شباب فلسطين

تحـ البشر ـدوهـ · 09-16-2009, 05:56 PM

بسم الله الرحمن الرحيم

السلام عليكم ورحمة الله وبركاته

::

عندي طلب

احترت وين اطلبه

في اي موقع ولا في اي مكان ولا من مين ولا وين اصلاً

::

ما لقيت الى اشوفلي حل هون

::

هلأ انا هون في الصين

ما في غيري .. واكم من شاب عربي

لكن مشكلتهم بصولش :(

::

ف طلبوا مني الشباب المسلمين هون ..

اني اعمل خطبة جمعة وصلاة يعني

::

ف المشكلة واللي متحير فيها

هل ممكن اني اعملها بالانجليزي ؟؟

طيب بالصيني :d

ولا لازم عربي ؟؟

طب ولو لازم عربي

ممكن تعطوني اي خطبة قصير بالعربي

تتحدث عن شهر رمضان

::

وحتى لو لقيت مش ح يفهموا :(

طب شو اعمل في هيك حالة :(

::

شوفولنا حل

:)

أم الوليد · 09-16-2009, 06:24 PM

لاالخطبة لازم تكون بالعربية الفصحى يادكتور لانو حتى المسلمين الاجانب بفهموا العربي الفصيح ، لانك مش ضامن انو الموجودين كلهم بفهمو انجليزي؟؟؟؟طيب اسمع فيك تحضرها بعربي وانجليزي وحسب الجمهور تلقيها هلا بشوفلك خطبة للقرضاوي استنى شوي

تحـ البشر ـدوهـ · 09-16-2009, 06:26 PM

يا خيتي

كيف طلاب بدرسوا طب بالانجليزي

وما بيعرفوا انجليزي :s

::

منورة :d

السيف عدي · 09-16-2009, 06:40 PM

الله يجزيك الخير .. سؤالك مهم .. ان شاء الله هالروابط تنفعك ..

http://www.ahlalhdeeth.com/vb/archiv...p/t-14528.html

http://islamqa.com/ar/ref/112041

امثلة على طريقة الخطبة باللغات المحلية ..

www.ipc-kw.net/library/download.php?x=2&id=325 -

http://www.akhbaralaalam.net/news_print.php?id=28977

منور تحدوهـ ..

أم الوليد · 09-16-2009, 06:42 PM

http://forum.te3p.com/70404.html

شوف هاد الموقع ...بتعرف لو انا محلك ماباخد شي جاهز بقرا انا وبحضر موضوعي لتكون متمكن اكتر مابعرف ...فكر انت تحط نبذة بسيطة احسنلك

sweet soul · 09-16-2009, 07:33 PM

ممممممممم

احكيها بالانجلش عشان الكل حيفهمها

وادحش كم من كلمه صيني عشان يكيفو عليك

الله يجزيك الخير شيخ تحدوه

استمرررر

تحـ البشر ـدوهـ · 09-16-2009, 07:34 PM

يا اختي ام الوليد يلي مخليني مش عارف شو اعمل

::

هل ممكن احكيها بالانجليزي ؟؟

لأني متأكد انهم مش ح يفهموا شي من العربي

وهي عنا ناس بتحكي انجليزي لكن بفهموش عربي فصحى وهم مسلمين

صحيح بعرفوا يقرأو لكن بفهموش :(

تحـ البشر ـدوهـ · 09-16-2009, 07:38 PM

المشاركة الأصلية كتبت بواسطة sweet soul ممممممممم

احكيها بالانجلش عشان الكل حيفهمها

وادحش كم من كلمه صيني عشان يكيفو عليك

الله يجزيك الخير شيخ تحدوه

استمرررر

هههههه

اهلا اهلا حجة سويت

::

ال شيخ تحدوهـ ال ههههههه

عارفة لو تعيشي حياة طلاب في سكن جامعي

ولحالك مسلم عربي في كل المكان

والباقيين العرب نصهم شيعة والنص التاني بصلو وبسكروا بنفس الوقت

بتحسي انك بجد مسؤولة عن اللي بصير :s

هههههه

والله يقدرنا نصير شيوخ

:d

اكيد منورة بطلتك

ما ننحرم يا رب

إسراء الفلسطينية · 09-16-2009, 07:46 PM

هل ممكن احكيها بالانجليزي ؟؟

لأني متأكد انهم مش ح يفهموا شي من العربي

وهي عنا ناس بتحكي انجليزي لكن بفهموش عربي فصحى وهم مسلمين

صحيح بعرفوا يقرأو لكن بفهموش :(

وعليكم السلام ورحمة الله وبركاته :)

//

أكيد بصح ..

عادي كتير انك تحكي خطبة الجمعة باي لغة بتسهل على المستمعين ..

عنا هون بالدنمارك .. الشيخ بيخطب خطبة الجمعة بالعربي .. وبعدين بالانجليزي للي ما فهم .. ومرات برجع بعيدها بالدنماركي .. عشان الكل يكون فهم

وعشان ما يكون في عذر لأي واحد انو ما يحضر صلاة الجمعة :)

كيف لكان في قرآن بمختلف اللغـــآت ., وهذا القرآن الكريم .. فكيف الخطب :)

فما في اي مشكلة اخي .. :)

الله يبارك فيك يا رب .. ويقويك ..

Arabian girl · 09-16-2009, 07:46 PM

هو الخطبة توعية وهيك
يعني لازم يكونو بفهمو اللغة
انا ما بعرف بس بعتقد بسير
يعطيك العافية سيادة الشيخ تحدوه ^^

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء