مدرستكـ تحت المجهر .{{ رعد فلسطين }}. <<فضـآآيحكم هنـآآ

[Maram .. ~]

كم مره كتبت تعهد او مخالفه . وليه ؟.! ومتى .؟!


امم لا ما بتوصل معي لـ التعهدآت ! ,,

بس زمآن بصف سادس يمكن مشرفة القسم كتبتني تعد عشآن كنت لابسة شيلة ملونه ع المدرسة



كم مرة انطردت من الحصه ؟.! وليه .؟.! ومتى ؟!

اممم دااايما الأبلوآت بسيرو يحكوولي .. فيكي تطلعي تكملي حكيك برا

و مرة كان عنا أحيآء

و كان الصف فايع بطريقة مش طبيعية هههههههه

و كنت أنا هداك اليوم مش مصلية ع النبي

أعدت أغني بالصف وانا و صحباتي

و الأبلة بس شافتنا انجنت ههههههههههه

راحت طلعت ورقة و كتبت عليها شغلات و حكتلي أروح عند مشرفة القسم

بس طلعت أكلت هوااا من المشرفة .. خصوصا انو انا الي كنت مسببة الشغب الصف


كم مرة انحرمت من الفسحه ؟.! وليه ؟!


امم يمكن 3 مرات أو أربعة

ما عنا نظآم الحرم من الفسحة

بس مرات ما كنت أكون عاملة الواجب فـ الأبلة تخليني بالصف أحلو بدآل مآ أنزل ع السآحهـ

بس والله كان العقآب حلو أحسن ما أعد بالحر تحت


عمرك اتهزات من مدرسك .؟! وليه ؟.!

هههههههههه أكييييييد

هداك اليوم كنآ واقفين بالإذآعهـ ,, و كآنت مملة كتيييييير أكتر من العآده

و كان الدنيا حررررر موووت

ما كنت طايئة حالي .. !

كنت واقفة أول وحدة بالطآبور

فـ أنا أعدت أبرم مع البنت إلي جمبي ,, كنت بحكيلها شو عملت امبارح

و ما كنت سامعة ولا كلمة من الإذآعهـ ,, إلا فجأة بلاقي حدا بنادي إسمي

طلعت الأبلة ماسكة المايكروفون و عم تنادي علي مشان أبطل حكي !

طبعـآ كـــل المدرسة كانت بتطلع فيني و الأبلة عم تهزأني

و بس طلعنا ع الصـف أكــلت كمآن بهدلـة من أبلة الإنجليزي كنهآ كانت تراقبني بالإذآعة [

....


مم و في مرة السنة الماضية , كان عنا حفلة بالصف عشان عيد الإتحآد ,

فـ كنآ ملزئين الـدراج جمب بعض و حاطين الأكل و عم ناكل ,

و بس خلصنآ ما لقينآ شي نعملو كان ملل كتييييير

رحت أنا اقترحت نعـد نغنـي

طبعا عنا بالمدرسة الغنا ممنوع ع أسآس حرام و ما بعرف شو , بس مين بهتم إزا ممنوع ولا لأ ههههه

المهم , رحت انا أعدت أطبـل ع الدرج و البنات يغنوو ,,

و عملنا حفلة كبييرة هههههههه

و اعدو بنات من صفوف تانية ييجو عنا و يغنو معنا

إلا في بنت راحت تجرأت و أعدت ترئص بالصف ههههههههههه

احان طبعا ما حكينا لأ

و كملنا الحفلة ,

أبصر وين كانت المشرفة هداك الوقت , و بس إجت و شافت المنظـر عصــــبــت ! هههههههههه


و أنا أكلت البهدلة عشان كان اقترآحي و كمان عشاني كنت إلي أطبل و صوت الطبلة واصل لبرهـ الصف

بس عن جد كان يوم روووعهـ ههههههههه