هل يفضل الاباء .. الاولاد على البنات ؟

[السيف عدي]

موضوع للنقاش ::




هل يفضل الاباء .. الاولاد على البنات ؟




ولماذا ؟




وهل يحدث هذا في المجتمعات الاجنبية الاخرى ؟ ام العربية فقط ؟




هل يجب على الفتاة تغيير نظرة المجتمع لها وبالتالي محو هذه الظاهرة ؟




كيف يمكننا القضاء على هذه الظاهرة في المجتمعات النامية ؟



دمتم بود ،،

[جاآرة الوادي’’]

بسم الله الرحمن الرحيم





هل يفضل الاباء .. الاولاد على البنات ؟

نوعا ما ((اه ))

ولماذا ؟

الاب بحب يكون عنده اولاد بحب مرتو تجيبلو اولاد وما بيكتفي بواحد والا اتنين بحب الجماعات ..هع
حتى يكونو مسند ضهره في الكبر ويكونوا عزوته ويحملوله اسمه .. مو لشي بس لانو نهايه الابن عند اهلو ونهاية البنت في بيت جوزها ::هاد من رايهم::





وهل يحدث هذا في المجتمعات الاجنبية الاخرى ؟ ام العربية فقط ؟

لا في العربية اكتر لانو الاجانب ما بتهمهم انو ينحمل اسمهم ويتناقل من جيل لجيل .. وعندهم البنت والشب واحد لانو عند سن 18 تقريبا بصيروا مستقلين تماما عن اهلهم وكل فين وفين حتى يسألو .. يعني بنت والا ولد ما بتفرق معهم ولا بأثر فيهم




هل يجب على الفتاة تغيير نظرة المجتمع لها وبالتالي محو هذه الظاهرة ؟

مممم لا يجب ولكن من حقها اذا كانت تشعر بذلك الفرق الشديد بينها وبين اخيها




كيف يمكننا القضاء على هذه الظاهرة في المجتمعات النامية ؟

لا يمكننا الاجابة عن هذا السؤال بشكل واضح ومباشر وصريح ..
لانه لكل اب وجهه نظر ولكل ابن حرية في التقبل او عدم التقبل..
يعني ما بقدر اجاوبك كيف ,,^^




بس حابه انوه لشي
صحيح انو في تمييز وتمييز واضح بين الولد والبنت .. وانو الاب بحب يكون عندو اولاد
واذا ما كان عندو بطلب وبتمنى يكون عنده
اما اذا ما كان عنده بنت .. ما بسأل ولا بطلب


بس اذا صار واجت البنت رغم انو بفضل الولد بس مابحرمها حقها .. وبحبها وبدلعها




موضوع كتير حلو وواقعي وبستحق النقاش

يسلمو خيي حسام

لاتحرمنا جديدك المميز والحلو ^^

[السيف عدي]

المشاركة الأصلية كتبت بواسطة angel_s بسم الله الرحمن الرحيم





هل يفضل الاباء .. الاولاد على البنات ؟

نوعا ما ((اه ))

ولماذا ؟

الاب بحب يكون عنده اولاد بحب مرتو تجيبلو اولاد وما بيكتفي بواحد والا اتنين بحب الجماعات ..هع
حتى يكونو مسند ضهره في الكبر ويكونوا عزوته ويحملوله اسمه .. مو لشي بس لانو نهايه الابن عند اهلو ونهاية البنت في بيت جوزها ::هاد من رايهم::





وهل يحدث هذا في المجتمعات الاجنبية الاخرى ؟ ام العربية فقط ؟

لا في العربية اكتر لانو الاجانب ما بتهمهم انو ينحمل اسمهم ويتناقل من جيل لجيل .. وعندهم البنت والشب واحد لانو عند سن 18 تقريبا بصيروا مستقلين تماما عن اهلهم وكل فين وفين حتى يسألو .. يعني بنت والا ولد ما بتفرق معهم ولا بأثر فيهم




هل يجب على الفتاة تغيير نظرة المجتمع لها وبالتالي محو هذه الظاهرة ؟

مممم لا يجب ولكن من حقها اذا كانت تشعر بذلك الفرق الشديد بينها وبين اخيها




كيف يمكننا القضاء على هذه الظاهرة في المجتمعات النامية ؟

لا يمكننا الاجابة عن هذا السؤال بشكل واضح ومباشر وصريح ..
لانه لكل اب وجهه نظر ولكل ابن حرية في التقبل او عدم التقبل..
يعني ما بقدر اجاوبك كيف ,,^^




بس حابه انوه لشي
صحيح انو في تمييز وتمييز واضح بين الولد والبنت .. وانو الاب بحب يكون عندو اولاد
واذا ما كان عندو بطلب وبتمنى يكون عنده
اما اذا ما كان عنده بنت .. ما بسأل ولا بطلب


بس اذا صار واجت البنت رغم انو بفضل الولد بس مابحرمها حقها .. وبحبها وبدلعها




موضوع كتير حلو وواقعي وبستحق النقاش

يسلمو خيي حسام

لاتحرمنا جديدك المميز والحلو ^^

كلام واقعي .. تسلمي انجل ع المشاركة ،،

[limar]

