خواطر 5 // وحكآية كوكب آخر .. فيه بشر من نوع آخر !!!!

[دموع الغربة واشواق العودة]

اولا انا حابة اشكرك جزيل الشكر ع طرحك الموضوع واشكر اخونا احمد الشقيري الي اكثر من رائع وفكرة ولدت اشوية غيرة ع الاقل عندي وعندك ع ديننا
اختي وحبيبتي ..اليايان ... امة بدئت من الطبقة التحتية من اول اشي اووول اشي خلاهم يوصلو للي وصلو
هو التعااااووون التعاون ..ياروحي حتى لو احنا اتطورنا بس اذا مافي بنيتنا التعاون وانا اعيش عشان اسعد غيري وغيري عايش عشان يسعدني اذا ماعنا مبدئيات الاخلاق الي هما بيتمتعوا فيها مش رح نقدر نحصل اشي ..
هما ربوا زغارهم على الاشي هادا وربو شبابهم وشاباتهم ..هللل بتتوقعي شبابانا رح يتجاوبو بالطريقة نفسها ..لالالالالالالالا احنا امة اسمحيلي اقول همجيييييية ..مابيهمنا احد كل واحد فينا عايش لحالو كانو بغابة ولاكانو بمجتمع عربي اسلامي العرب المسلمين اهو اشي عندهم الفلوووس وحالهم بس ..شو فيها لو الحكومات العربية فكرت بنفس الطريقة الي بتفكر فيها الحكومات اليابنية ..اليابانيين لو مرض احد فيهم مستعدين انهم يسهرو الليل عشانو اما احنا !!!!!!!!!! حدث ولا حرج ...اتعافه ولا عمرو مايطيب ان شاء الله يموت واحنا مالنا في اهلو
والمشكلة انو دينا وصانا بهالاشي هما الي ماعندهم دين ولا كتاب منزل بيحافظو ع الاكل وكل واحد مابيسرف وعايش عشان يعطي غيرو ..اما احنا الي عنا دين وكتاب بيوصينا انو الاكل نعمة لازم ماينرمى ..نص الاكل بالزبالة
الهاذا وصل حالنا اليوم احنا العرب المسلمين نقتدي باليابنيين بدل ماهما يقتدو فينا ..االى هاذا الحال وصلنا
وكأنا ..........(..................)..... ......... بلاش احكي ...ياااا امة لو احنا حطينا عقلنا في راسنا و امسكنا بأيادي بعض وقلنا انو احنا بدنا نتقدم احنا بدنا نحقق طموحاتنا ..احنا بدنا وبدنا ...والله لوصلنا ..يعني اليابنيين شو فرقهم عنا غير انو هما شغلو المخ الي الله خلقو لكل مخلوق ..واحنا ماشغلنا ...اليابانيين .. مش ناقصهم اشي لحتى يصيرو امة كاملة مكملة غير انو يسلمو ..بس ..احنا امة محمد اتدهورنا للهاوية ..صرنا علكة بتم العالم ...الرايح والجاي يستهزء علينا لييييش لنمل من حالنا هيك ..ما احنا بشر زينا زي غيرنا ..المواطن لايفرق شيئا عن الملك ..الزبال زيو زي الامير مكلو واحد عامل النظافة او مهندس الصحة زي مابيحكولو باليابان ..بيخدم بلدو ووطنو بس المشكلة انو بلدو ووطنو مابيخدمو ..وايد وحدة ما بيتسقف ..لازم يكون تعاون من الجهتين ..عشان نرقة ونوصل زي الي هما وصللولو
المهم مهما حكيت مش رح اطلع الي في بالي ..وشكرا الك ع الموضوع الحلو والي رجعة ان شاء الله اكمل
بس الله يخليلنا ولا يحرم احد منه استاذنا وكبيرنا واخونا الكبير
(احمد الشقيري)
استمر اخوي والى الامام الله يقويك

[عبد الصمد الراوي]

انا مع الفكرة .. وبكل قوة .. لكني لست مع مقدم البرنامج


اوكي على راسي والله بس .. احنا ناس تبدو بمظهر اسلامي لائق والى ما في هذ البرنامج من مقابلات لنساء متفرعات وغيرها ..


لكن عجبني بصراحة كفكرة ..

ننتظر حدا يظهر لنا بطريقة تكون احسن ..



شفت كم حللقة ..



مشكورة بنت فلسطين المجروحة ..


ربي يسعدك


كل الود

[بنت فلسطين المجروحة]

المشاركة الأصلية كتبت بواسطة coo0ool girl

أأأخ يا أمون أأأخ

فعلا شي بيقهر

::

بالنسبهـ لبرنامج خواطر

فبصراحهـ هي فكرهـ من أروع الأفكار يلي شفتها

عندو أسلوب رائع بالدعوهـ إلى الدين

و بصراحهـ كمان أنا متابعهـ البرنامج تقريبا من أول سنهـ نزل فيهاآ

لأنو بجد بحب أسمعو وبنجزبلو

اللهـ يجزيهـ الخير يا رب

::

ومتل ما حكيتو إنو المفروض هادا كلو يكون عنا إحنا

المسلمين ..!!

المسلمين يلي حاليا ما عم يطبقو شي من هـ الأشياء يلي بتخلينا نسير أحسن أمهـ بالدنيا مش العالم الثالث

و طبعا أكيد إنتو عارفين إنو إحنا إسمنا العالم الثالث يعني العالم المتخلف

طيب ليش كل هادا ؟؟

و اللهـ لو كل واحد فينا عمل باللي موجود بكتاب اللهـ وطبقو

كنا إحنا أحسن من اليابان ب 100 مرهـ

و أنا عارفهـ إني مش عم أحكي شي جديد لأنو هادا الحكي كلو إنحكى

::

أنا بشوف برضو متل ماحكيتو لازم كل واحد يبدأ بحالو و بعدين بغيرو

و أول مكان فينا نبلش منو هوي البيت

يعني مثلا لو إنت أو إنتِ الأخ أو الأخت الكبيرهـ بالبيت

و عندك إخوان أصغر منك وبلشتي من حالك بشغلات بسيطهـ

متل لما تشوفي حدا تسلمي عليهـ بتحية الإسلام و هم شايفينك ..إلخ أكيد رح يقتدو بالأخ الأكبر إليهم ومش شرط إنو تكون أكبر واحد ممكن يكون فيهـ أكبر منك بس برضو في أصغر منك فبرضو ممكن يقتدو فيك !

لأنو إحنا هلأ لازم نعلم الجيل الجديد ( الأطفال ) ع المبائ الإسلاميهـ الصحيحهـ و طريقهـ تطبيقها .. إلخ

و طبعا نحنا ممكن نتقدم بس اللهـ أعلم متى ..؟!

كل ما شفناآ شي من الغرب بنروح نقلدو ونفكر حالنا عملنا شي صح أو رح يخلينا نسير متطورين ..!

وهادا طبعا مش منطق أبدا

أصلا حتى الشغلات يلي بيخدوها من الغرب هي الشغلات السلبيهـ

أما الشغلات الإجابيهـ فبيتركوهاآ ..!

طيب ليش ..!

ليش ما ناخد الشغلات الإجابيهـ ؟؟

ليش دايما بنركض ورا الغلط ؟؟

كلها أسئلهـ تدور في خاطري ولا أجد لهاآ جواآب ..!

::

في شغلهـ حابهـ أتطرق إليهاآ معلش يعني لو كانت براآ الموضوع

كل المسلمين بيحكو ( النظافهـ من الإيمان )

و طبعا أكيد يلي حضرو البرنامج شافو مدى إهتمام اليابنين بالننظافهـ

طلاب المدارس كل يوم إلهم ربع ساعهـ مخصصهـ بس مشان ينظفو الفصول و الممرات والمدرسهـ كلها

ومش بس الطلاب لاآآ ..!

الدرس إيدو بإيد الطالب بكل شي ..!

وهادا كمان موضوع تاني أصلا المدرسين وتواضعهم .. إلخ

وبيطلعو الطلاب من المدرسهـ وهي زي الفل ..!

طيب بلا حدا يجي ويدخل المدرسهـ تاعتناآ ..!

و اللهـ إنها بعد الفسحهـ بتسير مزبلهـ

ليش طيب وين شعارنا النظافهـ من الإيمان ؟؟ وينو

واليابانين يلي منهم مسلمين بيهتمو بالنظافهـ أكتر مناآ

واللهـ عيب

::

علعموم الكلام بهادا الموضوع ما بيخلص

و عذرا ع الإطالهـ و أسفهـ إزا كنت طلعت عن الموضوع بس كان بخاطري

واللهـ يعطيكِ ألف عافيهـ يا بنت فلسطين

الموضوع مهم جداآ

في ميزان حسناتك يا رب

تقبلي مروري :)

يعطيكي العافية يا أموول

كلامك اللي علمت عليه بالاحمر مهم كتير ولازم كلنا نطبقه ونبدأ نغير انفسنا


ردك رائع

وان شاء الله يكون تطبيق اروع


جزاك الله خيراً

[بنت فلسطين المجروحة]

المشاركة الأصلية كتبت بواسطة ليـــــــــــــال عمرك اطول من عمري يا عجينه ان شاء الله
امبارح كنت انا واهلي في نقاش محتدم عن هالموضوع بالزات
الي رجعه ان شاء الله

بتنوري

[بنت فلسطين المجروحة]

المشاركة الأصلية كتبت بواسطة زيتـــونة فلسطــين احمد الشقيري....ما بحكي الا الله الله يخــــلي لاهلوو ولجميع المسلمين
..
عنجد عنجد اثر بيه عنجد كلامووو ..بوزن ذهب..بنقعد كلنا وبتفرج عليه.....

برنامجووو ..بسيط...,,,,,.. قصير بس ..اثروو ..كتير على المشاهدين..

اليــآبان... يالله كــوكب تـــانييي... عنجد...احترام وعمل ونهضه وحضاره وحب ووووووو

بلاد العــرب... الله ... يرجعهم على صوابهم ...,ويرجعوو امه وحده...لاتفرق بين الاسود والابيض...ولا بين... المسلم ولا المسيحييي

يووووووووووووووووووووو الله يغيرنااا الى احسن....


حلقة اليوم واشويه ابكي ..على عــامل النظافه..في اليا بان.. مهندس البئيه...

الله يسعدك ويسلمك من كل شــر ....... يا استاذي يأحمد الشقيري

يسلموووو العســل

كلامك حلو وشي طيب

بس لازم ماننسى ان الله لايغير مابقوم حتى يغيروا مابانفسهم


يعني كلنا شفنا البرنامج ووعينا للفكرة

يعني وعينا قديش فعلا اسلامنا وبالواقع اعطانا كل اشي لنكون متلهم

الحين علينا وهو الأهم .. انو نبدأ نطبق


يعني خلص بكفي تاثر .. لازمنا عمل



نورتي زيتونة

[بنت فلسطين المجروحة]

المشاركة الأصلية كتبت بواسطة *ريحانة القلب*

بتعرفي موضوعك اجى بمحله

احضرت الحلقة واجيت ع النت لقيت موضوعك بوجهي

فعلا مؤثر كتييييير ... ومخز وضعنا .. مخز جدا

بصراحة انا ما فكرت في البرنامج من ناحية مجتمع

نظرتي اله فرديه ... لو كل واحد منا اتعلم منه وغير في حاله

وربنا شاف نيتنا عالتغيير اكيد اكيد رح يعيننا

يعني مثلا مثلا حلقة الالتزام بالمواعيد .. والله حسيت انها دوش باااارد

اديش بنخلف بمواعيدنا .. واديش ناس بضيع وقتهم وهم بستنوا الناس الي مواعدينهم !!!

وهاي لمحة من الصفات الي المفروض انكون ملتزمين فيها .. !

