♪..مــــــآيــــك المــنــتــدى مـــع ~ شـهيـــد غ ـزة ~..♪

[قسامي غزة]

معلش طولت عليكم
لانوا الكهربا عنا ازمة وطول اليومين قاطعة
راح نكمل قصة حياة قسامي

بس في شغلة راح احكيها الكم قبل قصة الاشراف
انا مش مجمع افكاري كل ما اتزكر شغلة بحكي هاحكيها قبل قصة الاشراف

المهم الشغلة الي كنت متعقد منها منذ صغري هية اسمي
طبعا مثل ما حكيت الكم اسمي نهاد
واسم نهاد اسم بنت وولد والاقرب انوا اسم بنت
فكان الكل مستغرب اسمي
وكتير بيقابلوني طلاب درسي معاي وبيحكوا كيف حالك يا نهاد
وانا والله منا متزكر مين هما
وحتي اليوم واحد بحكيلي كيف حالك يا نهاد
حتي انا ناسي شكلوا مش اسموا بس
رحت سلمت عليه بحكيله كيف حالك وايش اخبارك
وهوا حس انوا انا ناسيه
بحكيلي اوعي تكون ناسيني
انا حكيت الوا انا بس ناسي اسمك
وانا حتي مش عارف مين هوا
حكالي انا باسل قلت اله اهلين باااااااااسل وايش اخبارك
وكيف امورك
وانا بيني وبين نفسي لا عارف باسل ولا غيروا
انا دخلتكم في متاهة بكلامي
المهم راح اكمل الكم قصة اسمي
وطبعا اسمي الكل بيشوفه انوا غريب لانوا بمجتمعنا ما في ولا واحد اسموا نهاد
قصدي الحارة بتعتنا
وراح احكي الكم موقف صار معي ايام الاعدادية بس ما حدا يضحك عليه
هاض يا جماعة ههههه حلوة كلمة هاض
في يوم صارت عنا مسابقة بالمدرسة طبعا المسابقة كانت علي مستوي الوزارة
يعني اكثر من مدرسة
وانا كنت في فريق الصف الي بيروحوا المسابقة
المهم فزنا بالمسابقة
وما استلمنا الجوائز علي طول
وبعد فترة جابوا الجوائز وتوزعت الجوائز ونهاد بستني بستني بستني
وما لقيت الي اسم نهائي
طيب وين الجائزة بتعتي
بعد استفسار عن الموضوع تبين الي انوا هديتي بمدرسة البنات
بفكروني بنت وهديتي هناك
حكالي الناظر روح علي مدرسة البنات واحكلي للناظرة انا نهاد وهديتي عندكم
ورحت وياريتني ما رحت
لقيت غرفة الناظرة مليانة مدرسات وطالبات وانا وجهي تلون
شفتني الناظرة واقف بتحكيلي ايش بدك تفضل
وانا صم بكم وولا كلمة
بعد فترة حكيت الها انا بعتني الناظر الفلاني مشان هديتي
فضحكت وحكت الي انت نهاد حكيت اه
ويارتني ما حكيت
وكل الغرفة تضحك عليه قلت بنفسي الله يقطع الهدية ويومها
ولو بعرف هيك والله ما رحت
ولعند هنا بيكفي اليوم برم
المرة الجاية راح احكي عن قصة الاشراف
بس ما اتزكر كمان شغلة واحكيها قبل الاشراف

[قسامي غزة]

انتم علي شو مستعجلين
خلي الواحد يتزكر ويكتب
وبعدين لما تيجي المشرفة راح تحذف ردودكم
لانوا ممنوع تنحط ردود
واليوم بحكي قصة الاشراف

[قسامي غزة]

نكمل علي بركة الله

الان وصلنا لقصة الاشراف

بعد ما كنت اشارك بقسم الاخبار وبس صرت اشارك بكل الاقسام
وانا علي فكرة طولت علي ما صرت مشرف
الحين بشوف العضو صار ذهبي او ماسي بيصير مشرف