راح احكي بشكل عام بغض النظر عن الاسئلة

هالشي اكيد موجود ومنتشر عند الجميع

نسبة قليلة جدا الي ما بتفكر بهاي الطريقة

الاسباب كتيرة

بس بيرجع للتماسك الاسري القوي بالعائلة العربية عنا

يعني الشب راح يتزوج ويصير عندو اولاد

هدول الاولاد بيحملو اسم العائلة

اما البنت لما بتتزوج اولادها راح يكونو من عائلة تانية

سبب تاني

من ناحية الاشخاص الي بينظرو للموضوع نظرة مادية

انو الورثة الشباب المال ما راح يضيع لانو بيضلو لنفس العائلة

اما البنت نصيبها حيروح لشخص غريب

للاسف تفكير مادي متخلف

سبب تالت ويمكن يعد من اهم الاسباب

تربية البنت بنظر المجتمع صعبة جدا على الاهل

يعني الشب شو ما كانت طريقة تربيتو وشو ما عمل بحياتو بنظر المجتمع شب مافي شي بعيبو

صار للاسف مفهوم قلة الادب للشب رجولة

يعني ممكن بتخبيصاتو يبين رجولتو ماشالله

اما البنت ازا غلطت فما بتقضي على حالها بس

على سمعة العيلة كلها

غير هيك حتى ازا البنت تربت ترباية صحيحة وتوجهت بطريقة صحية

راح تتزوج وتصير عند ناس اغراب ورجل غريب

والبيوت اسرار

يعني دائما الاهل بيضلو يفكرو يا ترى مبسوطة ومرتاحة بحياتها او لا

زوجها محترمها او لا

منيح او لا

وازا كان لا واحد من تنين

يا بتتحمل البنت وبتسكت لحتى الحياة تستمر

لانها بتخاف من نظرة المجتمع فيما لو صار طلاق

وهادا كمان موضوع لحالو

يا اما ما بتتحمل واهلها بيتدخلو يا بتنحل يا ما بتنحل

وانحلت او لا فهالشي راح يكون هم كبير على الاهل

انو المشاكل الي صارت ممكن تتكرر معها

او بترجع لبيت اهلها

وبهالوضع كتير مشاكل بتترتب عليه ... نظرة المجتمع و خراب عائلة تشرد اولاد


تفكير يمكن بعيد المدى

بس هادا الواقع حئيئة الي بخلي الاهل يفضلو الشباب على البنات

الغرب كل هالاشيا ما بتسبب مشاكل بالنسبة الهم

لانو البنت بتصير مسؤولة عن حالها بعمر معين

وحياتها وطريقها بتختارو لحالها بدون قيود او حلال او حرام

بيرجع لتفكك كبير بالروابط الاسرية عندهم

بس برايي ان كان بمجتمعنا او بمجتمع الغرب في اخطاء كبيرة بيرتكبها الاباء بحق البنات

يمكن اغلاط الغرب اكبر بالنسبة النا

بس ضغوط متل الي ذكرتها قبل

لو صارت عند البنت بمجتمعنا فهي بتاسر كتير على نفسية البنت

وعلى حياتها بشكل عام

الحق على مين ما بعرف

من حق الاهل خوفهم على مستقبل البنت

وهالخوف بجيب هموم كبيرة يمكن

بس تخلف المجتمع سبب رئيسي بوجود هاي الفكرة عند معظم العوائل العربية

مو من هلاء من ايام الجاهلية

مع انو المفروض دينا يكون غير هاي النظرة السيئة

عطول منسمع انو هم البنات للممات

بهيك مجتمع شي طبيعي

الحل !! ما بعتئد انو في حل

يمكن لنهاية العالم نظرة المجتمع ما راح تتغير

فينا نغير نسبة قليلة جدا

اما مجتمع بحالو صعب كتير

اد ما اتطورنا

مو الكل راح يمشي على تعاليم دينا بالشكل الصحيح

لو كل المجتمع طبق الدين بالشكل الصحيح كان ممكن يكون في حل

والله قادر على كل شي

مشكور اخي

حاسة حالي رغيت كتير

يسلموو عالموضوع

[مناد]

السلام عليكم

موجودة الظاهرة بكثرة عندنا في الجزائر
الاسباب يعني لا تختلف عن الاسباب المذكورة انفا

الولد عندما يصير رجل يكون سند له ومفخرة ضف الى ذلك ان المجتمع ينظر نظرة شفقة لمن ليس له اولاد =ذكور=

لكن ابي خرج عن القاعدة ويميل للبنات اكثر

[انتهينا]

امم

بصراحه عمرى ما مريت بهيك تجربه

طيب بالبيت عندنا العكس

كل اللى بطلبه بيكون وبابا بياخد رأى فى كل شىء تقريبا

عكس اخواتى وكلهم اولاد

بس بنشوف العنصريه فى المسلسلات

بيقول يكون سند وضهر وبيشيل اسمى ومش عارفه شو

:

متابعه معكم

[PaLeStiNe FlOwEr]

السلام عليكم؟؟؟

أكيد الاب بحب يكون عندو ولد يحمل اسموا، بس مو لدرجة التفريق يعني من وجهة نظري احنا كنا 3 بنات وماما وبابا كانوا حابين يكون النا سند يحمينا ويحمل اسم العيلة بس لو ما اجا هالولد يمكن كان ما أثر شي ع ماما وبابا بس ع الأقارب بأثر خصوصا اللي الكبار يعني من الجيل القديم لأنهم هما أكتر جيل كان بفضل الولد،، بس الحمدلله اجانا 3 أخوة ...

