(!؟) لكل شاب وكل فتاة.. (تَعَجُب واستفهام)

[الحان الحرية]

والله خيو الموضوع اللي طرحته مهم كتير ,,

بس المشكلة هاي الشريحة من الناس ما بتسمع و لله الحمد يعني لا مبالين و مطنشين الدنيا ,,

و طبعا ً فيه بكل مجتمع الصالح و السيء .. بس بالمجتمعات العربية زادو الناس السيئين عن الحد ..

يعني اللي بالشوارع هلأ اشي بشيب الراس ..

و هو من علامات آخر الزمان ,,

يعني شباب بعمر الورد حرام يضيعو طاقاتهم باشياء هيك متل انهم 24 ساعة بالشوارع سهرانين مزعجين العالم و مش مستفيدين ..

و لو محترمين حالهم بنحكي بس شباب بقمصان زهرية و بنطلونات نازلة و حالتهم حالة

مش احسنلهم بدل هالوقت يلي بيضيع ع الفاضي يفيدو حالهم بدين أو علم أو رياضة ..

و من البنات كمان مش هاممهم اشي و مش عاملين لحالهم قيمة ,,

ما بعرف اذا عارفين انهم بكرا راح يلاقو بصحفهم انك اخدتي سيئات عن فلان و فلان و فلان و مين يا ترى هدول بيطلعو ؟ بيكونو الناس يلي شافوها بالشارع ..

ولا موضة الحجابات اللي طالعة ..

و بيسمو حالهم متحجبات ..

لا حول ولا قوة الا باللهـ..

و انا برأيي الحل بالالتزام بالدين الحق و هاد بيكون لما الاهل يغرسو باولادهم القيم و المبادئ ..


اللهـ يهدي الجميع ..

و يصلح أحوال الأمة ..

آسفة ع الاطالة .. بس الموضوع كتير بستفزني ..


يعطيك ألف عافية أخي ..

أرق التحايا

[ابو سليمان]

المشكلة فينا نحن
اصبحنا لانثق بحضارتنا العربية والاسلامية لذلك قلدنا الغرب فى كل شىء
لذا اقول اللهم اصلح احوال شبابنا وبناتنا ..............ودمتم بود

[بنت النيل]

والله معاك حق بس انا ما اعتقدش انو كل الناس بتقلد وخلاص في ناس بتبقي مستنيه الموضه دي تنزل بس علشان يعملوها عامه شكرا ع الموضوع

[((ابن غزه))]

الموضوع مره حلوووو

جزاك الله خير

مشكوررر

[هادي]

المشاركة الأصلية كتبت بواسطة أم الوليد

على زماننا أهلنا ربوا فينا الرقابة الذاتية الضمير الحياء كنا نشوف تلفزيون بس بحدود ، نقرا مجلات نضيفة، نفون نت بأدب بس الله المستعان لازم كل المؤسسات التربوية والدينية تتكاتف لتصلح الي افسدو الدهر

تسلمي إم الوليد..
ولليوم في كتير ناس محافظه (مع انفتاحها على الحضارة النافعة).. بس والله الظاهر إنو الأهل بطلوا يحكموا على ولادهم وبناتهم!!! والحياء صار (ضعف شخصية) مع كل أسف..

[هادي]

المشاركة الأصلية كتبت بواسطة أمواج

اخي أمجد .. كلامك صحيح 100% و لا اعتراض عليه ابدا ... لكن حسب رأيي الشخصي في كل مجتمع سليم مفروض يكون هناك انماط مختلفة من الناس يعني ولا مرة كان مجتمع كامل قدما يكون مجتمع ناجح او سليم ..هذا هو العالم ولا شخص بيتشابه..واجب علينا احترام الغير و تقبل الغير كما هو و احترام رغباته و طريقة تعبيره عن حالو وتعيش معاه على هدا الاساس كيفما كان الا اذا كان الشخص بضرك شخصيا .. انا معك اننا مجتمع شرقي عندو عادات و تقاليد لكن ايضا ممكن يكون في ديمقراطية بالمجتمع الشرقي يعني مع حدود حمرا ممنوع نتخطاها .. وبالنهاية كل شخص بعبر عن حاله يعني انت بتعرف كل شخص من طريقة لبسو و تصرفاته اذا هو محترم او لا و اذا تتعامل معه او لا.يعني متلا هدا الشخص اللي ذكرته اول حالة مفروض شخص اخر يوعيه ممكن يقتنع وممكن لا. والشخص اللي بيهموا نفسه و سمعته بعرف كيف يقدم حاله للمحيطين فيه ... موضوعك فيه توعية .. بس صعب نفرض آراءنا عالجميع ..

بتمنى منك تتقبل مروري و ردي - بتشكرك عالموضوع ....

أمواج .. تسلمي ع المرور .. وأنا إللي بشكرك ع الرد
انا مابفرض رأي، أنا بنقض واقع دخيل على تقافتنا، (على الأقل من وجهة نظري)، حتى الأجانب لما بيجوا عندنا بيراعوا ثقافتنا بلبسهم وتصرفاتهم .. وبكل بساطة (الفكرة إنو ممكن الشب أو البنت يكونوا بمنتهى الأناقة من غير الأنماط اللي أُنتقدت في الموضوع)، والدين يتيح الحرية الشخصية لكن ضمن إطار الشرع .. يعني ما بينفع أحكي أنا حر وأنزل للسوق بشورت وكت!!!
وكمان تسلمي أمواج

[فلسطينية ومفتخره]

اولا : موضوع حلو كتييييير كتييير

بس حابه اعلق على شي وااااحد يعني بصراااااحه الاهل ما الهم دخل ممكن يكون الشاب مربى احسن تربايه بس خلص ماشي ورا الموضه التافهه هاي ..........

