تحدوه...وكل المغتربين هون....

[تحـ البشر ـدوهـ]

المشاركة الأصلية كتبت بواسطة كلوديا بس لو سمحت اخ تحدوه ليه اخترت الصين
وشكرا ام الوليدعالموضوع

امممم

قصة طويلة يا خيتي

:)

[تحـ البشر ـدوهـ]

المشاركة الأصلية كتبت بواسطة نسيم الشام حبيتي انين الحزن الاية هيك

(ان مع العسر يسرا) وسبحان الله مع يعني بتحسي كانو بنفس اللحظة


سبحانك ياررب ... نسأل الله لك الثبات ولايوجد لدي ما ازيده عن كلام اختي وحبيبتي

فتاة طموحة .. اشتقت لمواضيك ام الوليد

يا مرحبا خيتي

:)

يسلموا ع المرور

[haya-jor]

سلام

اخ تحدوه .. ياعمي على فد ما انت محملها زياده صاروا الاعضاء ينزلو مواضيع بأسمك ايها المغترب

هسه وصفك يا ام الوليد صحيح وممكن ازيد عليه كلام وصفات وشغلات بتقطع القلب لكن كل هاد بوقف عند شيئ واحد ... انا او غيري احنا الي اخترنا الغربه
يعني ما اعتقد اهلي مسكوا شنطتي ودزوني وقالولي سافري... انا او غيري الي بدنا نتغرب ونصير دكاتره وغيرو
مهي احنا بنقدر ندرس حيالله شي ونكون بنص بيتنا وبين اهلنا وناسنا .. عشان هيك مهما عانا المغترب ومهما جاع واكل ندولز بضلو هاد اختيارو وطموحو وكل شي بالكون الو ثمنو .. مارح تصير دكتور وانت حاط رجل على رجل وبحضن امك ... وكمان شي يعني الغربه مهما كانت صعبه بس بتهون يعني هينا بنااات وبتنحملها وبتعود عليها فمابالكم الشباب ... والاخ تحدوه حكا عن الشباب الي معو يعني يا اخي بدكم تأمن على ناس بالغربه !! اكيد اخدت درس
وبالنسبه لشباب المسلمين الي انت صايم وهما بدخنو عادي خيوووو موجوده هاي بكل مكاااان في الوطن العربي وبين شباب كل الجامعات الواحد بكون صايم وبتلاقي الشب مثل الخز بدخن وبشرب بربكان .... ناهيك عن الاخلاق الحميده الموجوده بين شباب جمعتنا في كل البلاد !! .. بتقلي بروحو دسكوهات هههههه طيب تعال شوفهم بمصر على الاقل بصين بلد مش مسلم والناس الي فيه ممكن يأثرو على الشباب بس عنا بمصر حدث بلا حرج ... والله السنه الي مضت رحت انا على الجامعه برمضان عشان تسجيل وما تسجيل وكان دومهم ببلش بعاشر يوم رمضان المهم في محاضره الشباب الي وراي كانوا بلدياااات واحد طلع السجاره بقوول لثاني ولك يا زلمه هاذ الدكتور رفعلي ضغطي مش مكمل صيام اليوم ههههههههههه ... بأختصار الشكليات الي انت شايفها موجوده وانت لو كنت وووين ما تكون لازم دينك تحافظ عليه ... وشيد حيلك خي تحدوه ترى الغربه بتعمل رجال

وشكرا يا ام الوليد وانشالله بتحالو تخفوو عن اخونا تحدوه البشر

[أم الوليد]

كتير مدللينك ، احكي الي بدك ولايهمك انا اصلا ليش جيت هالمنتدى غير لنزل موضوع باسمك؟؟؟؟

تحدوه انا مابعرفك كتير بس لما كنت مترجمي الخاص ايام الشهادة عندك طولة بال واصرار وهادئ فالشخص الي عندو هيك مواصفات مابنحني للظروف هو الي بكسرها وبمشي عليها...يادكتور دير بالك لحالك والله يثبتك وتتخرج وانزلك موضوع المباركة بايدي شو بدك احسن من هيك؟؟؟؟؟

ولكل الي شرفو الموضوع شكر الكم جميعا...رح غار هيك من تحدوه...بتستاهل كل خير الله يكتر محبينك

[B a s i m a]

أنا حاسة بشعورك تحدوه

لأني أول ما سافرت ما كنت طايقة أحكي مع حدا...و كل ما أتذكر الأهل و الأصحاب أبكي

كمان بطلت آكل ... مش قلة أكل ..بس الواحد ما إله نفس

...

الغربة صعبة بس بتخلي الواحد يتعلم

و أهم شي بتخليه يحس بقيمة الأهل و الوطن

...

و خليك دايماً حاطط الهدف إللي سافرت من شانه قدام عنيك...هيك بترفه عن نفسك شوية

...

[أم الوليد]

الله يرجع كل مغترب لاهلو وبلدو ويوفقكم جميعا