يعني ما فيني أقول في تفرقة بس بابا بحب البنات أكتر يعني ما بفرق بين البنت والولد..يمكن لأنوا احنا الكبار

بس أكيد في ناس غير هيك يعني أنا صاحبتي 6 بنات و ولد وأبوها بدلع الولد كتيييييييييييييييييييييير وبفرقوا عن خواتي ومخلي كلمتوا كلمة مع أنوا صغير وخواتوا أكبر منوا بكتيييير بس هو هيك بحب..

وكمان في كتيير أشخاص بحسوا البنت عيب ومع انوا هاد الشي كان زمان بس لسة في ناس هيك ،، وأنا صاحبتي عندهم ممنوع البنت توخد ورثة يعني جدها حكا لولادوا بس أموت لا تعطوا خواتكم ورثتهم قال ما بدو فلوسو تروح للغريب،، كل ناس والها عادات مختلفة بس أكيد بتضل العرب تفضل الولد لأنوا مرجوعوا لأهلوا والبنت بتروح ع بيت زوجها وحتى كنيتها بتتغير بتصير تحمل اسم زوجها وأولادها..

بس برضوا هاد الشي المفروض يتغير لأنوا في عوائل بتتعامل في بطريقة غير طبيعية يعني في ناس بعلموا الأولاد وما بعلموا البنات يعني صاحب بابا بعلم أولادي جامعة أما بناتوا توجيهي وزيادة عليها قال من وجهة نظروا انوا يعلمها وبعدين الغريب يوخد المعاش يعني فيكم تقولوا كل عيلة وتقاليدها وعادتها مع انوا بهالأيام ما في فرق بين البنت والولد الاتنين بيتعلموا وبيشتغلوا وبيصرفوا ع البيت

وكمان البنت بهالأيام أرحم ع أهلها من الشب..

ان شاء الله بتتغير نظرة مجتمعنا لهشي..

اللي عودة باذن الله

[ღ حورية فلسطين ღ]

انا عن نفسي

بابا بحبني وبدلعني اكتر من اخواتي الشباب ^_^

اصلا انا الوحيبدة اللي بدلعني من بين الكل وبفضلني عالكل

بس ماما عنا بتفضل الشباب وبتدلعهم اكتر منا

تخيلو ههههههههههه


بتقهرني احيانا بس يلا ماخدة نصيبي من بابا انا ^_^


يسلمو ايديك السيف عدي على مواضيعك المميزة

[أم الوليد]

هي انا ماعندي خوان شباب لكن بابا مش محسسنا انو بدو شباب واحنا مكفينو وزيادة ودوم بحكي البنت زي الولد ماهيش كمالة عدد

ماعاد في فرق هلا بنت من ولد ...بس اكيد بتمنى هو يكون الو ولد ...

[PaLeSt!Ne SouL]

تسلم ايديك حسام

في لي عم عندو بنتين زي القمر لسه صغار من أول ما نولدوا و هو بفكر كيف بدو يزوجهم
بضلوا يقول هم البنات للممات

و بيفرق كتير

و بابا الله يخليلي اياه بيعطي إخوتي مصروف أكتر مني ليه لأنهم شباب
ولازم يشوفوا حالهم قدام صحابهم
و مسموح إلهم يطلعوا قد ما بدهم مع صحابهم بمناسبة او بدون

بس أنا تنين من صحباتي تزوجوا و ما رضي اروح

و بالعيد عيدم ضعف عيديتي لأنهم شباب و بدهم يطشوا مع صحابهم برضو

بس بالبهدلة و الضرب أنا أخف منهم
حاكم البنات بيحسوا بس في ناس متمسحة

بالتعليم لا ما في تمييز إلا إنو بابا بيتهاون مع إخوتي اكتر بالغير مكتمل و أو طلبات المراجعة لأنو حقها مصاري أما أنا ما بقدر أسوي متلهم

كتير بقلي تعلمي ع حسابي و واحد تاني بلم

بواسيه و بقله لك الأجر

بس إمي مع إني الوحيدة لكن بتفضضل إخوتي بكل شي أنا بس مفضلاني بالدعوات و بس

بس بيني و بينكم لما أشوف ناس تانية بحمد ربي مية مرة

زكروتني هاد لما نولدت بابا إجا حملني و فرحان قامت ستي حكتلوه من وقتيش بنحمل البنات و بنفرح فيهن

ستي عندها الولاد و بس و الباقي خس

عندها بنت و 5 ولاد


و كله هاد بيرجع لعادات لا تمت للإسلام بصلة

و كله لازم يتغير و إنتو في المستقبل الأهل أنتم بداية التغيير