لكل مشكله حل // إعرض مشكلتك وستحل باذن الله\\

[Abu Sniper]

بتعرف تفرمت السي انته صح ؟

تمام لما توصل للشاشه الزرقاء اللي فيها بتختار السي غشان تفرمتو .. ما تختارو .. علم على السي واضغط حرف الـ ( D ) :



راح تجيلك كمان شاشه زرقاء بيطلب منك التاكيد .. اضغطلو حرف الـ ( L ) راح يحدفو ويصر السي اسمو

Unpartitioned space

وبنفس الطريقه مع باقي الاقسام لحد ما تلاقي الهارد اصبح جزء واحد فقط كما ترى بالصوره :



الان يتوجب عليك اعادة التقسيم :)

مثلا خلينا نقول بدك تقسم الهارد عندك اربع اقسام ؟ سهله جدا

اضغط حرف الـ ( C ) عشان تصنع قسم ( Creat ) .. راح تظهر لك نافذه ومعطيك فيها الحجم الكلي للهارد عندك كما ترى بالصوره :



ولنفرض انها طلعت المساحه الكليه للهارد عندك 256000

اقسم هذا العدد على اربعه ( عدد الاقسام المطلوبه ) راح يطلع عندك كل قسم حجم ( 64000 ) امورك تمام ..

الن في الشاشه هاي :



امسح الرقم المكتوب .. واكتب الرقم اللي حصلت عليه وهو ( 64000 ) واضغط Enter .. راح تلاحظ انو تم صنع القسم الاول وتمت تسميته ( C ) كما ترى :



وبنفس الطريقه انزل على المساحه الغير مقسمه واللي هيا اسمها ( Unpartitioned Space ) تحت السي بتكون علم عليها واضغط ( C ) وبنفس الطريقه حط المساحه المطلوبه للقسم التاني وبعدين اضغط انتر .. وهكذا الى ان يتم صنع اربع اقسام .. راح تلاحظ انو في قسم بالاخر لا يتم تقسيمه بيكون حجمو غالبا ( 8 MB ) مافي مشكله سيبك منو ..

الان صار عندك اربع اقسام جاهزه ... روح على القسم الاول وهو الـ ( C ) اضغط انتر وفرمتو :




واكمل تركيب الوندوز بالطريقه العاديه ...

بعد الانتهاء مبروك عليك هارد بتقسيمه جديده خالي من الفيروسات ووندوز جديد بكامل فعاليته

...

ان شاء الله الامور سهله ؟ بانتظار ردك واي استفسار انا معك

[أم الوليد]

والله شكلو بستهبل وبسرقني كمان وانا مش عارفة العمل

[أســـآمـة]

غلبتك كتير أبو سنايبر ..سامحني..

و ان شاء الله بشوف حل للجهاز~|

[Abu Sniper]

العمل بسيط جدا ... ما عاد تروحي عليه واي مشكله تابعي معي واتعلمي .. عشان تعملي شغلك لحالك ... وتحلي مشاكلك بنفسك

بفكر اسوي دوره لقيادة الحاسب :) مش ( icdl ) .. لكن دوره هيك تعرف المستخدم اساسيات بسيطه بتفيدو كتير

ان شاء الله قريبا .. وان شاء الله يكون في تفاعل من الاعضاء

[Abu Sniper]

المشاركة الأصلية كتبت بواسطة !.:.OsAmA.:.! غلبتك كتير أبو سنايبر ..سامحني..

و ان شاء الله بشوف حل للجهاز~|

ولا يهمك يا باشا ... انته هنا بتطلب وانا بلبي ازا بقدر ... مافي داعي ( سامحني وسامحك ) الامور عسل

وانته شوف اللي بيناسبك وانا مستعد معاك خطوه بخطوه

[أم الوليد]

والله ياريت دورت عدورات صيانة ، بس يعرفوا انها الي وانو بنت ، بسمعوني حكي انو بنات اخر زمن وعيب ومدري شو جهل عندالناس وهاي لاحظ انو اكبر محل كمبيوتر عنا

[Abu Sniper]

دورة صيانه في هالبلد عالفاضي .. اخويا الاصغر مني اخدها .. اوكي هوا بيعرف ايش المشكله في الاجهزه .. هدا واصلو كهربا ... هدا خربان في الترنسيستور .. هاي الرامه شغاله مش شغاله .. لكن شغل برامج وسوفت وير .. صفر عالشمال

اكبر محل كمبيوتر عندكو ؟؟ طيب بسيطه كل يوم نص ساعه مع المهندس الموجود بتطلعي مهندسه زيو بعد شغلة شهر شهرين :)

[أم الوليد]

ايه والله ، وبعدين كرهت كل المهندسين والمبرمجين طب شو اعمل هلا كل الاجهزة الي بستخدمها فيها مشاكل (جهاز الشغل وريتك الدسك توب وبدو فرمتة)
ولاب توب تبعي تقيل وبطيئ وتختفي الرموز

وأجهزة الشغل الباقية فيها فيروسات

من وين ابدا وكيف وبشو؟؟؟؟؟

[أم الوليد]

شوهاد كل مابدي ظبط التوقيع وحط اللنك شوف شو بطلع لي
Not Acceptable

An appropriate representation of the requested resource /vb/profile.php could not be found on this server.

Additionally, a 404 Not Found error was encountered while trying to use an ErrorDocument to handle the request.
A6yaf.NET Security Apache Server at www.shabab.ps Port 80

[Abu Sniper]

طيب حلو كتير .... عندك لابتوب ..

معناتو بتاخدي اللابتوب معك على الشغل ... وبتعملي جهاز الديسك توب طبعا مع متابعه حيه مباشره على الهوا معي هنا بالمنتدى .. باستخدام الابتوب ... واي شغله بتغلبك .... بتقوليلي اياها على طول .. بحكيلك شو تعملي

يعني تطبيق مباشر .. بتابعي هنا معي بالابتوب .. وبتطبقي على الديسك توب ..


بنعمل الديسك توب بتكون الطريقه رسخت بمخك تمام ... بتروحي بتكملي اجهزة الشغل الباقيه .. وبس تخلصي .. بتعملي لابتوبك :)


هيك افضل ولا ايش رايك ؟