الي قبلي حكو كلام كنت رح اكتبه لو رديت قبل ما اقرا

وعجبتني فكرة نانا باننا نجمع الافكار ونبلش نطبق , ولو كبداية ع مستوى فردي

بنت فلسطين

راائع طرحك ..

والموضوع مهم .. انفش غلي بصراحة (=

حلو تحسي انو في كتيييير ناس غيرك بتنوي التغيير

ونفسها تتغير .. وبتنقهر بس تشوف "خواطر5"

يسلمو ايديك حبيبتي

والله يعطيك الاجر ...

صحيح والله كلامك

انا طلعت عحالي

لقيت اني عندي من العادات كتير عندي غلط

يعني مثلا كنت زمان اقرأ كتير

عادة القراءة اهملتها بالسنوات الاخيرة


مع انها اهم المراحل لتثيقف النفس


مثال تاني انا مسرفة من ناحية المي الكهرباء الخ

هاي العادة بديت اغيرها

كلها اشياء عادية


سلوكيات .. لو كل واحد منا عملها لتحسن حالنا بشكل او باخر


نورتي حبيبتي

كلامك بشرح الصدر

[بنت فلسطين المجروحة]

المشاركة الأصلية كتبت بواسطة امتزاج ..!

الله يعطيكم العافية بجد كفيتوا ووفيتوا

خواطر برنامج يحاول استنهاض الهمم ~ جزاه الله عنّا كل خير

من زمان والأستاذ أحمد يبهرنا بأسلوبه وطرحه الجريء للمواضيع ..

انا جداً متفقة مع فكرة دموع الرحيل ..

بس في مسألة مهمة كثير ~

احنا مجتمع للآسف [ متراجع ] وفي ناس كُثر بيننا بيستهزوا في كل عمل طيب .. ويعتبروه [ انتقاص ]

مثلاً بالمدارس افتكر مره انا وزميلاتي نلم القمامة من الساحة [ ربنا يكرمكم ]

واتفاجئنا بشلة بنات يضحكوا بصوت مرتفع وبدأوا يعايرونا ويتمسخروا وقتها كنا صغار وحساسين بزيادة ونهتم في آراء غيرنا كتير

والله ع طول اليوم التاني بس صرنا نلم قمامتنا ونترك قمامة غيرنا عشان البنات ما يتمسخروا علينا مره تانيه !!

الشي الثاني مسألة الالتزام بالمواعيد هذي مسببة لي أزمة

لما أطلع ع التوقيت بالزبط بيقولوا اشبها هذي عاملة فيها انجليزية [ ] ولما اتأخر يقولوا الله عليكِ يا ملكة [ ]

يعني اللي يتأخر يحطوا له اعتبار واللي ملتزم هذا مسوي فيها متحضر !!

طيب أبسط شغلة ~ لما اتكلم باللغة العربية الفصحى بين مجموعة

والله أُقابل بعاصفة من نظرات الاستهجان بينما لو اتكلمت بخليط من الانجليزية و شوي اسباني ولهجة سعودية [ كُح ] بلاقي الكل يحكي لي [ مودرن ] !!

يعني اتخيلوا اللغة الأم صارت [ عيب ] وانحصرت في الكتب الأدبية وبعض المنتديات فقط !!

عارفين ايش المشكلة ؟؟

انو احنا اتعودنا على الحال المايل للآسف وأي واحد يحاول يقوم الاعوجاج يقابل بنظرات استهجان وتعجب ...

عشان كذا لازم نعرف انو راح نواجه أصوات تحاول تحبطنا

ولازم مانستسلم ..

كل واحد فينا يبدأ يمارس هالشغلات وما يحسب أي حساب للآخرين طالما قاعد يعمل الشي الصح وخلونا نبدأ في أنفسنا وعيلتنا ..

أنا عن نفسي بدأت أطبق شوية شغلات وبدأت فيني وفي الاولاد والاهل وان شاء الله راح يرجع كوكبنا يلمع لمعان

اممممم

ما انسى اقول ان اليابان تستحق منا كل تقدير ..

صحيح همه مو مسلمين بس والله تصرفاتهم أقرب للأسلام من تصرفات ابناء جلدتنا ربنا يهدينا ويهديهم ..

مجروحة حبيبة قلبي بجد انتي كذا

يلا انا معاكم وخلونا نعمل تطبيق عملي ع حياتنا

يا سلام عليكي يا امتزاج

والله انتي اللي كذا

كفيتي ووفيتي

ماعندي اي اضافة


بتفق معاكي بكل اشي

وانا كمان متلك عمبحاول اغير بنفسي


وان شاء الله بنتحسن


جزيتي خيراً ياغالية

[بنت فلسطين المجروحة]

المشاركة الأصلية كتبت بواسطة AMJAD صباح الخير .. بعد إذنك بنت فلسطين .. إضافه:
كلنا بنعرف إنو الشباب هو عنصر البناء لكل أمه فالمصيبة لو صار الشباب هو عنصر الهدم،
المشكلة أن أنتقد لمجرد إثبات وجودي (خالف تُعرف)، وجهة نظري إنو البرنامج ناجح والدليل على نجاحو (هاد النقاش) وإذا كانت الحكمة ضالة المؤمن فأين الضرر في أن نتعلم من غيرنامن الناحية الإيجابية!!! ، البرنامج يقلي الضوء على أمور (قد لا نلقي لها بال) لكننا بعد معرفتها أصبح واقعاً علينا مسؤولية التغيير للأفضل، أو (للصحيح كعادة)، هو يُشخص الأمراض السلوكية في مجتمعاتنا عن طريق (عرض النموذج الصحيح في مجتمع آخر)، وهذا لا يُنقص من ديننا شيء، ولا من ثقتنا بأنفسنا شيء، فثقتي بنفسي مرتبطة بفهمي أن(الإسلام هو الحضارة)، وأن طلبي للعلم والفهم حاجة فطرية متاحة للفرد..
في برنامجه يحاول خلق حافز ملموس ومرئي للمُشاهد ليحثه على تغيير ما هو خطأ في سلوكياته (بدافع ذاتي)، مع نقد بناء لدور الحكومات المفقود لدينا إجمالا، فجميعنا يعلم أن أمريكا غيرت كل مناهجا التربوية وركزت على ( التخصص) بعد أن أطلقت روسيا صاروخها الأول باتجاه القمر،، (وما هي إلا خمس سنوات حتى كان العلم الأمريكي على القمر)
والخلاصة إن لم يكن هناك دور للحكومات، فهناك دور للفرد بأن لا يرمي عبوة العصير الفارغه من نافذة سيارته ( وحدث ولا حرج)..
آسف للإطاله

صحيح ...صحيح كلامك


بغض النظر عن مين احمد الشقيري وسواء مابعرف مين بختلف او بتفق معاه

اللي عم بعرضه اشي واقعي ملموس

ورغبته ورغبتي ولربما رغبة الاغلب انو نتغير


فهي دعوة للتغير و لاعادة الاخلاق الاسلامية


اللي ماتت عند كتير من المسلمين



مشكور اخي


سعدت بردك

[بنت فلسطين المجروحة]

المشاركة الأصلية كتبت بواسطة أبو نضال انا مش معك بهادا الرأي .. العرب والمسلمين مش باخر الامم .. في غيرنا كتير متخلفين اكتر منا ..

اه لازم نعشق مجتمعنا الطبيعة العربية اجمل بكتير من الطبيعة اليابانية ..

اول خطوة للنجاح انك ما تقلدي غيرك .. تتمسكي باساس مجتمعك وتطوري فيه .. تعلمي من غيرك ..

مش تقلديهم .. انا ما عجبني المذيع في كتير مواقف كان بصور منظر من اليابان وبقارنو مع السعودية ..

مش هادي الوسيلة الصح للتقدم .. ازا فكرتي انك تلحقي باليابان عمرك ما راح توصلي لشي .. وحنصير

في مرحلة الما بين وبين متل تركيا ..

