شباب فلسطين

أبو يقين · 10-12-2009, 09:18 PM

بنستنا الطحشه

what this

tahsha

بشوفها اجديده على الخط في المنتدى

همسة العشاق~ · 10-12-2009, 09:49 PM

هههههه

بانتظارك فلسطين

PaLeStiNe FlOwEr · 10-12-2009, 11:03 PM

المشاركة الأصلية كتبت بواسطة همسة العشاق~

إيِش أسم مدرستكـ ؟!.
من الصف الأول للتامن شجرة الدر بالأردن
ومن الصف التاسع للحادي عشر مدرسة ام القرى الاهلية بالكويت
والتوجيهي بمدرسة الاخلاص الأهلية بالكويت

في أي صفـ ؟!.
خلصت مدرسة وهلا سنة اولى جامعة

كم نسبتكَ العـأَإم الماضي .** يلا طلعوا الفضايح .:؟!
لا تزكروني بقرف التوجيهي.. جبت بالتوجيهي 87.4

وكم ترتيبكـ ؟.!
توجيهي ما في فيها ترتيب بس الأوائل ع الدولة

كم عدد الحصص .؟!
7 حصص من الأحد للخميس

إيش هى مادتكـ المفضله ؟!
كل سنة شكل كنت كتييييييييييير أحب الرياضيات بس معلمة الرياضيات تاعت التوجيهي كرهتني في وأول مرة بنزل في بشكل واضح ..وحتى الفيزيا كنت أحبه وكرهتوا بتوجيهي...بس بالتوجيهي حبيت الأحياء كتييييييييييييييييييييييير وحتى مادة التربية الاسلامية حلوة والكيميا كمان

تحب تذآكر من الدفتر او الكتاب .؟!
من الكل بس أكتر شي الكتاب وازا المعلمة كانت معطيتنا أسئلة ع الدفتر ومو موجودة بالكتاب بدرس منوا ...بس بحس الكتاب اهم شي عندي

هل انت من النوع الي تحب تشخبط عـَ الكُتب والدفــأإآتر ؟..!! <-
كتيييييييييير... لازم وانا عم ادرس أخطط ع الكتاب وأحط أسئلة ولما ازهق بصير أرسم وكمان انا وصاحبتي اللي قاعدة جنبي لما نمل من الحصة بنصير نكتب لبعض يعني بنصير نحكي ع الكتاب ونلعب اكس او كمان... الكتاب بأخر السنة بكون لوحة بيكاسو ولازم يروح ع الزبالة ع طول..ههههههه

اذا انت متخرج ايش المرحله الي حبيتها ؟ وليه
مرحلة الثانوية.. شعور حلو لما تخلص مدرسة..من بعد قرف التوجيهي وضغطه حلو التخرج بتحسي كل حياتك تغيرت

هل انت من النوع الي يتكلم كثير ؟. او لا يتكلم او نـآدراً ؟.!
بحكي بس مو كتييييييييير بحب أسمع أكتر .. حتى صاحباتي اللي جنبي واللي قاعدة وراي بضلهم يقولولي نفسنا تحكي شوي عن حالك صرتي تعرفي جد جدنا واحنا ما بنعرف شي عنك... بس أكييييييد وقت اللزوم تمي ما بوقف

من أكثر معلم احبيته ؟ إيش كانت يدرسكـ ؟.!
معلمة الأحياء بالتوجيهي اسمها هويدا
ومعلمة التربية الاسلامية بالتوجيهي اسمها علا
ومعلمة الرياضيات درستني بتاسع وعاشر اسمها عبير

كم كــآن عدد الطلاب ؟.!!
31 طالبة

وين كــآن مكانك في الفصل ؟؟.!
بالاردن كنت ائعد بأماكن مختلفة بس كنت أكتر شي بالأخير ومن يوم ما رحت ع الكويت وانا بالدرج الأول بس بالتوجيهي كنت التالت بس كل سنة بكون بالجهة اللي بالنص..

ومن كــآن جنبكـ ؟!
من التاسع للحادي عشر هبوش ونانا
وبالتوجيهي رحت مدرسة جديدة كانت جنبي سوسو

كم مره كتبت تعهد او مخالفه . وليه ؟.! ومتى .؟!
الحمدلله ولا مرة....بس مرة أيام الامتحانات تأخرت لدخلة لجنة الامتحانات كانت الورق لسة مو واصلة للجنة وضليتني بره أنا وصاحباتي نراجع المادة عبل ما تيجي الورق... راحوا عصبوا وسكروا الباب ومنعونا ندخل ولما اجت الورق في معلمة توسطتلنا ودخلونا وكانوا بدهم يوقعونا تعهد انوا ما نتأخر ع اللجنة بس الله ستر..

كم مرة انطردت من الحصه ؟.! وليه .؟.! ومتى ؟!
مرة بالتوجيهي كان عنا بعد الفسحة رياضيات وكنت عم أكل شيبس وصاحبتي اللي جنبي صارت تحكي بصوت عالي اللي بوكل لحالوا بزور والمعلمة كانت عند الباب وصارت تحكي قبل ما افوت الصف انتوا التنتين اطلعوا برة وقلنالها لسة انت ما دخلتي الصف لنوقف أكل صارت تحكي مجرد ما تخلص الفرصة المفروض تمنعوا الأكل واحنا رحنا طلعنا بره الصف وحكينا لمشرفة الجناح ولأنوا مؤدبات وما النا أي سوابق او ملفات فدخلتنا ع الصف خصبن عن المعلمة..

كم مرة انحرمت من الفسحه ؟.! وليه ؟!
ما كنت انحرم من الفسحة لسبب بس كانوا المعلمات تعون الحصة اللي قبل الفسحة يضلهم يشرحوا عشان يخلصوا الدرس خصوصا بأخر أيام الدراسة فكان الصف كلوا ينحرم..

عمرك اتهزات من مدرسك .؟! وليه ؟.!
أنا من النوع الهادي يعني ما بحب الشغب ..بس مرة صار في خربطة بجدول الحصص و كان عنا فيزيا لما كنت بالصف العاشر واجت معلمة الفيزيا وقالتلنا انزلوا ع المختبر واحنا نازلين شافتنا معلمة الانجليزي وحكتلنا ارجعوا ع الصف انا عليكم هلأ ورجعنا من غير نقاش وحكتلنا معلمة الفيزيا لأ أنا عليكم ورجعنا نزلنا تحت وكنت انا صافة بالأول وصارت معلمة الانجليزي تصرخ وكانوا التنتين مصريات وحكتلنا مش أنا قلتلكم ارجعوا ع الصف رحت انا قلتلها بس هلأ علينا فيزيا وصارت تصرخ واجت معلمة الفيزيا وصاروا التنتين يتناقشوا بعديها معلمة الفيزيا اختصرت ورجعنا ع الصف.. ولما رجعنا ع الصف قالتلي معلمة الانجليزي انت شو دخلك يكون عليكي شو ما يكون خليكي مخروسة وقلتلها بس أنا ما حكيت اشي غلط وصارت تحكيلي دنتي وحدة قليلة أدب ...ولا معلمة الفيزيا دخلت ع الصف هي والمدرسة الأولى لقسم العلوم وقالو الادارة قالت عليهم فيزيا وبعديها رحت عند معلمة الانجليزي وقلتلها انا مو قليلة ادب وما بصير تحكيلي هيك ئدام بنات الصف وحكتلي والنبي عايزة تعلميني اتكلم ايه لما تيجي حصة الانجليزي بتصرف ولما اجت حصة الانجليزي ما خلتني اضل بالصف وحكتلي ما حخليكي تحضوريلي حصة الا لما يجي ولي أمرك ورحت انزلت عند الاخصائية وتوسطتلي بس المعلمة عندت،، بعديها رحت اتصلت بماما واجت وبهدلة المعلمة ع كلمة قليلة أدب وصار نقاش حاد بينها وبين ماما...بعدين المعلمة قعدت فترة حاقدة علي وبالنهاية هديت..

بس الله لا يورجيكم شرحها وعصبيتها درستني تلت سنين ورا بعض هي اللي خلتني ما أطيق اشي اسموا انجليزي وكانت كتييير تميز المصريات عنا بس حسبي الله ونعم الوكيل..