المهم اول مرة اصير فيها مشرف صرت علي قسم الشريعة
وطبعا ما كنت يومها لوحدي
كانت معي اسيرة النجوم مشرفة معي بنفس القسم
وايامها كان قسم الشريعة كان يشتكي الي الله من قله زواره
وانا وهية بفضل الله خليناه من انشط الاقسام في المنتدي
ويوم ما حكولي بدك تصير مشرف طرت من الفرحة
وكنت كتير مبسووووط
وايامها كان قسم النقاشات ما فيه عليه مشرف
وكان في موضوع مش عارف كيف مش زاكره بصراحة
وكان هاد الموضوع ساحة دردشة
انا ما طقت الوضع هاد رحت نزلتموضوع اني بدي اتعين علي قسم النقاشات
لانوا بصراحة مو عاجبني نهائي
ووافقت الادارة واول ما استلمت الاشراف
رحت احذف ردود وما خليت شي وبعدها بفترة بسيطة
وبعد هيك سكرت هاد المووضوع
و استلمت اشراف القسم توين وانا طلعت من هاد القسم
وبعد هيك تعيني مشرف علي قسم الاناشيد
لاني من يومي بتابع الاناشيد وبحبها
وفضلت فترة مشرف علي هذول القسمين
وبعد هيك اجت فترة قدمت استقالتي من المنتدي
ايامها خطبت وانشغلت عن المنتدي
وحسيت حالي مقصر في المكان الي انا فيه
والنت كمان انفصل من عندي
فقدمت استقالتي من قسم الشريعة والحياة ومن قسم الاناشيد
وفضلت يمكن سنة ما بفوت المنتدي الا كل فترة والتانية
وبعد ما تزوجت رجعت النت عندي علي البيت
ورجعت الكم تاني
وحكيت مع القلب الطيب وحكيت الوا بدي ارجع للمنتدي
راح علي طول نزل موضوع ترحيب فيه
والمرة هاد عطول عيوني مشرف علي قسم الاناشيد
وكانت معي الاخت روز
وبعدها بفترة بسيطة صرت مشرف علي قسم شخصيات فلسطينية
بس ما طولت كتير في الاشرف علي هاد القسم
وانطلب مني اصير مشرف علي قسم النقاشات
فوافقت بس حكيت الهم ما بدي اكون لوحدي
لامي ما بكون فاضي كتير في بعض الايام
فجابوا الي مشرفة معي الي هية دمعة اسي
وانا الان مشرف علي النقاشات والاناشيد
وهاد حكايتي مع الاشراف
وبكفوا هدول القسمين خير وبركة
انا قربت اخلص من هاد الموضوع
بس فاضل احكي رايي في الاعضاء
وانا راح ابدا بالاعضاء القدامي الي كانت بدايتي في المنتدي معهم
واكيد عمري ما بنساهم

[قسامي غزة]

اعذروني طولت عليكم
بس اليومين الي فاتوا مشغول كنت
راح نبدا بالاعضاء ان شاء الله

[قسامي غزة]

معلش تحملونا يا جماعة
انا الفترة هاد الشغل ماخد كتير من وقتي بصراحة
الفترة الي قعدتها قبل شهر طلعت فوق راسي هههههههههه

طبعا انا يا جماعة ذاكرتي مش بزيادة
يعني اعذرونا لو نسيت حدا او شي

انا راح احكي عن الاعضاء القدامي والي هما مش موجودين بالمنتدي
بس يمكن بفوتوا من كل فترة والتانية

نبدأ علي بركة الله

أول شي راح احكي عن

قمر الخليل

زي ما حكيت الكم البنت هاد الي عرفتني علي المنتدي بس بالمنتدي كنت بحسها كتير عاملة جو بالمنتدي وكانت كتير محبوبة من قبل البنات وكانت الها شعبية وكانت ما تكتب الا بالخط الا لونة زهري ههههههه وهية انقطعت عن المنتدي من فترة طوليلة

محمود

بالنسبة لمحمود انا بعد وجودي بالمنتدي تعرفت عليه وكنت احكي معاه علي الايميل وبصراحة ما شفت منو هالشب الا كل خير وكمان بحسو بفكر لقدام يعني لو بتخذ اي قرار بحسب حساب كل شي وبتكون نظرته لبعيد وبعد هيك تعرفت عليه وجه لوجه وشفته في غزة ويومها قضينا اليوم مع بعض وكان معنا نشات وهاد كان اول تعارفي معاه ولحد وبعد هيك طلعنا رحلات مع بعض ولحد الان بتصل عليه كل فترة والتانية