يااخي هاي حجة الفاشل

بتقلي طالما في غيري وضعه اتعس من وضعي فانا بخير !!

لاطبعا .. طالما انا مش منتج .. عالة .. اكلي وحياتي بتعتمد عدول اخرى .. خلتني افقد استقلالي الاقتصادي والسياسي وغيره فانا وضعي تعيس



/




بعدين بتقلي في غيرنا اتعس منا

غيرنا الاتعس حالتهم المادية تعيسة كمان

اكن احنا المسلمين عامة والعرب خاصة عنا كل المقومات لنصنعم امة قوية

بس لافي نوايا ولا في استهلاك وتسخير لهالمقومات لهالغاية



/



اشي كمان احمد الشقيري مادعى للتقليد

هو ورجانا انو هالعادات اللي عنا في دينا

اللي طبقوها من غيرنا من البشر

صاروا في اول الأمم

هو دعى للتغيير وما دعى للتقليد

بالعكس احنا عنا الدين الكامل


يعني المجتمع الياباني بعاني من الانتحار

لانه مش مستقر روحانياً

لكن احنا عنا كل اشي يخلينا نستقر روحيا وماديا ,, وهاي الطامة الكبرى .. وهاي اكبر دليل عفشلنا وتخلفنا


وبتقلي لسة حالنا بخير



/




اشي اخير انا مع المقارنة وبدعو دائما الها

لانها بتصحي الناس


وبتورجيك مستواك بين الأمم





نورت حسام

[بنت فلسطين المجروحة]

المشاركة الأصلية كتبت بواسطة نسيم الشام بسم الله الرحمن الرحيم













هذا الرد رائع . شكرا لك اخي ,


ازعجني كتير رائي امتزاج مع انها ما حكت الا الواقع .. انا من متابعين هدا البرنامج ما شااء الله ما كنت بعرف ان راح

يكون بهادا الانتشار . شاهدت جميع ردود الاعضاء ممم راح احاول ما اكرر الكلام يالي انحكى ..

انا تقريبا متل امتزاج لما كنت بالمدرسة ما كنت ارمي ولا اشي على الارض ولما صاحبيبتي ترمي اشي اشيلو قدامها

احيانا بتتمسخر واحياانا بحسها وتخجل واحكي لسى في امل .. كمان على المواعيد الحمد لله انا بحاول ابدا ما اتاخر

واني اكون موجودة على الموعد تمماما بس شوفي صحباتي يالي بستناهم في الطريق تلت ساعة لحتى يجو

ليش هيك !! الطنطاوي رحمه الله , بتحكي عنو حفيدتو في كتاب (هكذا ربنا جدي ) اانو كان يستنى شخص تاخر نص ساعة على ما اذكر ’ فلما اجى

تركو نص ساعة في غرفة الضيوف يستنى لحالو وهاي هي التربية بحق . وشغلة تالتة عن الاكل يعني انا في شغلة

مع اخواني انو كملوا صحن يالي تاكلو فيو انا بعمل متل اليابانين ما ارضى الا هيك ما بعرف بس

جد هاي نعمة . الحمد لله على كل حال . انا بحاول انفذ عملي وابدأ بنفسي متل ما حالوا الاعضاء

يوصلو الفكرة والله المستعان لسى بدي كتير الله يوفقنا جميعاا لما يحبه ويرضاه لدي الكثير ولكن اكتفي .


شكرا لك ايتها الرائعة بنت فلسطين المجروحة (امون)

جزاك الله كل الخير موضوع رائع هذا ليس مجرد كلام بل تفاعل الاعضاء ما دل على ذلك . كما اني لا ارد

على اي موضوع نظرا لضيق الوقت فكان موضوعك يستحق بجدارة

اسال الله لك ولكل من دخل

هده الصفحات ان نكون من عباده المخلصين ومن احبابه .

نحو الافضل ان شاء الله .

أهلا فيكي حبيبتي

كلامك طيب .. صحيح لازم كلنا نشتغل عحالنا

ونحو الأفضل ان شاء الله



نورتي نسيم الشام