أحبك

[HUDA]

احبك يا وطن ،، ومو بيدي أنو ما أحبك،، رضعتني أمي حبك وأبوي من زمان يوري حكايات ،، عن عين كارم الحبيبة عن القدس عن فلسطين..

يحكيلنا كيف كانوا يلعبو وهم صغار ،، كيف كانوا يجدوا الزيتون ،، وكيف يتعاونوا صغار كبار،، وكيف كان سيدي يصحيهم عالفجر ويا ويل مين ما بصحى،، وكيف كان المنبه الديك الكبير بعلي صوتوا بالتسبيح ..

وكيف كانوا يروحو على جامع عين كارم يصلو فيه و يقعدوا بعد الصلاة حولين الشيخ يقرأوا القرآن بعدين يروحوا عالحقلة الي يزرع والي يرعى الغنمات ....

وكيف كانوا لما يعطشوا يشربوا من العين .. مي نقية طاهرة وزاكية كتير..

وكيف كانت ستي تجيب الصرة الي فيها الأكل خيارة من هون وبندورة من هناك ومرة عملت لسيدي مفاجأة كانت لافة طنجرة ورق عنب كبيرة ....

وبحكي أبوي واحنا بنسمع وأرواحنا بشوق للوطن الحبيب...

وتنهد ابوي وكأنو بالتنهيدة طلع آلاف الآلام والأحلام جرحت قلوبنا دمعة نزلت من عينو لما حكالنا: وصليت يابا بالصخرة خمس صلوات أنا كتبت على حيط الصخرة من جوى التواريخ لما تروحوا يابا إذا صار التحرير ادخلوا وشوفوا توقيعي .....

قمت قلتلوا: إن شاء الله يابا إنت تروح وتشوفها.. اتطلع علي نظرة حزينة وقال: كان في الدنيا خير يابا...

وقام أبوي على الصلاة وسرحت أنا لبعيد بقول الملعونة جولدا مائير:ان الكبار يموتون والصغار ينسون

وكيف ننسى وعنا أسياد وآباء رضعوا حبك يا فلسطين ،، قاوموا للدفاع عن أرضك... وجبينهم سجد على ترابك..
وكيف ننسى وإسم اللاجئين والنازحين وعرب فلسطين ملزق فينا ...

لاتظنوا إنا راح ننسى ماحدا بنسى دمو ...

[عروسه يافا]

شكراااااااااا كتييييييييييير حلو الموضوع الله يعطيكي العافيه يسلموووووووو

[الشاعر لطفي الياسيني]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
ارز لبنان
ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى

-------------------------------------------------------------------توقيع لطفي الياسيني
عاش العراق ..
عاشت المقاومة العراقية البطلة
عاشت فلسطين حرة عربية من البحر الى النهر
المجد والخلود لشهداء أمتنا الأبرار
والله أكبر .. الله أكبر
اللهم من المجاهدين العمل والإنابة ومنك التسديد والإصابة


أن الموت على حبل العزه اشرف الاف المرات من العيش على بساط العار

[HUDA]

شكا للمرور الحلو

[.. ليآل ~]

لا طبعا ما بننسى

ومافي قوة بالدنيا بتنسينا بلادنا وحق عودتنا

شكرا عزيزتي هدى على بوحك

اتمنالك التوفيق