{بـاب الـحـارة} أم { بـاب الـريـان}

[أمل]

المشاركة الأصلية كتبت بواسطة .:.!دموع الرحيل!.:.

بآك .. ~

أول شي ذكرتيني بحآلي يا أمول .. من كم سنة ..

كـان أول جزء من بآب الـ ح ـآرة .. وما كنت اتابعه ..

وكنت احكي نفس كلامك .. وكمـان كنت مستغربة كتير

من شدة إقبآال النآس عليه .. ومدايقه . . بعكس هلأ ..

مبسوطه كتير ،، من إقبآل النآس على هيك أعمآل فنيّة ..

حبيبتي يا ننوش

طيب انا أصلا ماكان عندي فكرة إنو الو أجزاء قبل هاد بس تبع هالسنة انتبهت الو من خلال الضجة الاعلامية الي رافقتو..

[ المهم ] ..

ندخل بالموضوع ..

قبل ما نحكي عن بآب الحآرة في شغله

مهمة لازم نتفق عليهآ كلنآ ونذكّر فيهآ ..

أنه { الإعلام يا جمآعه } .. ســـلاح فتـــّــآك .. !

سلاح فتآك .. انتبهوآ إله الأعداء .. وحاربونآ من خلالوا

اشنع أنواع الحروب .. وللأسف .. وصلوآ للي بدهم يآه ..

و 34 أسباب الحآله الي وصـلت إلهآ أمتنا اليوم سببهآ الإعلام

وطبعا نحن هـون ما منقصد بس الإعلام الغربي البحت ..

لآ أبدا !

في إعلام عربي .. وهو بالحقيقه غربي حآقد بقآالب عربي ..

كمـا الخونة والمنآفقين في بلآدنآ تماما ً ..

الإعلام بيستطيع أنه يبني أمّة .. كمآ أنه بيستطيع أنه يهدمهآ ..

وصلوآ كل شي بدهم يزرعوة في عقول الشباب عن طريق الإعلام ..

طبعا هذا كلام لا يختلف عليه اثنان

ونحن لسه لليوم في البعض منآ بيحكي ( التلفزيون حرآم ) .. !

للأسف ..

أه صحيح فيه الو حكو هيك..بس التلفزيون عمرو ما كان حرام..بس الحرمة مرهونة بما هو معروض فيه

يعيني الحلال بين و الحرام بين و بينهم شبهات و فيه الي بيحب يتقي الشبهات..

ندخل بالموضوع الأصلي الي هـو عن [ بآب الحارة ] ..

وبآب الحارة حصرآ !


بدآية المسلسل .. ذو ميول إجتمآعيه شريفه راقية لأعلى درجة ..

بطآبع إسلامي .. ووطني ..


المخرج من خلال وصل عدة رسآئل جدآ قيّمة .. نحن فاقدينهآ بزماننآ

( مع إعتراضي على بعض الأمور البسيطة جدآ في المسلسل .. لكن

ما بيمنع انه الحسنآت فيه غآلبة جدآ السيئات .. ) ..

- واقصد بالسيئات = شرب الأرجيله .. وبعض هآي الأمور .. الي ان شاء الله

بتم الانتباه إلهـآ .. -


رح أحكي عن بعض المواقف الي قدر المخرج من خلالهآ يوصل هالرسائل المشرفة :

* العيله كلهآ وكبآر الحأرة بفيقوآ ع صلاة الفجر .. الأب بصحي ولاده ..

والإبن بصحوآ أهلو ..والزوج والزوجه بصحوأ بعض ع صلآة الفجر .. !

* رجل الدين ( شيخ الحآرة ) له مكآنة يتميز بهآ عن أكبر رآس بالحآرة ..

يرجع أله بكل الأمور .. حتى العقيد برجعلوآ بالمشورة .. وكلمته كلمة ..

( مش متل زمآننآ .. السلطة حاكمة الشيخ .. وصار الشيخ شريعته من شريعة السلطان

وهو بدو يسمع كلمتهم ) .. إلا من رحم ربي ..

عدآك عن الإحترام الراقي جدآ لمكآنته .. عدآ عن أنه جايبين انسان ذو ملامح

بريئة .. بتعكس الطيبة .. ( وهالأمر إعلآميآ إله اثر كبير .. بحيث أنه

بكتير من المسلسلات المحاربة للدين .. بجيبوآ رجل الإسلام بشكل .. بنفر ! )

* أهل الحارة لو اتعرضوآ لمسألة فيهآ شك هل هي مسموحه بالدين أو لاء

ما بتصرفوآ فيهآ إلا ليسألو الشيخ .. مثل الفرآن بنتو كانت مريضة والحكيم بدو يشوف

رقبتها ..

ما قبل يخلي الحكيم يشوف رقبتها إلآ لسأل الشيخ واطمن أنه مش مخآلف للشريعه .. !

