طفولة عضو من منتديات شباب فلسطين ~{دمع المطر }

[إيمـان]

مشآآغبه وآنتي صغيره مهينآآزوو..مآشآآء الله عليكي..

بنستنآآ..فطـــومـ

[همسة العشاق~]

هلا بيكم منورين الموضوع


ما شاء الله منشطين الموضوع ومختارين بعض ب كمان ^^


بس حلو كتير

نورتن ماهي ونور ما قصرتن

برتكن عليكي نور ^^

[همسة العشاق~]

راجعة ان شالله

يسلمو ماهي ع التوريطة ^^

[إيمـان]

بنستنآآ..

[.. ليآل ~]

ياربي تسعد ماهي

بتجنني ياعسل

استمتعت كتير وانا بقرأ اجاباتك

والله يرحم رفيئتك يارب

اصعب شي بالدنيا كلها هو الموت

|:

نورتي ياغاليه

وبإنتظار السنيوره همسه

[بقـ..ــايـ..ـا إنسـ..ـانـ]

مواضيعك انت واختك قلقشن < يعني جميلة جدا ،،

يعطيكي العافية همسة ^^

[مآهينآز]

الله يحضرلك الخير يا قسامى

تسلم يارب ^^

::

شوفتى كيف وانا صغيرة كنت مُشاغبة يا فرفوشة ههههه

الله يسعدك يا عسسل

::

تسلميلى ليـــــالى

الله يسعدك يا غالية

آآمين يارب .. اى والله :(

الله يرحم الجميع :(

::

وتسلموا كل اللى مروا ^^

::

منورة همسة حبيبتى

بإنتظار إجابتك يا قمر :)

[Arabian girl]

روعه الموضوع ^^

[Arabian girl]

الذين يشاهدون محتوى الموضوع الآن : 2 ( الأعضاء 2 والزوار 0)
‏Arabian girl, ‏همسة العشاق~

منورة هموسة بانتظار اجاباتك ^^

[همسة العشاق~]

هيني جيت .....

1-اوصف لنا طفولتك(بالتفصيل)؟

اول شي ,, كان عندي مرجيحة عند البيت وحبلها حديد وكنت اتمرجح عليها ع بطني ,,وكنت احبها كتير هالمرجيحة ,,, وكنت لما اقعد ع الاكل ما اقدر اقوم ,,يجي نص اهلي يحملوني ويقيموني ,,كان عمري وقتها 5 سنين ,,, وبعدين كنت مدللة كتير من اهلي وكانوا يدلعوني نونو ع الرغم انو اسمي فاطمة ,,,المهم وكنت اضل ملزقة بامي وما اتركها وين ما تروح ,,, ومرة بيوم من الايام كنا بنبني في بيتنا اللي ساكنين فيه هسة ,,, هسة انا وخواتي انزلنا ع ابوي ع البيت ,, وقال بدنا نطش وروحنا ع واد قريب منا ,,, وصرنا نوخد بحطب ,,وطلعلنا واحد حامل سكينة ,, وصار يحكي مين انتن واحنا صرنا نركض ركض من الخوف ,,, وملتمسين خوف ,, هسة انا كان عمري 5 سنين وكنت انا ناصحة شوي , ف خواتي سبقنا وضليت انا واختي اللي ماسكة بايدي هسة الشوز وقع ,, واحنا مش عارفين نرجع نوخدو ولا نكمل ركض ,,, هسة انا تعبت ومش قادر اكمل وقعدت ع الارض واختي بتحكيلي يلا قومي ههههه ,, وبعدين الزلمة وصلني انا واختي ,, ومسكني وحط السكينة ع رقبتي وحكى لاختي شايفة هالرقبة اذا ارجعتن كمان مرة بطيرها ,, واختي حكتلو طيب ,, وبعدين كملنا ركض ,, ووصلنا البيت ونفسنا مقطوع من الخوف .

