ليش مش ماما& بابا!!!

[Maram .. ~]

ممـ

ليش مو ماما و بابا ؟!

لإنو لو حكينالهم مشاكلنا رح يفهمونا بطريقتهم مو بالطريئة الي احنا بدنا ياها

و رح يتعاملو مع المشكلة من ناحية العيب و الحرآم !

و إحنا ما بدنا هـ الشي ..

فـ بنروح نحكي لصحابتنا لإنو رح يحلولنا المشكلة بالطريئة الي احنا بندياها و من غير حزازيات و انو هاد عيب و ما المفروض نعملو و هاد حرام و ما المفروض نعملو و من هالحكي

الموضوع كتير معقد ..

و انا رأيي إنو السبب الرايسي إلي خلى الشباب و البناات بحكو مشاكلهم و أسرارهم لـ صحابهم و صحباتهم مو للإم و الأب هو طريقة تصرف الأهل بالأول ..

يعني البنت بتكون عارفة انها لو حكت هالشغلة لإمها إمها ما رح تفهمها و رح تعصب كتير و البنت رح تاخد ع راسها

فمن الآخر تروح تحكي لصحبيتها بلا وجع الراس ..

هاد رأيي :)

..

يسلمو كتير ع الطرح .. موضوع كتر مهم :)

[أم الوليد]

شرفتي حبيبتي، في منو حكيك الاهل هم السبب احيانا

[فلسطين22]

الواحد بحكي لصاحبته وبردوا لازم يفضفض لاموا اكتر بما انها المسؤله عنا انا بحس انو بحكي لامي وبفضفضلها اكتر من بابا ما بعرف ليه لازم نعرف ونفهم كل شي لازم ينحى للاهل


شكرا كتير على الموضوع

[Anonymous Gril]

لا ماما ولا بابا ولا صاحباتي...

بكتب كل شي بخصني بمذكراتي .. ازا امي قرأتها وسألت بتجاهل ولا كإنه صار شي..

حاولت تستفسر بجاوبها وما بستهتر..

بس ولله الحمد كل شي لحد الآن واضح ومعروف..

صح في شوية شيات خبيتها بس بالأخير انكشفت وتفاهمنا عليها..

وهلأ ما في شي متخبي ..

وبعتقد بسن المراهقة لازم ع الأهل انه يكونوا اقرب النا من غيرهم..
وينصحونا بس ما ينهرونا .. يوضحوا الاسباب واحنا كمان لازم نصحى عحالنا شوي..

ونراقب تصرفاتنا..

^_^

[بنت الشام ..]

مممم اولا اكيـد بابا لا .. لانو صعب احكيلو خصوصيــاتي ..


اما بالنسبـة لمـامـا ...~


فانـأ من النوع الي كتير برغي وبحكي لامي شو بصير معي ...


يعني اقل شغلة بتصير لامي دغـري ..


هلأ بصير مشاكل كتير من ورا هالشي ... بس بقول مو مشكـلة


لكن بتضـل في شغلات مابقـدر احكيها لامي ... وبروح بحكي لاختي الدبة


وبفضل احكيها لاختي لانو لو حكيتها لامي رح تحكي لخواتـها اكييد .. هالشي مفروغ منـو



بالاخيــر .. انا بهالعمـر تقريبا .. صرت بعرف الصح من الغلط .. واحدنا بيقدر يميـز ..


يسلمو كتير حبيبتي على هالموضوع ...


ارق تحية

[أم الوليد]

شرفتو صبايا فعلا اهم شي ماتخبو عأهلكم خدوا واحد منهم صاحب الاب او الام لازم

[.!. وردة الأقصى .!.]

مممممم

حسب عقليـة الأهـل إزا كـانو متفتحيــن أو رجعيــن ومعقـدين شـوي ^^

زمـان كنـت اخـاف احكـي مع بـابـا بأي شـي

بـس جـديد اكتشفـت انـو فـري جـداً واي شـي ممكـن احكيـه لصاحبتــي ممكـن انـي أحكيلـو اياه عــادي

بتقبـل المـوضـوع بكـل روح رياضيــة انــا انصدمـت فيـه :|

شـو اللـي خلانـي اكتشـف انـو فـري ههههههههههههههه ماما اللـه يخليلــي اياها

مابتنبـل بتمهـا فولــة كل ماحكتلهـا شـي بتـروح تحكـي لبـابـا وبـابـا مابقصــر بجـي يلمـح قدامــي بالحكـي انو عارف

بـس هيـكـ احسـن واللـه ببطـل اخـاف او احمـل هم انـو اهلـي يعرفـو من ورايي

يعنـي ماعندي فرق ازا حكيـت لأهلـي أو لصحباتــي

قبـل ما احكـي لصحبــاتي سـرت احكـي لأهلــي :p

اريـح راس ^^

[أم الوليد]

هيك انتي تمام الا مايكون حد منهم الام او الاب بقدر يفهم علينا بس بدنا نجربهم ابل ونشوف من فيهم اقرب وبحفظ السر لانو احيان من خوفهم علينا بسربو اسرارانا لبعض الله يديمهم الك حبيبتي

[haya-jor]

والله الحكي مو شرط الكل يكونو نفس الشي .. وعلى فكره قصة زمنهم زمنا هادي ما بحس الها علاقه على حسب شخصيتهم بتحكمي

انا مثلا بلاقي الصديقاات مهما كانوا مارح يكنو مثل امي
كل البشر بتغيرو وبروحو وبيجي إلا الأم وما حدا بخاف عل الواحد مثل اهلو
يمكن الام بتقسى ببعض الاحياان بس بتكون لمصلحة الواحد
ولي بضحكك مش معانتو هو الي فاهمني وهو الي رح يريحني

بس ابوي ... انسي الموضوع .. وهاد بتعلق بشخصيتو مش بشي ثاني ..

وانا ضورفي بتحكمني انو ما اقدر احكي لأمي كل شي .. وكثير احيان بفضل احتفظ بلي فيني ولو فاض فيني ممكن احكيه لوحده عاقله قبل ما افكر لو كانت صديقتي ولا لأ ..

[عين فلسطين]

هل للأهل خطوط حمراء ممنوع نتخطاها؟؟؟؟
اكيد يعني حتى لو تناقشتي مع ماما او بابا رح ياخدو الموضوع بجدية اكتر من اللي هو عليها
ورح تبدا اساله ما الها دخل بالموضوع وليش وكيف وما بعرف شو كلام انو احكي لامك او ابوك شي no way


هل صار مواقف معينة بينا وبينهم اعطتنا صورة سيئة لتجربة ورفضنا نحاول نكررها؟؟؟؟
مش لازم يكون صار موقف معك شخصيا
ممكن كيف هم تصرفو مع واحد من اخوانك لنا صارت معو او معها مشكلة شفتي ردت الفعل وما عجبتك وما ساعدتك انك تحكيلهم


هل لآنهم بنظرنا سلطة والها عمر وبتنتهي؟؟؟
شوفي من ناحية هم سلطة فهم سلطة
بس انو الها عمر وتنتهي هاد مستحيل

هل لآنو ومتل مابحكي الاغلب مابفهمونا؟؟؟؟؟والمسافات بينا وبينهم ممكن توصل لجييييييييييييل بحالو؟؟؟
لجيل احكي لاجيال


لآنو زمان اول تحول؟؟؟وماعاد ينفع فكرهم لهالزمن؟؟؟
اكيد الافكار تغيرت من زمن لزمن


موضوع جميل