يااااااالله وبعدين مع بابا!!!

[لالا-فلسطين 48]

لك ملك شو احكيلك؟؟؟؟؟؟؟!!!!!!!! شو احكيلك يا ام الوليد؟؟؟!!!!!!

انا بصراحة بحب كتير اهلي يعاملوني زغيرة ويهتموا فيي زيادة، مش لانو ناقصني اهتمام بس لاني بحس حالي اللي هيك سند، انا لما بمرض او بعيط وبتضايق من اشي كل الدار بتعيط معي وبتنمقت عليّ! والاشي بصراحة عاجبني!!!!

طب احكيلك شغلة انا لحد اليوم بكيف لما كان ابوي وامي يطلعوا شي مشوار ويتزكرونا ويجيبولنا معهم حاجات زي هيك، لك لحد اليوم بكييف وبنبسط لما اشوف ابوي طالع من الدار وجايبلي معو شوكولاطة وبمبا وتشيبس وبيسلي، اصلا ازا ما جاب مرات انا كنت اتصلو واوصيه يجبلنا، بس يا خسارة فقدت ابوي من فترة زغيرة وبتمنى يرجع هيك لو لمحة زغيرة بديش منو اشي غير اني اشوفو واطمن عليه واتملى منو اكتر، لك فقدانه شلني من الاعماق، شل البيت كلو بطل في حياة في البيت، كل زاوية كل قرنة في البيت مستندة عليه، حتى وانا بالتعليم كتير بتخيل انو جايي يروحني عالبيت خصوصا لما اسمع زمور سيارة بشبه زمور سيارتنا او حتى لما اشوف سيارة بتشبه سيارتنا... لك شو ماكان ابوكي احمدي ربك انو جمبك وانو بحبك ولو انو الاشي بطقق اكبر نعمة.. الله لا يحرمك منو يا رب، لانو بالدنيا كلها ما في اشي بعوض عن الابو لو شو ماكان الابو ولو شو ما كان هاد الاشي!!!!!!!!!!

انا يمكن علقت فوق بالحكي على الاشياء البسيطة (يجبلك حاجيات) بس من هاي الشغلة وقيسي، بس يمكن الفرق بيني وبينك انو انا بلبولي اياها بالاشي المعقول بس بحالتك من كتر تواجدها الهائل صار مالهاش معنى ولا الها هية، بالزبط زي اللي بلبس كل يوم اواعي جداد ببطل في شعور خاص لما يشتري اواعي جداد ويلبسهن، بصير الاشي فوق العادي، منفر وبمقت!!!!!!

وهاد الاشي اكيد رح يخليكي مش مرتاحة، حياة طويلة هاي!!!!!!!! عمر بحالو!!!!!! بس يمكن صعب انو الوضع يتغير لانو بالنسبة لابوكي منهج حياة ومتجذر فيو، وغير هيك يمكن يضلو يحس بنوع من الخطر والخوف عليكن ازا ما عمل الاجراءات الاحتياطية المعتادة...... مشان هيك بنصحك تحاولي تغيري من الوضع بس اصحك تمسي بابوكي والا وقتها الك مني قتلة مزبطة، لاني صراحة انا بقدِّس اوي وبحب انو يكون مرتاح ولو على حساب سعادتي او حتى على حساب حياتي كلها. وبحبش كمان اي انسان يسيء لاهلو خصوصا الابو.... بس ازا ما غدرتي تغيري من الوضع اشي فلازم تتحملي هاد الاشي (هو مش اشي خارق يعني خوف الابوة عبناتهم بالزات اشي معروووووووف حتى لو كان فوق الطبيعي عندك، بس المهم انو الو اساس طبعي) وحاولي كمان انت تخلقي بنفسك طرق للتأقلم مع هاد الوضع!!!!!!!

اعذريني كتير لاني طوّلت! بس عنجد كل حرف حكيتو طلع من اعماق جوات جواتي!!!!!!!

تحياتي لالك..
لالا-فلسطين 48.