* لمآ رجآل الحارة أسروآ الجنـود .. عآملوهم أحسن معآملة .. عالجوهم ..

وطعموهم والخ = طبعا كلو مستمد من تعاليم ديننآ بكيفية معآملة الأسير ..

وحكى أبو حآتم .. أنه ديننآ أرشدنآ ما نسيء إلهم وإنهم أمآنه بأعنآقنآ ..

* لبس النسآء .. المحتشم ,,

* دور النسآء ( مع أنه كان في شوي قساوة عليهم بالأجزاء الماضية ) إلا أنه هالسنه

في إظهآر جدآ قوي لدور المرآة في الحيآة .. وشو ممكن تقدم لبلدها .. ودينها ..

مع محافظتها على إحترآمها لنفسها .. ولبسها المحتشم ..

* تصدر قضية فلسطين بعقول رجآل الحآرة .. ومسآعدتهم بتأمين السلاح والخ ..

* بعز ّ خلافاتهم بين بعض .. ( الحآرات ) لمآ هجم عليهم العدو .. اتحدوآ وصاروا كلهم إيد وحده ..

وقلبهم ع بعض ! وكيف الخآين فيهم منبوذ ويوم الي اكتشفوه .. تم القضآء عليه من أول لحظة !

مش متلنا .. أصبحت الخيآنة وجهـة نظر !


* الصفآت الجميلة .. من حفآظ ع الشرف ,, والنخوة الموجودة بشبآبهم الي للأسف

مفقوده عنآ إلا من رحم وبي ! ..

* غير أنه هالسنة المسلسل بيعكس أحدآث غزة بكل تفآصيلها ..

الي الأمة بحآجة انها تشوف بعينها كيف أهل غزة عميعآنوآ !

وهلم جر من المواقف والرسائل .. الي لو انزرعت بعقول أبنآء أمتنآ .. ليصير حآلنا غير هالحآل ..

,,



وبذكر السنة المآضية .. التيآر الديني في سوريآ .. كرّم مسلسل بآب الحارة

وكآن عندهم بعض المآخذ ع المسلسل متل قصة النساء ..

وهيهآ تم معآلجتها بهالجزء !

...

زي ما حكيت قبل أنا ما حضرتو و لا حضرت الي قبلو مشان أعرف بقصتو..

بس الي انتي ذكرتيه كثير حلو و فيه تغيير للنمط المعهود بالمسلسلات.. لكن؟؟

يا جمآعه الفن رسآاله ..

وجزء لا يتجزآ من أدواتنآ الحربية ضد أعدآئنا

وكل الوقت منطالب بإعلام بنّاء يرتقي بحآل الأمة ..

لشدة تأثيره على عقول الشباب .. بحيث إنهم بحآجه ليشوفوآ قدامهم نمآذج حيّة ..

طيب اسمحيلي أحكي رأيي هون يا ننوش

وجهة نظري تختلف عن وجهة نظرك في مسألة إنو ممكن تكون المسلسلات سلاح إعلامي ضد أعدائنا

ليش؟؟

هو امتى نحنا كنا نخرج بفايدة من المسلسلات؟

يعني إنتي بتحكي إنو ممكن يكون الو تأثير على الشباب..بس للأسف نحنا مجرد مستهلكين .

كم سنة مرت و نحنا بنتابع مسلسلات و أفلام..شو يلي اتغير؟؟

و إذا كان الو تأثير بس تأثير لحظي بمجرد ما يخلص كل واحد بيرجع إلى سابق عهده..و بانتظار مسلسل جديد؟

وين الفايدة يعني ؟؟

امتى حولنا الي عم نتابعو لقاعدة عمل و كان الها وقع المجتمع؟

مثلا نحنا بنشوف كثير مظاهر حلوة أخلاق و دين و هيك ..بس مين إلي طبق ع حالو ؟؟

و هون مصيبتنا مجرد استهلاك دون انتاج

لما شفنا برنامج خواطر عن اليابان عرفنا ان سبب نهضتهم و تطورهم كان العمل..العمل الدؤوب و الاستمرار على تطبيق منهج مقرر قدرو يوصلو بيه لي بدهم ياه..

