♪..مــــــآيــــك المــنــتــدى مـــع ~ شـهيـــد غ ـزة ~..♪

[قسامي غزة]

صحيح كلامكم
لو بعرف اسيرة راح تيجي للمووضع
كان من زمان اخترتوني
هههههههههههههه
منورة يا اسيرة والله
وان شاء الله ربنا يرزقني طفل من سفيان
ويكون احلي منو كمان ^^

الليلة ان شاء الله راح اكمل عن بقية الاعضاء

[قسامي غزة]

نُكمل علي بركة الله
الان سوف أبدأ في اخواتنا البنات
وطبعا المرة هاد مش هنخلصهم
لانهم ما شاء الله كتار


دموع الرحيل

الاخت دموع من الاعضاء المتميزين بل هي الادارة كلها وهي التي تتابع امور المنتدي
يعني المنتدي بده وقت وهية مشغولة الوقت هاد
انا هاحكي هالشي وما تزعل
عملت اكتر من موقف وما كان لازم تعملهم
ولما سالت عن السبب كان الجواب انوا هية شافت كتير مشاكل بالمنتدي
وصار لازم يكون اسلوبها جاف شوية مع بعض الاعضاء
بس ادارية ناجحة جدا وأتمني الها التوفيق

اسراء الفلسطينية

اسراء بصراحة مثال البنت المحترمة والملتزمة مع انها صغيرة بالسن
بس كبيرة بالعقل وهية من الاعضاء النشيطين
ومرة اسمعت معلومة انها عمرها ما حكت ولا مع عضو من المنتدي
وهاد شي رائع بل مُذهل
(ما بدي احكي مين الي حكي الي)

الفتاة المشرقة

هاد البنت تواجدها متميز في المنتدي
ومواضيعها رائعة
وكمان طريقة تفكيرها رائع بتفكر بالامر باكتر من جانب
وهية مشرفة ناجحة بلا شك
بس شكلها مشغول بالجامعة هاليومين
ومواضيع الاناشيد الي بتنزلهم بعجبوني كتير

coooool girl

البنت هاد كنت اتعقد منها بشغلة
كانت تلون خطها مليون خط
كنت استغرب من طولة البال الي عندها وطولة الروح
لانها تقعد وقت وهية تلون بخطها
شكلها شيك اوي

مهيناز

مهيناز من اكتر الاعضاء الي بعجب بقلمهم بصراحة قلمها متميز جداً
ومواضيعها في غاية الروووعة
والردود كمان مُقنعة جداً
وانا بحترمها جداً
بس صار موقف قبل يومين هية معاها حق بس ما عجبتني بكلمة
وبحكي الها الخطأ غير مقصود

نورالهدي

بصراحة نور الهدي من اكتر الاعضاء بعجب بردهم في النقاشات
ومتميزة جدا بقسم النقاشات
يعني انا بقرا الموضوع واكتر رد مقنع بكون ردها
حتي انها لما افوت الموضوع بابحث عن ردها
لانوا بعد ردها ما في كلام

ليــــال

ليال ايضا متميزة بقسها وخاصة الشعر وردها جميل
وايضا انا معجب بقلمها جدا
بس نزّلت رواية جننتني هاد الرواية
بدي اعرف النهاية لاني زهقت وانا بستني في النهاية
بس رواية رائعة وانا من النوع الي ما بحب يقرا الروايات
بس بهاد الرواية ضحكت عليه جابتها حلوة
واضطريت اني اقرأها وأتابعها

الحان الحرية & حورية فلسطين

هذول البنتين بحسهم مثل التوأم
بيعزوا بعض لدرجة كبيرة اوي
انا بصراحة بتلخبط بينهم
بس اظني حورية فلسطين هاد البنت كتيرة حكي
بتنزل موضوع بقسم المشرفين الواحد عينوا بتوجعوا وهوا عم يقرا
وهوا مش عارف عن ايش الموضوع
وبتحكي انوا شكلي نسيت حالي وانا بكتب
وفي الاخر بتحكي شو بدها
هههههههههههههههه

أمل

امل فتاة ناجحة بقسمها جدا
وهية بتفضّل الاناشيد الي بدون ايقاع
وكمان زوق كتير بمعاملتها مع الاعضاء
والها شعبية عند البنات
وربنا يوفقها

شمس العروية

البنت هاد رائعة بكل معني الكلمة
الواحد بحس البراءة عندها
وبنفس الوقت غامضة
هية من اهل مصر وكانت مشرفة عندنا
بس تركت الاشراف وبعدها اتخطبت
عقبال عد كل بنات المنتدي
وقليلة كلام يعني مطبقة المثل الي بيقول
خير الكلام مل قل ودل