والاهل ممكن يكونو كتييير بينصحو ابنهم انه يترك هالتفاهه لكن هو تعود عليها هاد ما اسمه انه الشاب مش مربى هاد اسمه شاب ماشي وراء الموضه وبعيد وبكرر ممكن يكون مربى احسن من الشاب الي ما بتبع هاي الموضه .

اما البنت والله الي ماشيه ورا هالموضه وبتلبس حجاب هاي كمان ممكن تكون مربيه احسن تربايه لكن لما اهلها يقولو لها لاتلبسي هيك او هيك وقتها بدها تربايه لانهم اكيييد بيعرفو مصلحتها .

واكييد لما تلبس هيك ولا هيك رح تلاقي عليها حكي طالع ونازل بتعرفوا بهالزمن ما حدا بيترك حدا بحالو اما الشاب قد ما عمل ما حدا بيلومه قد البنت.

رأيي اتمنى ان تتقبلوه واسفه طولت عليكم
مشكووور اخي على الطرح الرااائع

[هادي]

المشاركة الأصلية كتبت بواسطة دمعة أسى و الله من المناظر اللي بشوفها بقشر بدني ما عليك إلا إنك تمشي بالكتيبة
و تشوف اللي بيشيب الراس

إذا كان الأهل مو مربين كيف بيكون و لادهم

كتير ناس لما تحكي معهم مو حلو بناتكم يطلعوا بهيك لبس بجاوبوا بكل برود

لسا صغار

و لا الشب اللي البنظلون ما بعرف كيف دخل فيه
مو ملابسه الداخلية مبينة أي و الله منظر مقزز

الله يصلح الأحوال و يثبتنا على الحق

دمعة أسى على حالنا .. وآمين .. الله يصلح هالأحوال ويثبتنا على الحق..
يعني ممكن بعد جيل أو جيلين يصير في عندنا (چيرل فرند و بوي فرند)؟؟!! وممكن البنت بعد عمر التمنطعش تستقل وتسكن لوحدها .. ولو أبوها ما قبل بتسجنو!!!!!!
كل شي صار ممكن يصير!!
تسلمي دمعه

[هادي]

المشاركة الأصلية كتبت بواسطة ŠaĐĐamêaħ بالنهآية كل وآحد رح يندفن لحآلو ويتحآسب لحآلو ..

والله يهــدي الجميــع ..^^

شكــراً أخي ع الدرر اللي بتحكيهآآ ..

بورِكـــت ..}

SaDDameah تسلمي
صح كلامك .. بس احنا كمان (بنتحمل مسؤوليه) .. أحنا جزء من المجتمع!! وين دورنا الإيجابي؟!!

[هادي]

المشاركة الأصلية كتبت بواسطة الحان الحرية والله خيو الموضوع اللي طرحته مهم كتير ,,

بس المشكلة هاي الشريحة من الناس ما بتسمع و لله الحمد يعني لا مبالين و مطنشين الدنيا ,,

و طبعا ً فيه بكل مجتمع الصالح و السيء .. بس بالمجتمعات العربية زادو الناس السيئين عن الحد ..

يعني اللي بالشوارع هلأ اشي بشيب الراس ..

و هو من علامات آخر الزمان ,,

يعني شباب بعمر الورد حرام يضيعو طاقاتهم باشياء هيك متل انهم 24 ساعة بالشوارع سهرانين مزعجين العالم و مش مستفيدين ..

و لو محترمين حالهم بنحكي بس شباب بقمصان زهرية و بنطلونات نازلة و حالتهم حالة

مش احسنلهم بدل هالوقت يلي بيضيع ع الفاضي يفيدو حالهم بدين أو علم أو رياضة ..

و من البنات كمان مش هاممهم اشي و مش عاملين لحالهم قيمة ,,

ما بعرف اذا عارفين انهم بكرا راح يلاقو بصحفهم انك اخدتي سيئات عن فلان و فلان و فلان و مين يا ترى هدول بيطلعو ؟ بيكونو الناس يلي شافوها بالشارع ..

ولا موضة الحجابات اللي طالعة ..

و بيسمو حالهم متحجبات ..

لا حول ولا قوة الا باللهـ..

و انا برأيي الحل بالالتزام بالدين الحق و هاد بيكون لما الاهل يغرسو باولادهم القيم و المبادئ ..


اللهـ يهدي الجميع ..

و يصلح أحوال الأمة ..

آسفة ع الاطالة .. بس الموضوع كتير بستفزني ..


يعطيك ألف عافية أخي ..

أرق التحايا

تسلمي ألحان ..
إنتي حكيتي الخلاصه .. نقص الوازع الديني، وقت الفراغ الطويل عند الشباب، والأصدقاء (دورهم مهم جداً)!! لو الأهل بيتابعوا أبناؤهم صح .. ولو في لغة حوار بينهم
أكيد رح يكون حالنا أحسن ..
وعلى سيرية الإستفزاز: أكتر حاجه استفزتني شباب راكبين سياره كشف (بانوراما) ومشغلين ستيريو (مع مضخم صوت) على أغنيه عبريه!!!
ألحان .. مرورك مميز