قصة تانية ,مرة كنت انا وخواتي قاعدات عند البيت واجى جارنا ولابس لبس غوريلا ,,,
واتخبالنا ورا سور وفع فينا ,, واحنا خوفنا كتير يومها ,,, هسة وصلنا للروضة ,,, هسة فتت الروضة ويا ريتني ما فتت ,, شو بدي احكي لاحكي ,, اول يوم بالروضة فتحت مناحة ,وضليت ابكي ,,وكانت امي تروح معي ,, هسة انا بالروضة كنت شاطرة وعاقلة ما كنت اعمل فوضى بس كان في اتنين اولاد جيرانا واحد فيهم كان يتبول تحت الكرسي تاعي ,, ولما تيجي المعلمة يحكيلها انو مني ,, وطبعا انا اضل ساكتة ,,,كن اخاف منو كتيييير ,,, هسة الولد التاني ابن جيرانا برضو كان يقفلي باب حارتنا وما يخليني افوت ع الحارة عشان اروح ع البيت ,, هسة انا كنت الف كل حارات البلد واجي من بين الشجر ,, وامشي ع الحجار عشان اصل البيت ,,, كانت مغانرات غير شكل ,, وهسة كل ما اشوف هدول الولدين بتذكر الروضة والمعاناة تاعيتها ,, وباخر يوم بالروضة كرمونا واعطونا لعب ,, انا جبتها الاولى ع الصف ,,و كنت شطورة ,,,
وهيك خلصنا مرحلة الروضة ,,, كن انا دلوعة كتير وكل شي بشوفو بصير بدي ياه ,, ما كنت اتشاطر الا على اهلي ,,, انا كنت اموت بشي اسمو بطيخ ,,و كنت لما اشوف البطيخة اقيم عرس ,, وكنت اكره العدس ولما كنت اروح من المدرسة وامي تكون طابخة عدس انجن ,, واحكي عدث والله والله ما بذوقى هههههه,, ومرة كان اخي حاملني ع كتفو ويلعب معي ووقعت عن كتفو ع البلاط وجسمي وراسي صاروا طريين متل الاسفنج ,, بس اجت سليمة ,, كنت معثرة وانا صغيرة ,, ومرة رحنا انا واهلي واصحابنا ع رحلة ,, كان عمري 6 سنين هسة انا بدي انزل اسبح في البركة متل اخواتي ,, وخايفة انزل ,, هسة اختي بتحكيلي وري حالك بالمي ,, يعني انط نط ع المي ,, وانا طبعا رديت علها ونطيت ,,, وضليت نازل ع اخر البركة وما طلعت من تحت ,,, هسة اخي واختي برفعوا في مش قادرين عشان المي ثقيلة وكتيرة ,, هسة واحد صاحبنا راح ع امي وحكالها كم بنت عندك ,, حكتلو ستة ,, حكالها صارن خمسة ,, بس الحمد لله بحمد الله وبمجهود الاخوة تم انقاذي من الغرق,,, وبعد هيك طبعا ما حرمت انزلت كمان مرة في البركة ,,, عنيدة شوي ,,, كنت مشيبة اهلي ,,, كنت انادي ع امي وجدتي باسمائهن ,, متل صاحباتي ,, هسة لما كبرت شوي وفتت المدرسة كنت عاقلة بالمدرسة ومطيعة ,, كنت اخاف من المعلمات ,, بس في البيت كنت اعجب ,, هسة لما كنت بالصف الخامس كانت اول شنة بنوخد فيها انجليزي ,, هسة كان الدرس عن فاذر وماذر ,, الاب والام ,, هسة المعلمة طول الحصة وهي تحكيها واحنا نردد من وراها ,, هسة حكت المعلمة اللي بتحكيلي ياها غلط راح تشوف شو بدو يصير فيها ,,, هسة انا بدي اخلي حالي فلطح وفهمانة بالانجليزي ,, ورفعت اصبعي وبكل ثقة بحكيلها فاذر ماما ,, وماذر بابا,, والمعلمة تيجي ع درجي مسرعة انا فكرتها بدها تشكرني ,,و بس اما شكرتني شكر يا سلااام ,, اجت اول شي مسكت ذاني ,, تاني شي ضربتني كف ,, وتالت شي معمطت شعراتي ,, الله يسامحها كنت مسرحة شعري ورابطة قرن لفوق ,,, ومن يومها انا والانجليزي اعداء ,, كنت شاطرة بالمدرسة وكنت مطيعة للمعلمات
بس كنت معذبة اهلي بالطلبات والفوضى ,,, كنت مشاغبة في البيت وفي كمان شي بس ناسية .