بس نحنا بنحاول نملي اوقاتنا بأي شي

رغم إنو نحنا أحوج إلى كل دقيقة من وقتنا و حال الأمة لا يحتاج تفصيل؟؟

يعني أمتنا ما راح تنهض بباب الحارة أو غيرها

إنتو حكيتو إنو بيعرض أحداث غزة بشكل غير بيوصل للناس كيف كانو أهالينا هناك بيعانو؟؟

طيب أعطكي مثال : أنا عايشة بأبعد نقطة عن غزة و فيه كثير غيري

بس عرفنا أدق التفاصيل ع الي بيجري هناك و شفنا كيف الناس كانت بتعاني و كانت فيه محاولات للدعم ايضا
يعني الناس مو محتاجة تنتظر من باب الحارة ليجي يصور الها الواقع هناك

و فرضنا إنو عم يوصل ..طيب في نظركم شو المستفاد يا ترى راح يكون فيه عمل لتقديم شي لغزة الان وانتم أدرى بالوضع هناك؟؟

أو بس نحنا راح نضل دايما نبكي على الاطلال؟؟

نقوم بس يبلش يتحقق هالشي .. نجي نحآربوآ ؟

أنا عن نفسي ما حاربت المسلسل بقدر ما بحارب هدر الوقت في اشي ما راح نطلع منو بفايدة

عمرو الإسلام ما كان دين قوقعه .. ولا إنغلآق ..

و لله الحمد دينا دين يسر و ليس عسر بس أيضا دينا دين عمل و ليس قول

..

آمآ ع سيرة أنه بيلهي عن العبآدات فـ هذا مش سبب ..

نحن ما منقول الي بيقرأ قرآن بهالوقت بالذات يترك المصحف

ويجي يحضر بآب الحآرة ..

بس النفس البشريه بحآجة لتغيير جو من وقت للتآني

وإذا حلك وبدك تغير جو ..

وتشوف تلفزيون ولا بد ..

بآب الحآرة .. خير ما يمكن متآبعته من مسلسلات ..

...

و انا ما حكيت هيك بس الكلام معمم و باب الحارة ضُرب كمثال فقط لما يعيشه الفرد من هدر لوقته في رمضان ناهيك عن غيره من الشهور

و ما فيه حدا بيمنع انو يكون فيه للشخص فسحة فمن اصول ديننا ان يكون الامر كذلك بل حث عليه لأنه فيها تجديد للايمان و رفع للهم..بس هناك فرق بين فسحة و فسحة؟؟

بعتذر كتير عالتأخير ..

بس كآن لا بد من تبيآن لهالأمر .. لأنه غلط كبير

نحرم على حآلنآ أمور .. نحن بأشد الحاآجة إلهآ

وانا شخصيآ .. كتير بفرح لمآ بلاقي هالإقبال على هالمسلسل ..

بفرح أنه في بذور خير بنفوس هالشباب .. ولسه بتعشق النخوة

والأصاله .. !

,,

الله يرضى عنك يا رب أعطيتي للموضوع حقو

بس بدي أعلق ع هالكلمتين بس بصفة شخصية يعني بحكي عن حالي و ليس بلسان أحد:

أنا بشوف إني ما حرمت نفسي من شي بس بعمل الي بشوفو في صالحي و مش شايفة إني بحاجة إلو كغيره لن يقدم و لن يؤخر..وزي ما ذكرت قبل مجرد استهلاك بدون إنتاج لا اقل و لا اكثر

أمول جزيت الخير .. بعرف شو نيتك من ورا هالموضوع ..

وسببه غيرتك على دينك .. وابناء أمتك ..

( طبعا معنى الكلام ... لأنه بالنهآي كل شي بإيد ربنآ عز وجل )

حبيبتي ننوش الله يرضى عنك يا رب و يسعدك ع المشاركة الطيبو و ايضاح مجموعة من الاشياء

ويا أمل .. لو كل إعلامنآ متل بآب الحارة

( عالأقل كبدآيه )

يمكن كنآ ضمنآ بآب الريّآن لأغلب أبنآء الأمة :) ..

و هاد الي بحكي عنو ..لو انتو بتعتبروه رمز للإعلام الهادف بقول إنو مش هاد الي نحنا محتاجينو نحنا محتاجين لشيينتج أكثر من انو يستهلك..

يعني بدنا نخرج بخلاصة عمل ..مش بس مجرد ما يخلص .نكتفي بالتعاليق و ما فعل هذا و ما ترك ذاك

//

و ختاما يا جماعة أنا لما كتبت العنوان ما حكيت إنو الي بيحضرو المسلسل حرمو من {باب الريان} هاد علمه عند ربي

بس زي ما ذكرت قبل {لحاجة في نفسي}

و هيي إنا نوصل لنقاش معقلن و عملي الله يرضى عنكم

يعني حضورك او عدم حضورك الو مش هو الي راح يضمن لك باب من أبواب الجنة ..الله وحدو الي عالم بالنيات و الاعمال ..مافيه حدا يقدر يحاسب حدا لأن كل واحد الو من الاخطاء الي ربنا وحده كفيل بسترها عن العباد

ولو الانسان مهما عمل بيضل عايش ع امل انو ربنا يجعلو من الفائزين برحمته و ليس بعمله هو كعبد

سعدت بنقاشكم و طبعا لا يزال الباب مفتوحا للمزيد