بكفي اليوم نُكمل بحلقة اخري باقي البنات
بدي 3 حلقات علي الاقل لما اخلّصهم

[قسامي غزة]

الذين يشاهدون محتوى الموضوع
قسامي غزة+, ‏دمعة أسى+, ‏mahynaaz

منورين يا جماعة
ما تقلقي دمعة اسي راح احكي عنك المرة الجاية ^^

[قسامي غزة]

حصل خير اختي
وانا فهمت وجهو نظرك
بس انا تضايقت جدا جدا من الكلمة
حسيتها خنجر بقلبي
ولاني حسيت الكلام كان موجه لقسامي بالدرجة الاولي
لانوا التعليق بتاعك كان بعد ردي
بس خلاص فهمت قصدك
وفهمت المعني المقصود لكلمتك اية
شكلنا هنطرّد
قلبنا الموضوع عتاب
ههههههههههههه

[قسامي غزة]

بدي احاول اخلًص الموضوع واحكي عن بقية العضوات
راح أبدا بأختنا

دمعة أسي

دمعة اسي اول ما سجلت بالمنتدي سجلت باسم ام المشاكل وانا لما فتت ارحب فيها
حكيت الها احنا مش ناقصين مشاكل وكلام زي هيك
راحت المشرفة حذفت ردي حتي ما تزعل الحجة ام المشاكل
بعد هيك صار اسمها دمعة اسي وانا برايي هالاسم ما بيليق الها
لانوا هية شخصيتها مش حزينة يعني فرفوضشة
وبعد هيك دموع الرحيل حكت الي بدنا نخليها مشرفة معاك علي قسم النقاشات
وهية لما بدها تنشط القسم بتنشطه ولما بدها تكسل بتكسل
بنت طيوبة كتيييير وقلبها ابيض

زيتونة فلسطين

الحجة زيتونة اول ما فاتت المنتدي كنت احكي الها وين باباي عنك
بصراحة زيتونة بحسها بنت عفوية كتير وقلبها طيب
وما عندها لئامة او بتكره حدا
شخصيتها بتشبه شخصية لولو اليبناوية
يعني بتعمل جو للمنتدي

أم الوليد

الحجة ملك أول ما فاتت كان اسمها بيلفت انتباهي
لانوا حماتي بيحكوا الها ام الوليد
فكان مُلفت اسمها بالنسبة الي
البنت هاد نشيطة كتير بالمنتدي
وأثبتت نفسها بوقت قصير
طيوبة كتير وبتحب تجامل الاعضاء
وتفرح بفرحهم

عاشقة فلسطين

الحجة عاشقة مع انوا عمرها صغير بس مواضيعها بتعبّر عن كبر عقلها
كتير نشيطة هاد البنت
وهيها صارت مشرفة بوقت قصير
وكتير بتطلب مني اني اجيب الها اناشيد
طبعا انا ما بزعل من طلبها للاناشيد
بالعكس هية تنوّر القسم باي وقت

همسة العشاق

البنت هاد مدمنة العاب في قسم وقت مستقطع هههههه
ودائما بتكون هناك بهداك القسم
وما بتفارق قسم الالعاب
وهيها صارت مشرفة علي هالقسم حتي تلعب براحتها
كنت انجن منها كنا نسضيفها بقسم الاناشيد وسنة ونص واحنا نستني فيها
وما بتيجي وهينا مستضيفينها حالياً بدي اشوف تيجي ولا لاء

Rose

الحجة روز كانت معي بالبداية مشرفة معي بقسم الاناشيد
وكانت نشيطة في القسم كتير
بس زعلت لما عرفت انها تركت الاشراف
وزعلت لانوا ما حكت الي انها بدها تترك الاشراف
وانا تفأجات لما تركت الاشراف
وكنت بحسها كتير غامضة هاد البنت
بس بعد ما صارت معي منشرفة تغيرت النظره هاد عنها

لوليتا

الحجة لوليتا من اروع العضوات بالمنتدي
كتير تواجدها مميز بقسم الاناشيد
وكتير زوقها بالاناشيد بيعجبني
وبيلفت انتباهي
عضوة ما شاء الله عنها

جاري الوادي

لما غيرت اسمها انجل وصارت جارة الوادي
ما كنت بعرف واستغربت مين هاد جارة الوادي
وبعد فترة لما عرفت انها انجل
البنت هاد لو يخدوها بمنتدي ريال مدريد
بيناسبها كتير
كتير بتحب الكورة
مع انوا البنات ما بحبوا الكورة