2-هل تتمنى ان تعود طفلا؟ولماذا؟
اكيييييييييييد ما في احلى من الطفولة الواحد بيكون حر ومش متقيد متل هسة

3. هل كنت مدللة من اهلك ؟.

اهاا كتير

4-هل ممرت بصعوبات خلال فترة طفولتك؟
اها كتير ,,, مرة كنا نلعب انا واخوتي وقريبنا ... كان قريبنا يحبني كتير ,, هسة واحنا نركض وقعت وانطبشت ,, والدم سال سيول ... ويوميتها انا انتحرت عياط ع الفستان لانو انتلى دم



5-هل كنت طفلا هادئا ام خجولا ام مشاغبا؟
في الروضة ما في اهدى مني ,,كنت ملطشة اما في البيت كنت مشاغبة شوي



6-اذكر لنا حادثا مر بك خلال طفولتك ولم تنساه للان؟
الموقف السابق لما اوقعت وانطبشت لانو مكان الطبش لهسة موجود ,, والولدين اللي كانو معي بالروضة كانوا قاعدين وراي وكانوا يتبولو تحت الكرسي تاعي ويحكو مني ,وهم اولاد جيرانا حاليا ,, كل ما اشوفهم بتذكر الموقف ,,, الله يسامحهم




7-اين كنت تقضي معضم وقتك؟
ع المرجيحة او ع الاكل وفي الحارة العب




9-هل كنت طفلا اجتماعيا ام انطوائي ولا تحب اللعب والمخالطة؟
عادي نص ع نص ,,



10-لديك اصحاب من الطفولة؟وهل بقيت معهم ام باعدتكم الاقدار؟
اها عندي و ضلن صاحباتي




11-هل كنت تحب افلام الكارتون؟وما هو كارتونك المفضل؟
يووووووه كتير ,,باباي وسالي ومروكو الصغيرة وصاحب الظل الطويل وساندريلا وكتير



12-كيف كانت علاقتك باخوانك واخواتك؟
كنت مدللة كتير منهم ,, وكانوا يلاعبوني كتير


13-ما هو اصعب موقف حدث لك في طفولتك ولم تستطع نسيانه؟
يوم توفت جدتي



14-هل هناك انسان معين غرت منه في طفولتك..ولماذا؟
لا .. ما بتذكر



15-صف لنا موقفك اول يوم دخولك للمدرسة؟

كنت مشخصة ورابطة قرن لفوق ومبسوطة ,,, اول ما دخلت المدرسة التمست خوف ,,لما شفت المعلمات , وبعدين مربية الصف الله يسهل عليها كان اسمها سهام اخذتنا ع الصف ورتبتنا في الدروج ,,,


16-شيء كنت تتمناه بطفولتك ولم تحصل عليه؟
:Sh ababSmile250:


17-حلم الطفولة ما هو؟ وهل حققته؟
كان في احلام كتيرة بس مش ذاكرهن


18-ما هي الكلمات التي كنت ترددها في طفولتك؟
كنت لما نطبخ عدس احكي عدث والله والله ما بذوقو ,, وكنت انادي اخي ثائر لالا وفي كمان كلمات بس ناسية


19-هل كنت مطيع لوالديك؟
اهلي بحكولي اني ما كنت مطيعة ,,, وكنت عنيدة ووقت اللزوم اضربهم هههههه لاني كنت مدللة

وهيك بكون خلصت الجزء اللي متذكرتو من طفولتي
طولت عليك شوي ,,,, بعرف انو امعدكو سافت ,,,