او هزأتِ مدرسك .؟؟!! >> ماكانه السؤال قوي شوي
لأ كنت احترمهم ....بس مرة أيام حصار غزة ولما كان الضرب شغال ،، كان عنا حصة دستور هي مادة تابعة لقسم الاجتماعيات وبعد ما خلص الدرس فتحوا البنات سيرة غزة وسيرة فتح المعبر كيف انهم المصريين كان أغلبهم معارض فتحه ..فصارت المعلمة هي كانت مصرية...تغلط وتسب ع أهل غزة وتقول احنا ناس فقرا شو بدكم بمصر الناس اللي فيها غلابة مش لاقين يوكلوا ليطعموكم وصارت تحكي ع يوم ما هدموا المعبر والبنات طبعا وقفوا معها اللي من الجنسية المصرية والكويتية... واحنا الفلسطينيات ما سكتنا وبهدلناها وقلنالها ما صار سرقة يوم هدم المعبر وما حد محتاج تطعموهم وفي بنات قعدوا يغلطوا عليها وفي بنت بعد كم يوم جابتلها صحن في أكل وحلويات وقالتلها هاد من أهل غزة الك وبقولولك هما ما بدهم منك اشي وبعدين ام صاحبتي اجت شكت عنها للناظرة طبعا المدرسة ما عملتلها شي فراحت نقصتنا كل الفلسطينيات علامات واللي امها اجت شكت نقصتها أكتر وحدة...بس الله يسامحها

انت رسبتِ سنه ؟.! اذا رسبت في اي صف ؟.ّ! وكم مره ؟.ّ! وليه ؟.ّ!
الحمدلله ولا مرة

كم مرة هربت من الحصه ؟..! اذا هربت صادوكـ ؛) .؟؟!
ما كنت أهرب بس ازا كانت المعلمة غايبة فتصير الحصة احتياط كنا نطلع برة الصف انا وصاحباتي نتمشا شوي ونتأخر لنرجع ع الصف

كم مره نمت في الصف ؟.!
ما كنت انام بس الحصص اللي بتملل او لما يكون راسي مصدع كنت احط راسي ع الدرج

في حد من المنتدى معــآك في مدرسه ؟ّ!. او صار معاك مره ؟.!
اه بنك هارت سجلت قبل كم يوم هي كانت بصف أختي ومعاي بالمدرسة بس هي حاليا.. بس في ع الطريق كتار

واخيرا: اذا عندك صوره للمدرستك نزلها
والله حاولت انزللكم صور بس ما طلعلي صور المبنى نفسوا...ازا حصلت ع الصورة بورجيكم اياها

همسة العشاق~ · 10-13-2009, 09:37 AM

ههههههه

والله باين عليكي انك هادية وشطورة

منورة حبيبتي

بانتظار اختيارك

أبو يقين · 10-13-2009, 11:38 AM

فلسطين

انتي هادية وشاطرة

هههههههههههههههه

اختارلينا الي بعدكـ

جاآرة الوادي’’ · 10-13-2009, 03:19 PM

حلوو كتيير خيتي فلسطين فلور
مؤدبة وهادية ماشالله عنكـ
نورتي المدرسة ,,!

بانتظار اختياركـ يا عسل ’’!

همسة العشاق~ · 10-13-2009, 05:07 PM

بانتظار اختييارك^^

PaLeStiNe FlOwEr · 10-13-2009, 05:23 PM

اممممم بس في غلط اليوم سألت صاحبة اختي ازا سجلت او لأ لأنها قالتلي انها حتسجل باسم بنك هارت قالتلي لسة

فيعني بنك هارت لسة ما سجلت

PaLeStiNe FlOwEr · 10-13-2009, 05:29 PM

المشاركة الأصلية كتبت بواسطة همسة العشاق~ ههههههه

والله باين عليكي انك هادية وشطورة

منورة حبيبتي

بانتظار اختيارك

انت اللي منورة حبيبتي

PaLeStiNe FlOwEr · 10-13-2009, 05:35 PM

هلا أبو يقين منور الصفحة
ان شاء الله هلأ بختار

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء