خالتي .. عندها نزيف في المخ .. ما تبخلوا علينا بدعاء

[تحـ البشر ـدوهـ]

بسم الله الرحمن الرحيم

السلام عليكم ورحمة الله وبركاته

::

مبارح كنت مو عارف انام

فتت ع المسنجر ..

لقيت الوالد اون لاين

حكيت معاهـ

قالي انت ما سمعت عن خالتك رانية وشو صار فيها

بقوله يا ساتر ايش في

:

حكالي عندها نزيف في المخ

في شريان براسها مفجور

سألته عن حالتها في المستقبل ( لأنه دكتور وفيه يشخص الحالهـ )

قالي اليوم اتصلت ع اخوك ( هو كمان دكتور وفيهـ يشخص الحالهـ ) قاله وضعها صعب كتير

واحتمال نجاح عمليتها 5 في المية

ولو عاشت بتعيش مشلولة

ف الافضل والارحم لهيك حالة .... الموت

قال تعالى : (( قل لن يصيبكم الى ما كتب الله لكم )) .

::

خالتي رانية : كانت الملجأ الثاني الي لمن احس باي تعب

واي ضغط علي ..

الجألها واشكيلها وهي تساعدني وتحلي همومي

كانت الاخت والام والصديقة والحبيبة والخالة الي

انسان رائع بطبعه

عمرها حوالي 29 سنة

وبالرغم من فارق العمر اللي بيناتنا

الى انها كانت تفهمني وما تشكي لحدا غيري

لمن سيدي يغلبها واحيانا يجرحها بكلامه

تيجي ع بيتنا حتى لو الساعة 4 الفجر وتصحيني من النوم وتشكيلي

طول عمري مقصر معها

هي تزوجت جديد

وما كنت جمبها اباركلها لاني كنت وما زلت في الصين

اتصلت علي وسألتني قبل ما توافق ع زوجها اصلا

ولو قلتلها لا مو مناسب كان ما وافقت متل ما صار قبل هيك

:

هاي خالتي يا جماعة .

وانتوا اخوتي وعيلتي واحبابي هون .

كل اللي بدي ياهـ منكم هو دعوة صادقة من قلب ... مؤمن بانه الدعاء بيغير القدر

وبس

::

اللهم صلي على محمد وعلى اله وصحبة ومن تبعهم باحسان الى يوم الدين

الهي رب الناس اذهب البأس، اشفها و أنت الشافي ، لا شفاء إلا شفاؤك ، شفاءً لا يغادر سقماً .. اللهم اشفها

شفاء ليس بعده سقما ابدا..اللهم خذ بيدها اللهم احرسها بعينيك التى لا تنام . و اكفـها ركنك الذى لا يرام

و احفظها بعزك الذى لا يُضام .و اكلأها فى الليل و فى النهار .

لها ولجميع مرضى المسلمين

اللهم امين

اللهم صلي على محمد وعلى اله وصحبه ومن تبعهم باحسان الى يوم الدين

وان اخر دعوانا ان الحمد لله رب العالمين

::

في أمان الله