عاشق الحور

عاشق الحور هوا نشات وايام ما فتت المنتدي كان مشرف قسم الاناشيد وانا بحب الاناشيد من زمان لاني بجسها بتغنيني عن الاغاني وبتسد مكانها
وتعرفت عليه مع محمود والتنين كانوا مع بعض علي طووول بكل وقت
ونشات شب محترم وشخصيته مرحة وبيحب الضحك ومتعصب لحماس

نور اليقين

هاد البنت اول ما فتت المنتدي كانت عاملة زعيمة البنات في المنتدي وبصراحة كنت بحسها متكبرة وصرت اجاكر فيها واتقاتل معها
بس بعد هيك من خلال تعمقي في المنتدي حسيتها بنت طيوبة كتير بس هية هيك بتحب تبين حالها والي بشوفها من الخارج بحسها متكبرة بس هية قلبها طيب وبصراحة كانت تلاقي محبة واحترام من الجميع

أسيرة النجوم

اسيرة النجوم كانت صاحبة نور اليقين وعلي فكرة هما من سكان المغرب يعني مش فلسطينيات بس كانوا تحسهم مثل بنات بلدك وزيادة بس اسيرة النجوم كانت شخصيتها أهدأ من نور اليقين وكانت اسيرة معي مشرفة بقسم الشريعة وبعد هيك خطبت وتزوجت وربنا يهنيها وهلا اظن معها ولد اسمه سفيان أو سمعان مش ذاكر بصراحة وكانت هالبنت قمة في الاحترام

أبو النور

ابو النور ما تعرفت عليه منيح بس كان شب خدوم وما تقابلت معاه نهائي بس كنت احكي معاه علي الايميل وكان من افضل شباب المنتدي وهلا هوا مسافر في مصر بيدرس طب اسنان وربنا يوفقوا

بنت الرملة

هاد البنت كانت مسمية حالها سفاحة المنتدي كانت معظم تواقيعها فيها صور السفاحين الي مثل دراكولا والناس هاد وهية فلسطينية ساكنة بالامارات اظن وهالبنت شخصيتها قوية

لولو اليبناوية

لولو اليبناوية بتكون اخت بنت الرملة بس هاد البنت شخصيتها بتختلف عن بنت الرملة
شخصيتها مرحة جدا وكانت عاملة فوعان في المنتدي وخاصة علي الاهداءات وفي ايقونة في الاهداءات الرمز الي بيضل بنظ اول ما تفوت تضلها تنط وهما من منطقتي اقصد قرايبهم ساكنيين بالحارة عنا وهما يبناويات طبعا انا يبناوي

فجر الحياة

فجر كانت مديرة عامة قبل ما تكون دموع الرحيل بس كنت اتطاوش معها دائما لانها كانت تنقل مواضيعي علي المكرر وما كنت افرح علي اي موضوع الا نادراً وكانت كتير نشيطة بالمنتدي ومخلصة للمنتدي كتير

مؤيد

مؤيد كان من افضل الاعضاء بالمنتدي وكان هالشب بصراحة مميز وكان هوا مشرف قسم الاخبار ومسكين كان دائما طوش وقتال بقسمو
واول ما تعرفت عليه حكي الي اسموا غلط شكلوا كاين عامل امنيات وبعد هيك اجا نشات حكي الي هاد اسموا مش هيك ولما عرفت الحقيقة مسكين ما تركتوا ذليتوا وكان نشات عامل عليه نكشة دائما ويحب يغايظه ويتهاوش معاه بس كانوا يعزوا بعض

اليوم بكفي هدول الاعضاء ولي عودة لاستكمال باقي الاعضاء
وما تقلقوا مش هانسي احكي رايي بحد وانا متاكد اني ناسي اعضاء
ولما هاتزكر راح احكي عنهم

[قسامي غزة]

نُكمل علي بركة الله

القلب الطيب

صراحة القلب الطيب اسم علي مسمي
الشب هاد صراحة نيال اصحابه فيه
يعني ما بدي تكبر راسه
بس شب محترم وخلوق ومن اول الاعضاء الي عرفتهم بالمنتدي
وما شفت منو الا كل خير صراحة

عزيز النفس

عزيز النفس اول ما تعرفت عليه رحت مرة عند القلب الطيب وكنت حاكي الوا اني بدي اجي عليك
يعني قعدت دوب 10 دقايق كنت مستعجل اخذت منو غرض وطلعت بسرعة
وكان قاعد عزيز النفس وانا سلمت عليه وما بعرف مين هوا وتاني يوم حكالي محمد انوا هاد عزيز النفس
حكيت الوا ليش ما قلت الي قلي انت ما لحقت تقعد
واولها فكرتوا من بتوع جلجلت بس طلع مش منهم

رعد فلسطين

الحج رعد كمان يوم ما رحت علي محمد بنفس اليوم اجا وجاب الي عصير جوافة
وسلمت عليه وشب علي كيفكم
المحبة موجودة بينه وبين محمد اخوه وربنا يوفقهم
وعقبال ما نفرح بيه ونشوفه عريس

أبو مجاهد

أبو مجاهد شفته مرة وحدة يوم العزومة بتعت اخونا خالد بشهر رمضان
وشب ما شاء الله عنو
مثال الشباب الملتزمين وربنا يوفقه

خالد

اخونا خالد شب علي كيفكم
انا ما كنت بعرفه خالد قبل العزومة بس شب قلق
بيحب المزح كتير وبيعمل جو بالقعدة
وطول ما كنا قاعدين عنده كان الجو بتاع القعدة ضحك
وعقبال ما نفرح بيه ويتزوج هوا وخطيبتوا

شهيد غزة

شهيد غزة كمان عرفته يوم عزومة خالد
وشفناه في الساحة وكان بستنانا وجينا سلمنا عليه انا ورعد وعزيز النفس والقلب الطيب
المهم ركبنا السيارة ورحنا علي خالد
سمعت شهيد بحكي لرعد مين هدول اصلهم كانوا قاعدين بالكرسي الي قدام
لانوا حجمهم قليل
الا هوا رعد بحكي الوا هاد قسامي اول واحد والي بالنص عزيز وهداك القلب الطيب
ولما وصلنا بين خالد كل قرن ونص بنسمع الوا كلمة
كان خجلان من الموجودين وهوا كان قاعد جمبي علي الفطور
وحاسه بوكل وهوا خجلان بحكي الوا كل يا محمود بقلي انا باكل
وطول الاكل وانا اعزم عليه الاكل بس هوا كان خجوول
بس لما كلمته علي المسنجر طلع مش قليل
واسألوا عنو ياسين هههههههههههههه

أسامة

أسامة ما اجا علي العزومة يعني ما شفته قبل هيك
بس باين عليه شب محترم كتير وعقلوا كبير
وهوا وشهيد بمدرسة وحدة وتعرفوا علي بعض
واحلي شي حكالي عنها اسامة
انوا في يوم اجا سلّم عليه شهيد وبعديها راح
الا هوا تاني يوم علي المسنجر حكالوا انا الي سلمت عليك
هههههههههههههههههههههه

ياسين

ياسين صراحة شب بعجبني كتير
شخصيتوا هادئو وقليل الكلام وبحكي في المفيد
وبحس هاد الشب عقلوا اكبر من سنوا
وكلاموا موزون
وهوا دائماً حرب علي المسنجر هوا وشهيد
هههههههههههههههه
بس اكيد عن مزح

أبو يقين

أبو يقين ساكن بمنطقتي برفح
وهوا من تل السلطان وانا من البلد
انا بصراحة ما تقابلت انا واياه قبل هيك
وكان اب ابن عمتي بعرفوا لمحمد
ومرة وصلت الوا السلام معاه وهوا كمان وصل السلام
بس للاسف الشب هاد ابن عمتي
توفي في شهر رمضان ال فات صار معاه حادث موتسكل وانتقل الي رحمة الله
واخر مرة شفتوا ابن عمتي كان قبل ما يتوفي باكم يوم
باحكي الوا كيف محمد بقلي مين محمد بحكيله حموكشا
حموكشا هاد لقب كان علي ابو يقين وهوا صغير
بقلي يا راجل هاد قد اولادك
وقعدنا نحكي عنوا شوية
ومحمد صراحة بكن الوا بقلبي معزة خاصة
وربنا يوفقه بدراسته وما يلتهي بالنت عن الدارسة

