شباب فلسطين

مـــــن أنـــــا · 11-19-2009, 02:50 PM

هههههه

يقطع شرك يا ابو محمد

كل هاد برم

قسامي غزة · 11-19-2009, 03:04 PM

المشاركة الأصلية كتبت بواسطة مـــــن أنـــــا هههههه

يقطع شرك يا ابو محمد

كل هاد برم

اهلا وسهلا من جديد
نورت يا حج

أمل · 11-19-2009, 05:42 PM

أمل
امل فتاة ناجحة بقسمها جدا
وهية بتفضّل الاناشيد الي بدون ايقاع
وكمان زوق كتير بمعاملتها مع الاعضاء
والها شعبية عند البنات
وربنا يوفقها

من ذوقك يا قسامي

و الله إنك أصيل

يعطيك العافية سلامتك لما خلصت

و إن شاء الله دايما أفراحك كثيرة

و بنستى فرحة جديدة إن شاء الله بس بدها حلوان مش برم بس

.. ليآل ~ · 11-26-2009, 04:00 AM

يلا مين بعد ابو محمد ^^

الحان الحرية · 11-26-2009, 09:30 AM

بالأدب و فن صياغة الحرف تغنّت ..

و من أنوار شمس الصباح حاكت كلماتها ..

و كالماء العذب تميزت بالصفاء ..

ضيفتنا اليوم ..

ذات احساس عذب

و

ذات ٍ فريدة ..

و

روح ٍ تحلق مع أقمار السماء ..

لـــــــــــيــــــــــــــال

ღ حورية فلسطين ღ · 11-30-2009, 10:05 PM

عم تسناني الأخت ليال اروح اردحلها يعني عشان تيجي

.. ليآل ~ · 12-01-2009, 07:12 PM

المايك بيدي وماحدا ئدي وانا اخر من يعلم

طيب نادوني

يالله منكم

طمبيئات

يلا ،، اليوم بلكي ببلش

PaLeSt!Ne SouL · 12-01-2009, 07:18 PM

يلا ،، اليوم بلكي ببلش

نعم ؟؟

بالله شو !!

يلا احكي

بانتظارك يا ملكة الإحساس ^^

عبد الصمد الراوي · 12-02-2009, 08:44 PM

من رخصتكم بدي ارد على قسامي ..

ربي يحفظك خيو ما قصرت .. القلوب عد بعضيها خيو ..

ربي يسعدك بمحمد اخي .. ويجعله اسد من اسود الرحمن ..

تحياتي

.. ليآل ~ · 12-03-2009, 02:26 AM

تست

تست

تست

1 2 3

لا منيح ،،، شغال المايك

نبلش ،، إحم إحم

مــــرحبـــآ

كيفكم جميعـــاً !!

إن شاء الله تكونوا بأحسن حـــآل

اليوم ،، وبعد سنه وتلات شهور و18 يوم ،، إجا دوري لأمسك المايكـ

إن شاء الله يكون وجودي ممتع وخفيف على ئلوبكم ،، وتحبو طلتي على المسرح متل ماحبيتوا طله

كل الي كانو ئبلي

وهلأ راح عرفكم عحـــآلي ؛؛

الإســــم ؛؛ ليــآل

العمـــــر ؛؛ 22 سنه وخمس شهور ،، انا مواليد سنه الـ 87 شهر سته

الجنـــس ،، إنثى

<< إحلفي

برجي ؛؛ الجوزاء ،، بس انا ما بأمن بالأبراج بالمره ،، بس الشيء بالشيء يذكر

الهوايـــآت ؛؛ القراءه [روايات ،، أدب ،، شعر ،، نثر ] ،، الرسم بس على خفيف ،، والكتابه ،،
وزمان كنت اعزف على الجيتار بس صارلي فتره مبطله

انا رئـــم 2 ببيتنا ،، والوحيده بين اربع شباب ،،أكبرهم اتخرج من سنتين من الجامعه ،،

وازغرهم السنه الجايه بكون توجيهي ،، والإتنين الي بالنص لساتهم عم يدرسوا

مممممم شو كمـــآن ،،

اهاا،، اتخرجت السنه الماضيه من الجامعه متل مابتعرفوا ،،درست تجارة دوليــة،،

وهلأ عطاله بطاله

وازا صار الي ئاعده بخطط الو ،، بـــأواخر شهر 2 بكون سافرت لقطر

عمي بغزة الو كتير اصحاب هناك ،، وحكالي الوظائف هناك منيحه كتير وفرص العمل احسن

وراح يحكي معهم ،، ويدبرلي وظيفه منيحه ان شاء الله

حاكم هون هنا بجده المسأله هاي صعبه ،، ولازمها واسطه ،، خصوصاً للبنات

الموضوع معئد نوعاً ما

إدعوا انو ماما ترضى تروح معي ،، واشوف مستئبلي

دخيل هالنسوة

نسيت احكيلكم انا من وين !!

انا من المجدل ،، احلى واجمل مدينه بالدنيا كلها ،، الله يكتبلي وارجعلها يارب

انا من المجدل نفسها ،، يعني مش من القضاء تبعها ،، وابو تيتا كان بيوم من الأيام مختار المجدل

هلأ راحت المجدل وراح المختار

وما ضل الا ستي الله يطول عمرها ومعها مفتاح بيتهم وشويه تراب وصكوك اراضي

وشويه زكريات

الله بعين

هلأ الساعه 3:10 من صباح يوم الخميس

برجع بكره وبكمل

ضلكم بخير

~~

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء