بس يرجع من الدوام اول حدا يسأل عنو هو انا ،، مايعطي وجه الا الي

بابا الله يرحمو كان دكتور ،، وطبيعه حياتو بغزة خلتو انسان كتير جدي

خصوصا انو هو اكبر حدا بإخواتو وكان متحمل مسؤوليتهم

بس معي انا كان غير ،، كان يضحك ويلعب وينط ويجري وكل شي بتتخيلوه

كانت ماما تحكيلوا والله حرام عليك خربت البنت بدلالك الزايد الها

يحكيلها لأ ،، طول وانا عايش هالبنت بدها تضل تدلل ،، مابعرف بكره راح تكون من نصيب مين وكيف راح يعاملها ؟؟

11 سنه من عمري ئضيتهم جنب بابا ،، ئلال كتير ،، ماشبعت منو بالمره

ولا ئادره انساه واكمل حياتي عادي ،،

انا كنت طفله وكبرت فجأه بوفاه بابا

أيام الله يرحمو ماتوفى ،، ماكنت ئادره ابكي ولا اصرخ ولا اعمل شي ودخلت بحاله نفسيه صعبه

كنت طول الوئت ساكته ،، يمكن كنت اصغر من اني استوعب شو هو الموت

بلشت ابكي على وفاتو بعد شهر يمكن ،، وللآن ببكي

وبتمرء ايام ببكي بشكل هستيري ،، وكأنوا وصلني خبر وفاتو هلأ

أنا لحد هلأ والله مابئدر احكي [ بابا ] بصوت عالي ،، مابئدر بالمره

بتمنى احياناً انو يرجع يوم واحد

لأ ،، ليش يوم !!

ساعه وحده ،، ساعه احكيلوا فيها ئديش انا بحبو ومحتاجه الو ومشتائه

ئديش الحياه من غيرو صعبه

كيف كل شي اتغير بعد ماهو راح

احط راسي على صدروا واضل ابكي لحد مايبطل في بالدنيا دموع

بس آآآآخ


انا مابدي تفهموا من كلامي انو ماما واخواني مش مناح معي

بالعكس

عندي ام بتجنن الله يخليلي ياها ويكرمني برضاها ويئدرني اردلها شوي من الي عملتوا مشاني ومشان اخواني

وعندي اربع اخوة بيموتوا فيني ،، ومحتارين كيف يدللوني

وعندي عيله كبيره ،، كلهم بيعاملوني احسن معامله

بس انا مالي زنب ازا كانت روحي في بابا الله يرحمو







انا صرت اكره الموت ،، مابحب سيرتوا

ولابحب اسمع عنو ،، بعرف انو حق وانو كلنا بدنا نموت وماعندي مشكله اني انا شخصياً اموت

بس الموت اخد مني الناس الي بحبهم ،، حرمني منهم للأبد

فكره انو حدا بحبو يموت صارت ترعبني ،،

اني أتخيلهم مجرد عظام تحت التراب ،، مابئدر احكيلكم كيف بحس

كيف هيك ناس بنحبهم وعشنا معهم وحلمنا معهم ،، يختفوا

ولما يئولوا فلان الله يرحمو ،، نئول مين فلان

اووووووووووووف ،، بهالبساطه انتسوا

بجد الموت شي بشع ،، ابشع شي بالدنيا هو الموت

هو الألم الي بنوقف امامو عاجزين

مابنئدر نعمل شي ،، سوا الإستسلام


life is not fair


//


سامحوني على سمه هالبدن

انا حكتلكم من البدايه ما تقرأوا هادا الجزء

[.. ليآل ~]

يلي فارئت الدنيا كان بدري الوداع

وطلعت فوئ بعيد عن الزيف والخداع

واحشني ياطيب يا ارق من الملاك

فاكرك وفاكر ئد ايه اتهنيت معاك

وكنت اتمنى يكون عمري فداك

دلوئت بحلم بس اعيش لحزه معاك





يلي مشيت من غير ماحتى نئول سلام

حفضل على عهدك كأني معاك تمام

مين الي ئال البعد بينسي الحبايب

تعالى شوف حبي وشوف ئلبي الي دايب






مين بعد منك هيداويلي في يوم جروحي

مين الي في حضنوا الحنين حينسى روحي

مع السلامه ياحبيب ئلبي وسلام

ياريت تزورني كل ليله في المنام

[.. ليآل ~]

مممممم

مش عارفه شو أحكي كمان

أه ،، أنا بكره المئالب كتير

ومابحب حدا يعمل فيني مئلب بالمره

ومابحب حدا ينئزني ،، او يمسكني من خصري

بحس حالي كأني متكهربه

بمره من المرات كنت بالمطبخ بعمل فطيره تفاح

ومنسجمه وبغني ومعدله الـ g ومروئه الـ d

إجا واحد من إخواني وكان شاري ماسك سكريم ،، الفيلم المعروف



كان وائف عند الباب ولا حركه ،، ولا صوت ،، ولا همسه

وانا بس لفيت وش ناحيه الباب وشفتوا














طبعاً مش محتاج احكيلكم شو صار فيني

أصلا هادا الفيلم بالزات انا مابحبو ،، بينئزني

ابو يقين الله يسعدو كان حاطط الماسك صوره رمزيه وطلبت منو يغيرها

ههههههههه

انا مو كتير بحب الأفلام وخص نص الأجنبيه

مابحب اتابع افلام بالمره ،، نادراً بس اتابعلي فيلم

شوي وبرجعلكم بمئلب تاني صار فيني

[.. ليآل ~]

الذين يشاهدون محتوى الموضوع الآن : 2 ( الأعضاء 1 والزوار 1)
‏ليـــــــــــــال


هلا بالزوار (:

[.. ليآل ~]

معئول حئولك روح من غير ماكون مجروح ولا بائي على حاجه

لأ دنته مش عارف !!

معئول تسدئ ابيع من غير ما اتوه ولا أضيع

لأ دنته مش عارف!!

بعدك ححس بمين !

معئوله حب سنين ،، يخلص في غمضه عين !!

لالالا ،، لا والف لا دنا ئلبي بعد غيابك تاه

لو بالكلام ننسى الألام ده ماكنش ئال ولاعاشق طال


بحبها كتير هادي الأغنيه ،، من الأغاني الئليله لعمر دياب الي بتعجبني