نونو الحلوة

البنت هاد صراحة ما تخالطت معها
بس هية دائما موجودة بقسمها وخلص
وما بتطلع علي باقي اقسام المنتدي غير قليل

عاشقة الشهادة

الحجة روان طيوبة كتير هاد البنت
وبحسها علي طبعتها بشكل كبير
وكتير طموحة ونفسها تصير مصوّرة كبيرة
وان شاء الله ربنا بحقق الها جلمها
وبنشوفها مصوّرة مشهورة


انا اظني خلصت
بس اكيد انا ناسي احد الاعضاء او العضوات
واذا تزكرت اي عضو راح اكتب عنوووووو

[قسامي غزة]

صحيح تزكرت اخونا

اسد 22

اخونا اسد بحسوا غامض نوعا ما او هوا ما بختلط بالاعضاء كتير
بس في الفترة الاخيرة صار اله تفاعل بالمنتدي
وكتير نشيط هالعضو
ومواضيعو رائعة كتير
والوا تواجد متميز بقسم الاناشيد

[أم الوليد]

أم الوليد

الحجة ملك أول ما فاتت كان اسمها بيلفت انتباهي
لانوا حماتي بيحكوا الها ام الوليد
فكان مُلفت اسمها بالنسبة الي
البنت هاد نشيطة كتير بالمنتدي
وأثبتت نفسها بوقت قصير
طيوبة كتير وبتحب تجامل الاعضاء
وتفرح بفرحهم

يعني مقامي من مقام حماتكالله يسعدك من زوءك ابومحمدوالله يطعمنا ياها لصير حجة فعلا ياااااااااااارب

[إيمـان]

زيتونة فلسطين

الحجة زيتونة اول ما فاتت المنتدي كنت احكي الها وين باباي عنك
بصراحة زيتونة بحسها بنت عفوية كتير وقلبها طيب
وما عندها لئامة او بتكره حدا
شخصيتها بتشبه شخصية لولو اليبناوية
يعني بتعمل جو للمنتدي
................................... ................................... ...............................

آنــآ حجـه.. يا حج.. والله آخير زمن.. صــرت حجه وصحيح باباي بسلم عليك وبحكيلك اد بدك سبانخ ملفوف وطنجرة مجدرهـ في الخدمــه بعمــل جو كمــأأن بس حــآر ولا بــآر هع بآيخه

بس تسلم يا آصيــــــل...

[الحان الحرية]

الحان الحرية & حورية فلسطين

هذول البنتين بحسهم مثل التوأم
بيعزوا بعض لدرجة كبيرة اوي
انا بصراحة بتلخبط بينهم
بس اظني حورية فلسطين هاد البنت كتيرة حكي
بتنزل موضوع بقسم المشرفين الواحد عينوا بتوجعوا وهوا عم يقرا
وهوا مش عارف عن ايش الموضوع
وبتحكي انوا شكلي نسيت حالي وانا بكتب
وفي الاخر بتحكي شو بدها
هههههههههههههههه

واللهـ أصيل يا قسامي ..

ـهههههههـ هو فعلا ً حورية كتيرة حكي و برم :p >> بمزح حرحورتي


عنجد نورت المايكـ خيّو ..

و انا استمتعت بقراءة قصصك ..

و ان شا اللهـ قريبا ً نشوفك أب ..

و يوصل ابنك بالسلامة ان شا اللهـ =)

أرق التحايا =)

[PaLeSt!Ne SouL]

دمعة أسي

دمعة اسي اول ما سجلت بالمنتدي سجلت باسم ام المشاكل وانا لما فتت ارحب فيها
حكيت الها احنا مش ناقصين مشاكل وكلام زي هيك
راحت المشرفة حذفت ردي حتي ما تزعل الحجة ام المشاكل
بعد هيك صار اسمها دمعة اسي وانا برايي هالاسم ما بيليق الها
لانوا هية شخصيتها مش حزينة يعني فرفوضشة
وبعد هيك دموع الرحيل حكت الي بدنا نخليها مشرفة معاك علي قسم النقاشات
وهية لما بدها تنشط القسم بتنشطه ولما بدها تكسل بتكسل
بنت طيوبة كتيييير وقلبها ابيض

شو اعمل يعمي
لا غم المشاكل عاجبك و لا دمعة عاجبك

رضى الناس غاية لا تدرك


يا عمي منيح اللي تزكرتني اصلا

أصيل يا قسامي " أبو محمد"

إن شا الله القسم عاجبك هلا!! ؟؟