فتى الانبار

عبد الصمد مع انوا مش فلسطيني وهوا عراقي
بس صراحة بحسه مثل اخوي وزيادة كمان
وشب فهمان ما شاء الله عنوا
وربنا يوفقوا بدراستو

بو جاسم

اخوانا بو جاسم ما اله زمان مسجل بالمنتدي
بس اثبت جدارتو
وشب محترم كتير وذو خلق
انا بصراحة ما تعرفت عليه
بس المحترم بيبان من البداية

أمجد

أمجد صراحة انا ما بعرفه هالشب منيح
يعني ما حكيت معاه علي المسنجر
بس والله باين عليه فهمان كتير
وهوا من النوعية الي بينطبق عليهم المثل
خير الكلام ما قل ودل
واسلوبه في النقاش رائع

مش عارف اذا نسيت حدا او لاء
واذا تزكرت حدا راح اكتب عنوا
بعد هيك راح نحكي عن البنات
بدي سنة ونص ويادوب اخلصهم

[اسيرة النجوم]

المهم اول مرة اصير فيها مشرف صرت علي قسم الشريعة
وطبعا ما كنت يومها لوحدي
كانت معي اسيرة النجوم مشرفة معي بنفس القسم
وايامها كان قسم الشريعة كان يشتكي الي الله من قله زواره
وانا وهية بفضل الله خليناه من انشط الاقسام في المنتدي
ويوم ما حكولي بدك تصير مشرف طرت من الفرحة
وكنت كتير مبسووووط

ااااخ على هديك الايام

[اسيرة النجوم]

أسيرة النجوم

اسيرة النجوم كانت صاحبة نور اليقين وعلي فكرة هما من سكان المغرب يعني مش فلسطينيات بس كانوا تحسهم مثل بنات بلدك وزيادة بس اسيرة النجوم كانت شخصيتها أهدأ من نور اليقين وكانت اسيرة معي مشرفة بقسم الشريعة وبعد هيك خطبت وتزوجت وربنا يهنيها وهلا اظن معها ولد اسمه سفيان أو سمعان مش ذاكر بصراحة وكانت هالبنت قمة في الاحترام

الك بدك تجلطني

اسمو سفيان

والله يا اخي طول فترة تواجدي بهاد المنتدى ما شهدت منك غير الطيبة والاخلاق الرفيعة

كنت لالي خير اخ

اصلك طيب وحديتك ومواضيعك جد قيمة

خصوصا بالنثاشات

واول حكي لالي انا وياك كان بموضوع انت فهمتني غلط وضار الدحش واللطش بيننا

بس جت سليمة وما انصال حدا ولله الحمد

الله بحفطك جد انك اصيل

الله يسترك ويرزقك بابن حلو متل سفيان


يسلمو

[الحان الحرية]

المشاركة الأصلية كتبت بواسطة اسيرة النجوم

الك بدك تجلطني

اسمو سفيان

والله يا اخي طول فترة تواجدي بهاد المنتدى ما شهدت منك غير الطيبة والاخلاق الرفيعة

كنت لالي خير اخ

اصلك طيب وحديتك ومواضيعك جد قيمة

خصوصا بالنثاشات

واول حكي لالي انا وياك كان بموضوع انت فهمتني غلط وضار الدحش واللطش بيننا

بس جت سليمة وما انصال حدا ولله الحمد

الله بحفطك جد انك اصيل

الله يسترك ويرزقك بابن حلو متل سفيان


يسلمو

أسيرة هون



مش مصدقة عيوني



والله اشتقنالك كتير





ما راح أطير الرد

لأنك يا دوب تفوتي

اللهـ يحميكي حبيبتي




كمّل قسامي

ازعجانك بالمقاطعات :P

[ღ حورية فلسطين ღ]

اسيييييييرة يا عمري

لو بنعرف انو استضافة قسامي رح تورجينا طلتك الحلوة كان زمان استضفناه

حبيبة قلبي هاد دليل على انك عم بتابعينا

طيب ارجعي زي اول معنا انتي ونور :(